Genesis 27:19 - Ohiatonhseratokénti

¹⁹ Jacob wahawènhahse ne roʼníha, “Í꞉i ne Esau tekkowá꞉nen ehtshièn꞉ʼa. Tho ná꞉tiere tsi nihsekró꞉ri; ó꞉nen kíʼ sanitskó꞉ten tánon í꞉sek nakatoráhtshera, ne naón꞉ton nahstiaʼtaté꞉rihste.”

Genesis 27:19 ပူးပေါင်းရင်းမြစ်များ

Genesis 25:25

Ne tahatié꞉renhte wahrennákerate onekwènhtara nihaiatóʼ꞉ten, tánon raiaʼtakwé꞉kon ronnonhwéhrhote tsi ní꞉ioht natià꞉tawi nononhwéhrhon nahó꞉ten ionniá꞉ton, sók kiʼ Esau wahonwaná꞉tonhkwe.

Genesis 25:28

NʼIsaac ronorónhkhwah ne Esau, tiorí꞉wa tsi ne nenʼneʼeh tharákwas naható꞉rate; nok ne Rebekah Jacob ne ronorónhkhwa.

Genesis 27:18

Eʼthó꞉ne ne Jacob raiaʼtákta ne roʼníha niahá꞉re tánon wahén꞉ron, “Rákeni”; waʼtharihwaʼserá꞉ko ne roʼníha. “Ónhka ní꞉se ne riièn꞉ʼa í꞉ken?”

Genesis 27:21

Eʼthó꞉ne NʼIsaac wahawènhahse ne Jacob, “Káts ákta nontá꞉se, né naón꞉ton iakonié꞉na, konièn꞉ʼa, ne naonkaterién꞉taraʼne tóka kenh kwáh í꞉se né riièn꞉ʼa Esau í꞉ken khehs ne iáh?”

Genesis 27:31

Ráonha ó꞉ni wahakhón꞉ni ne kakhwákon, tánon iahohawíhten ne roʼníha. Tánon wahén꞉ron, “Ánion ne rákeni ranitskó꞉ten tánon í꞉rak ne roièn꞉ʼa raotoráhtshera, ne katí naón꞉ton nahstiaʼtaté꞉rihste.”

Genesis 27:35

Ók wahén꞉ron, “Né tsatateʼkén꞉ʼa kaʼnikonhrhá꞉ton tsi ní꞉ioht tsi wá꞉rawe, tánon iaháhawe ne sá꞉wenk kaiaʼtateríhtshera.”

Genesis 27:4

Eʼthó꞉ne takekhwahsehrónnien ne kakhwákon, ne ne wakekhwá꞉kaʼs, tánon taskekhwahawíhten ne takatská꞉hon; ne naón꞉ton akoniaʼtaté꞉rihste nohén꞉ton akíheie.”

Genesis 27:45

tsi niió꞉re ne tsatateʼkén꞉ʼa tsi nihianaʼkhwá꞉ʼse iaʼtenhskaièn꞉taʼne, tánon enshoʼnikónhren tsi nihtsherá꞉se; eʼthó꞉ne iensekheiató꞉ri, ne taontaiesaiaʼténhawe neh nón꞉we. Nontié꞉ren tsi tesenitsá꞉ron aonkáhtonʼse ne ne shahenhnísera?”

1 Kings 13:18

Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

1 Kings 14:2

Jeroboam washaʼkawénhase ne shakoksthénha, “Teshathatierónhnion né꞉ne tó꞉sa ónhka aieshaiénhtereʼne, tánon Shiloh nónhwe niaháse, tsi nónhwe thanákere ne rotó꞉kense Ahijah, tsi nikáien ne ráwenh í꞉i enskatenonhtí꞉iosʼte ne Israerʼró꞉nonke.

Isaiah 28:15

Tsioríwa tsi í꞉sewenh, “Iontsiónhni ne aterihwaseronhniátshera skát꞉ne ne kenhé꞉ion, tánon ne tsi tsiohontsáien ne kenhéion ionkwaienʼnateriwasehronhniátshera; nó꞉nenh ne teiotenonhianíton karehwatátshera iatenhiót꞉kaʼwe kwáh iáh kíʼ tahionkwahiatórenhne; asèken ionkwanhowènton nonkwané꞉tshera, tánon thóh onowénhtake nón꞉we iehionkwataskwáhereh”;