Genesis 28:19 - Ohiatonhseratokénti

¹⁹ Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

Genesis 28:19 ပူးပေါင်းရင်းမြစ်များ

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 28:11

Tsi nón꞉we iahá꞉rawe tánon thóh nón꞉we nahahsontí꞉iaʼke, tiorí꞉wa tsi ó꞉nen ieiorahkwèn꞉en. Skanén꞉ia waʼthanén꞉iahkwe neh nón꞉we, ne nahatkòn꞉serahkwe tánon thóh nón꞉we nahatiaʼtakwenhtáhrhoh nahó꞉taʼwe.

Genesis 31:13

I꞉i Kení꞉io ne Bethel nón꞉we, tsi nón꞉we tiseienáhrhon tsi kanenʼnió꞉te tánon wahskerihwahní꞉ratshe. Káti kwáh ó꞉nenk é꞉ren sá꞉seht kíʼ kenh nón꞉we niionhontsá꞉ien tánon thóh nón꞉we ionsá꞉se tsi tionhóntsaien tisanakerá꞉ton.’”

Genesis 35:1

Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.”

Genesis 35:14

Né Jacob wahanenió꞉ten tsi nón꞉we naʼtehotihthá꞉rahkwe; tánon tho tahahnekáweron ne oʼnenharákeri ne iahá꞉tate, tánon ó꞉ni tho taháweron ne iakeniewáhtha kèn꞉ie.

Genesis 35:15

Káti ne Jacob neh nón꞉we niwatenà꞉taien tsi nón꞉we naʼtehotihthá꞉rahkwe ne Rawenni꞉io Bethel wahaná꞉tonhkwe.

Genesis 35:6

Ne Jacob iahá꞉rawe ne Luz (ne ne Bethel nón꞉we) ne ne tsi watonhontsá꞉ien ne Canaan, ráonha tánon tsi nihá꞉ti ne ratikwekonhátie,

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

1 Kings 12:29

Énska ne té꞉ro owíra í꞉ken nowistanóron kaiatónhni Bethel nónhwe iahá꞉ien tánon nó꞉ia Dan né nónhwe iahá꞉ien.

2 Kings 2:2

tsi niʼonahá꞉hes ne Elijah wahawénhase ne Elisha, “Ónenh kíʼ kénʼhen shé꞉sek; né Roiá꞉ner rakró꞉ri Bethel nónhwe niá꞉ke.” Ók ne Elisha watharihwaseráko; “Wakerihwanírathe tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi iáh takonhiatewénhtheʼte.” Káti tenitsáron Bethel niá꞉haʼne.

2 Chronicles 13:19

Né Abijah shasakosehréson ne Jeroboam rahonkwetaʼshón꞉as ronhterí꞉ios tánon wahatiénawaste ne rahotinatowánens: né꞉ne Bethel, Jeshanah, tánon Ephron, tánon ne kén nikanahtásas aktónhtse í꞉kens kíʼ kén kanatowánens.

Hosea 4:15

Ethosà꞉ne ne wetsiátswate ne watenakwaiesátha, O Israel, tó꞉sa serí꞉hon ne Judah nahiónike. Tó꞉sa ienhénse niasatawéiate ne Gilgal, khés ne iáse ne Beth-aven, tánon tó꞉sa serihwaní꞉rat, “Ne Roiá꞉ner tsi rónhne.”

Joshua 16:2

Bethel nitsawé꞉non eʼnietsawé꞉non né꞉ne Luz, iehiotohétston ne Ataroth Addar, thóh nón꞉we ne Archró꞉nons nihatiʼterónhthakwe.

Joshua 18:13

Ne tsi karisthatátie ethò꞉ne thóh nietsawé꞉non tsi ionhnontakárenhne ne entiè꞉ne nokwá꞉ti ne Luz (ne ó꞉ni konhwanaʼthónkwa ne Bethel), ethò꞉ne ietionhnonhtatsnénhton ne Ataroth Addar nón꞉we, ne tsi iononhtáhere nenhtiè꞉ne nokwá꞉ti ne Beth Horon nón꞉we.

Joshua 8:12

Kák nónhne wísk niwenhniaweheʼtseráhsen nihá꞉ti iashakohiaʼténhawe tánon washakohiatásehthe ne tsi iaʼtewatshénthos nokwá꞉ti ne kanatowanèn꞉ke, tsi naʼtetiátere ne Ai tánon ne Bethel.

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.

1 Samuel 10:3

Eʼthóhʼne ní꞉se kwáh èhʼthoh ienʼseshaténhti kwáh kén niió꞉re nienhénse tánon iénsewe tsi tsorónhtote ne kahrí꞉ton ne Tabor nón꞉we; áhsen niháti roʼnónhkwe Ní꞉io wahonwahsénhnaienʼne ne ne Bethel nón꞉we kwáh thóh nón꞉we iatenhsewatát꞉ken, saiá꞉ta áhsen niháti kaiatákeras owí꞉ra sakoiatenháwi, nó꞉ia ne ne rahawíhne áhsen nikanatarákes, tánon nó꞉ia ne ne rahawíhne ne otsítsa watʼnekarákwah ne ne kané꞉honk iotsatawíton.

1 Samuel 7:16

Ienʼhakwatóseron tsi iatenhakwátase iateioserá꞉ke thóh nonwéson Bethel, Gilgal, tánon Mizpah; tánon ensakorihwénhtaʼse Israerʼró꞉nons akwé꞉kon kí꞉ken tsi kanataién꞉tons.