Genesis 28:13 - Ohiatonhseratokénti

¹³ Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 28:13 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 13:17

Téstaʼn, sateʼkhaharónnion ne tsi niiohón꞉tseʼs tánon tsi naʼteionhontsaká꞉ron; aseʼkénh í꞉se entkón꞉ion.”

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

Genesis 31:13

I꞉i Kení꞉io ne Bethel nón꞉we, tsi nón꞉we tiseienáhrhon tsi kanenʼnió꞉te tánon wahskerihwahní꞉ratshe. Káti kwáh ó꞉nenk é꞉ren sá꞉seht kíʼ kenh nón꞉we niionhontsá꞉ien tánon thóh nón꞉we ionsá꞉se tsi tionhóntsaien tisanakerá꞉ton.’”

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 31:5

tánon wahshakawènhahse, “Kattó꞉kas ne etshiseniʼníha tsi iáh eʼthó tetsó꞉re teshatenroʼserí꞉io tsi nokwá ní꞉i tsi nitiohtón꞉ne. Nok kiʼ ne rakeʼníha Raoní꞉io tsi iakenikwekonhátieʼskwe.

Genesis 31:53

Aiá꞉wens Ne Raoní꞉io ne Abraham tánon ne Raoní꞉io ne Nahor ne Raotiní꞉io ne ronwatiʼníha, tahshonkeniiaʼtoréhtaʼse tsi naʼtetiátere.” Sók kiʼ ne Jacob waharihwahní꞉rate ne tsi nihotshá꞉nis ne roʼníha Isaac,

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:9

Eʼthó꞉ne ne Jacob wahaterén꞉naien, “O Tshewenni꞉io ne rakeʼníha Abraham tánon Tshewenní꞉io ne rakeʼníha Isaac, O Saiá꞉ner í꞉se takhró꞉ri, ‘Tho nón꞉we niaonsá꞉ke tsi nón꞉we tewakenakerahserá꞉ien tánon tsi tekwatsí꞉raien, tánon kwáh ioiánere tsi nenkoniatié꞉raʼse.’

Genesis 35:1

Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.”

Genesis 35:12

Ne ohóntsa nétho tekheiá꞉wi ne Abraham tánon ne Isaac, kwáh í꞉se enskón꞉ion, tánon ó꞉ni iensekhé꞉ion tsi nienhsathwatsirí꞉ne.”

Genesis 35:15

Káti ne Jacob neh nón꞉we niwatenà꞉taien tsi nón꞉we naʼtehotihthá꞉rahkwe ne Rawenni꞉io Bethel wahaná꞉tonhkwe.

Genesis 35:17

Ne nó꞉nen kwáh siioronhiá꞉ken, ne iohshnié꞉nons naiowiraièn꞉taʼne waʼawènhahse, “Tóhsa sáteronʼn, aseʼkénh ó꞉nen ó꞉ia sesanekenhteronʼtsheraièn꞉taʼne.”

Genesis 46:3

Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

1 Chronicles 16:18

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Psalms 105:11

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Exodus 4:5

Ne Roiá꞉ner wahénron, “Tó꞉ki náhtsier noriwí꞉io ahonatónhnien ne lsraeró꞉nons nètho Roiá꞉ner, né SakoNí꞉io ne sakotisotʼthonkonhkènʼen, ne Raotí꞉io ne Abraham, lsaac, tánon ne Jacob, tsi wahiaʼtotáshiase.”

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Ezekiel 28:25

Ne Ronhnontí꞉io Roiá꞉ner wahénron, “Kwáh thetekhehiaténhawe NʼIsraeró꞉nonhs tsi nonhwéson nihatináhkeres nonhkweshón꞉ʼa iatekhehiareniáton, tánon kwáh kanenhrahkwékon tsi enhiakoteriéntharahne tsi watiathatokénti. NʼIsraerónonhs kwáh rahononhontsáke nónhwe nenhatináhkerehke, ne nonhóntsa né thihiáwi nahkenhátshera Jacob.

Amos 7:7

Ken kí꞉ken nahó꞉ten wahakenatónhase: ne Roiá꞉ner ashón꞉tatʼta í꞉rahte tsi wahshonthón꞉ni ieserihiethentháhkwa wátsthon, tánon ieserihiethenthákwa raháwe.

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.