Genesis 28:5 - Ohiatonhseratokénti

⁵ Eʼthó꞉ne NʼIsaac iahotó꞉ri ne Jacob; tánon Paddan-aram niahá꞉re, tsi thén꞉teron ne Laban, ne ne Bethuel roièn꞉ʼa ne ne Aramró꞉non, ne ne Rebekah iatenoʼsénha, tánon ne ne Jacob tánon Esau shakotiʼnisténha.

Genesis 28:5 ပူးပေါင်းရင်းမြစ်များ

Genesis 22:23

Ne Bethuel ne shakoièn꞉ʼa ne Rebekah. Ne Milcah tánon ne Nahor, shaʼté꞉kon nihá꞉ti rotinekenhteronʼtsheraientá꞉ʼon. Ne Nahor ne꞉ne Abraham iatateʼkén꞉ʼa.

Genesis 24:54

Eʼthó꞉ne ne ráonha tánon ne skátne ronwaʼriskohtonhátie ronnón꞉kwe waʼthonská꞉hon ó꞉ni wahatihnekí꞉ra, tánon thóh wahonnón꞉wete. Sonsahontkétsko nohnrhonʼké꞉ne, wahén꞉ron, “Ionsahskwaténieht tsi tén꞉teron ne riioʼténhse.”

Genesis 25:20

NʼIsaac kaié꞉ri niwáhsen shaʼtehaohseriiá꞉kon shahotíniake ne Rebekah, ne ne Bethuel shakoièn꞉ʼa (Aramró꞉non ne ne Paddan-aram), ne ne Laban iatenoʼsénha Aramró꞉non.

Genesis 27:43

Eʼthó katíʼ, konièn꞉ʼa, takewèn꞉narak; tesasteríhen téstaʼn iatiatateʼkenʼkéha Laban niahá꞉se ne ne Haran nón꞉we,

Genesis 28:2

Wa꞉s ó꞉nenk Paddan-aram niahá꞉se tsi thonónhsote ne Bethuel, saʼnisténha ronwaʼníha; tánon thóh nón꞉we iahsenahkwatshén꞉ri ne ne tseiá꞉ta ne Laban shakoièn꞉ʼa ne seníniak, ne ne saʼnisténha iatenoʼsénha.

Genesis 29:1

Eʼthó꞉ne né Jacob waʼthatháhahkwe, iahá꞉rawe tsi thonnonhóntsaien nonkwehshón꞉ʼa ne tsitʼkarahkwínekenʼs nón꞉we.

Genesis 29:12

Tánon wahshakohró꞉ri ne Rachel ne ráonha ne ne ronwaʼníha iatátenonhkwe, tánon né ráonha ne ne Rebekah ronwaièn꞉ʼa í꞉ken; tánon iaʼtonsaionráhtate wahonwahró꞉ri ne ronwaʼníha.

Genesis 31:24

Ók ne Rawenni꞉io wahototáhshien ne Laban ne Aramró꞉non atetshenhserá꞉kon ne tsi niwahsón꞉tehskwe, tánon wahawènhahse, “Senikón꞉rarak tóhsa né tsowén꞉na tshénhahs ne Jacob, naioiánereke khehs naonhetkèn꞉take.”

Genesis 35:27

Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe.

Ezekiel 27:16

Nonhkweshón꞉ʼa ne Syria nónhwe wahatininónhnion ne saienthátsheras ó꞉ni wéso ne oiásons nihiothánions. Nóhonte nikanenhiótens, ariwahkonhnhéha niwahsohkótens oniatarahasónha, tewahserihiétharon, ne wahniatharí꞉ios, onekóra, tánon ne kwáh tetsiosohkwáhkaras nonekwéntara nikanenhiótens né wesatkarhiáten ne sawenhsónhas.

Hosea 12:12

Ne Jacob tsi tiohontsá꞉ien ne Aram nón꞉we niahá꞉re, thóh nón꞉we ne nahónton ahanakwahtsénhri ó꞉ia rónkwe wahohiò꞉thenhse wasakothenhnikónhraren ne rahotshenenhó꞉kons teiotinaʼkarontón꞉as.

Deuteronomy 26:5

Ethò꞉ne, rahohénton ne Roiá꞉ner ensheshirón꞉nion kí꞉ken owenhnaʼsón꞉as: ‘Ne ratsotkénʼen ronatenháwiskwe Aramró꞉non, ne rahowá꞉tsire Egypt nieshakohiaʼténha thóh nón꞉we ieshatinákereʼkwe. Iáh teshonatioʼkowanénhne ne nón꞉we shahón꞉ne, ók sahonatiohkowá꞉nen tánon sahatishatstenhserowá꞉nah.