Genesis 28:14 - Ohiatonhseratokénti

¹⁴ tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 28:14 ပူးပေါင်းရင်းမြစ်များ

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 13:14

Ne Roiá꞉ner wahawénhahse ne Abram, ó꞉nen né Lot shaʼtehonatekháhshion ne ráonha, “Satahrakétsko tsi nón꞉we níhseʼs nón꞉wa, tánon iasátkáhtho nothorè꞉ke nonkwá꞉ti tánon nentiè꞉ne nonkwá꞉ti tánon ne tsitʼkarahkwí꞉nekenʼs nonkwá꞉ti tánon ne tsi iaʼtewatshénthohs nonkwá꞉ti;

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 22:18

Kwáh ohontsakwé꞉kon nonkwehshón꞉ʼa enionkeriʼwanón꞉tonhse nakheiaʼtaté꞉riste, tsi kiʼ nikheiaʼtateríston ne sahwá꞉tsire ne tiorí꞉wa tsi takewennaráhkwen.”

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 32:12

Sasehiá꞉raʼn nétho tsi ní꞉senh, ‘kwáh orihwíioʼón꞉we tsi enkonianeráhsten, tánon tho ní꞉ioht tsi enkhehwatsirónnien tsi nienhsatwatsí꞉rine tsi ní꞉ioht tsi tekanehsaronhkotáhrhon ne kaniataraʼkehkó꞉wa, ne ne iáh thaón꞉ton nahonwanáhsehte ne tsi nihonatiohkowá꞉nen.’”

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

Genesis 48:19

Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.”

2 Chronicles 1:9

O Saiá꞉ner Ní꞉io, tierit tsi nitsiarahratsténhni ne rakeníha. Waskenontí꞉ioste tsi nòkwah nonhkweʼshón꞉as né sóhtsi ronatsokowánenh iáh tahónton nahonwanásehte,

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Isaiah 54:3

Asèken kwáh iathenstakwáhrite ne tsi seweienteʼtákwen tánon ne sehsenekwáti, tánon ne tsi iensatʼwatsiríne kwáh kí enshakonatiénawasʼte niaʼkahontsakeró꞉nons tánon thóh nón꞉we nenhontenatónhni ne watewenhtétons kanataiéntons.

Numbers 23:10

Tsi nithonatwatsiríhnon NʼIsraerʼró꞉nons kwáh né꞉ne okénra í꞉ken— Sóʼtsi ronatiokowánen nahonwaná꞉sehte. Takeríhon nahontsiáke nakenhnísera tsi ní꞉ioht ne Rawenni꞉io rahonkwéta akénhake; Takeríhon kwáh skénnonk tsi akíheie tsi ní꞉ioht ne tronkwetaiéri íken.”

Matthew 8:11

Nese ȣaonni katon kentiokoȣanen, tsi tkarakȣinekens oni tsi Iateȣatsothos nentienseron, nok enskatne ienhatikȣekon kanakeraserakon ne karonhiakon, Abraham, Isaak, Jacob.

Acts 3:25

Tsi nihorahratsʼthánions ne Rawenni꞉io, ne níse sewariwáke, thóh sewahiátare naʼteriwaseronʼnhatserákon tsi nìiʼsakosaháni ne Rawenn í꞉io ne sewasótʼtseras. Tsi nihawénʼni ne Abraham, ‘Tsi waswatsirathátie tsi onkwetaʼkwékon nónkwe tsi niʼiohóntsia tsi enkehiathatérisʼte.’

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

Galatians 3:8

Noriwatokénti iekariwákens nètho Rawenni꞉io tsi ensesakoriwaserónnien ne iáh tehathisitaerónons tsi natehóntere ne rahónha, tewetákwen nón néntewe. Tánon rahonháke ne Abraham nón kí꞉ken ne kariwí꞉ios nikarihowanáton noriwatokéntis: “Iséke ne Rawenni꞉io ensakohiatatériste nonkwetakwékon.”

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Deuteronomy 12:20

“Nó꞉nen ne Roiá꞉ner sewaNí꞉io enshakowanà꞉te ne sewanakeráhsera, tsi ki nihorahrátston, enwá꞉ton nahisewahwá꞉rake ne kwáh tsiknón꞉we akénhake tsi nenhséwere.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Revelation 7:4

Tánon wahonkró꞉ri tsi niiá꞉kon ne ronwatitsikwénhton, énska tewenhniá꞉weh kaié꞉ri niwáhsen kaié꞉ri niwenhniaweheʼtsheráhsen nihá꞉ti, ronwaʼtitsikwénhton kwáh tsi niateothitará꞉kes nonkwé꞉shón꞉as ne Israerró꞉nonhke:

Revelation 7:9

Shontóhetste kí꞉ken iakatkáto, tánon wakhé꞉ken kwáh í꞉ken tsi kanenhrowá꞉nen né꞉ne iáh thaón꞉ton nahonwanaséhte, né꞉ne kwáh tsi niateiakahontsá꞉ke, né꞉ne kwáh tsi niateiakotará꞉kes ó꞉ni nonkwehó꞉kons ó꞉ni nakoronkhá꞉tsheras, thóh ronhné꞉te ohén꞉ton tsi wanitskwaratseró꞉te ó꞉ni raohén꞉ton ne teiotinaʼkarontón꞉ha owí꞉ra, teonateweiá꞉here kará꞉ken, ne rathihawáhnion ne ionerá꞉tes onenhrashón꞉as.