Genesis 27:27 - Ohiatonhseratokénti

²⁷ Sók kíʼ ákta niahá꞉re tánon waʼthoʼnoronhkwánion; tánon wahatéswahte tsi nihaonseró꞉ten ne raotsherónniaʼt, tánon wahoiaʼtaté꞉rihste, tánon wahén꞉ron, “Ah tsi nihronseró꞉ten ne riièn꞉ʼa kwáh thóh nihiaonseró꞉ten tsi ní꞉ioht ne kahentà꞉ke neʼthó Roiá꞉ner roiaʼtateríhston!

Genesis 27:27 ပူးပေါင်းရင်းမြစ်များ

Genesis 26:12

Tánon ne Isaac wahaientthóhseron ne nón꞉we niionhóntsaien, tánon sahaientwá꞉ko ne ne saʼóhsera énska tewenʼniáwe niiorí꞉wake sénha wé꞉so í꞉ken sahaientwá꞉ko ne tsi ní꞉kon roienthón꞉ne. Tiorí꞉wa ne Roiá꞉ner tsi wahoiaʼtaté꞉rihste,

Genesis 27:15

Eʼthó꞉ne Rebekah iaʼéhawe ne kwáh thohkwení꞉io ne thakowá꞉nen ronwaièn꞉ha Esau ne nakonónhskon, ne konónhskon iakoteweièn꞉tonkwe, tánon ne wahonwaiá꞉tawiʼte ne kenʼniehrá꞉ʼa ronwaièn꞉ʼa Jacob nakonónhskon;

Genesis 27:26

Ethó꞉ne ne roʼníha Isaac wahawènhahse, “Káts ákta nontá꞉se tánon teskenoronhkwánion, konièn꞉ʼa.”

Genesis 27:39

Eʼthó꞉ne ne roʼníha Isaac waʼthorihwaʼserákwahse: “Satkáhtho, ne tsi tsí꞉teron aí꞉non niió꞉re entkénhake ne tsi kahehtaké꞉ronʼs ne iaweʼtowá꞉nen tká꞉nioʼs ne kaienthóhseraʼs tánon aí꞉non niió꞉re ítken ne karonhiá꞉ke ne é꞉neken nitewéhtha noʼaweiáhtshera.

Genesis 48:10

Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa.

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Psalms 65:10

Í꞉se tesahteniétha ne iawetowáʼnen nokenhnorésehra tsi nón꞉we nikatarakaratʼthósehron ne kahentákes, satewatnekátate tsi natehioronhnionhniánion tsi nikentarakarát꞉thon ne kahentákes, tasahthéniete nokenhnorésehras ne nakanétskate nononhónras, í꞉se waʼshatatériste nokénra tsi waʼsón꞉ni ne kaientʼthótsera nahontakánio tánon ahontehiáron.

Song of Songs 2:13

Ne tionʼionwarontonhakó꞉wa onhiárine tanon ne watenenharíseres ó꞉nen iotsítionte; ne takáhawe tsi niwenhserákons. Káts, konorónhkwa, nakáwenk iesʼksati꞉io, Káts í꞉tene.

Deuteronomy 33:13

Tsi nokwáh tsi ratiʼtá꞉raien ne Só꞉se wahèn꞉ron: “Aiáwens ne Roiá꞉ner ahahiaʼtaté꞉riste ne rahononhóntsa ne nahiokén꞉nore Tánon ne nahiokén꞉nore ne nà꞉kon nahóntawe ne tsi ionhontsá꞉te.

Hebrews 11:20

Tewehtákwen seh wahʼhahónnien ne Isaac tsi waharáhratsʼte ne kahiataterítshera tsi niaʼhonenonhátie ne Jacob tánon ne Esau.

Hebrews 6:7

Rawenni꞉io rahiatatherístha nokénra tsi kanehkíra nokennoréshera tánon tsi tkánios ne kaienthótsheras tsi niʼieniahéshas tsi niʼhiákon né iáh kothonhontiasherónni.