Genesis 26:24 - Ohiatonhseratokénti

²⁴ Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 26:24 ပူးပေါင်းရင်းမြစ်များ

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 22:19

Katí nʼAbraham thóh nionsá꞉re tsi ítneʼs ne raohnhá꞉tsheraʼs, tánon sahontenró꞉shen Beersheba nionsahón꞉ne, tsi nónwe ne Abraham iahatenà꞉taien.

Genesis 24:12

Wahaterèn꞉naien, “Saiá꞉ner, Tshení꞉io ne riioʼténhse Abraham, ahsathontátsheke táhskon kaianeráhtshera tsi nikatiéhrha nón꞉wa wenhniserá꞉te, ó꞉ni sé꞉nehst ne iorihwató꞉ken kanoronhkwáhtshera raonhá꞉ke ne riioʼténhse Abraham.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 30:27

Ók ne Laban wahawènhahse, “Tóka enskeríhon nakí꞉ron, wakerihwatshénrion tsi naʼtewakatkónhston nétho Roiá꞉ner ratiaʼtateríhston ne tsi í꞉se iorihonní꞉ʼon.

Genesis 31:5

tánon wahshakawènhahse, “Kattó꞉kas ne etshiseniʼníha tsi iáh eʼthó tetsó꞉re teshatenroʼserí꞉io tsi nokwá ní꞉i tsi nitiohtón꞉ne. Nok kiʼ ne rakeʼníha Raoní꞉io tsi iakenikwekonhátieʼskwe.

Genesis 39:2

Ne Roiá꞉ner nikwekón꞉ne ne Só꞉se, ne kíʼ waʼkarihón꞉ni kwáh í꞉ken tsi wahoianeráhsten; thóh renʼterón꞉tahkwe raonónhskon ne Egyptró꞉non né roioʼtenhséhahkwe.

Genesis 39:3

Né róhnhaʼs waháttoke nétho Roiá꞉ner tsi nikwé꞉kon ne Só꞉se, tánon nétho Roiá꞉ner waharihonniánion orihwakwé꞉kon tsi nenhátiere tsi enioiánerenʼne.

Genesis 46:1

Nó꞉nen ne Israel tahatáhsawen waʼthatáhakwe iaháhawe akwé꞉kon tsi nahoʼtén꞉shonʼs ró꞉ien tánon iahá꞉rawe Beer-sheba nón꞉we, tánon katshé꞉nen wahoteʼskónthaʼse ne Rawenni꞉io ne ne roʼníha Isaac Raoní꞉io í꞉ken.

1 Kings 17:13

“Tó꞉sa teshathatenikonhráhren,” ne Elijah warénhase. “Wáhs tánon setʼkhónhni. Ók thaʼsatiérent nikanatharáha thaʼkenatarónhnien tsitʼkanónhake ahiʼsaiénhthake tánon thaʼsetkhawíthen, tánon nenhiothátere ethòne kíʼ í꞉se tánon né tshiénha tsathatekhónhnien.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 44:2

Né ki aoríhwa rá꞉ton ne Roiá꞉ner tsi rahónha hiaiatíson, rahónha hiaiatíson ne tsi watewiʼraráhkwah tánon kwáh enhiasniénon: Tó꞉sa sáteron, Ó Jacob akenhá꞉tsera, Jeshurunʼró꞉nons ronónha kheiatará꞉kwen.

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Lamentations 3:57

Wateskeriwaserákwaʼse tánon wasekʼróri ne tóhsa ahketʼtiánihke.

Leviticus 26:42

Kwáh enkehiá꞉rake nakaterihwasehronhniátshera tsi nòkwah ne Jacob tánon ne Isaac ó꞉ni ne Abraham, tánon á꞉se enskónhni tsi nikhehiararatsʼténhni ne nahontatʼkhéhion nakonhkwetashón꞉as nohóntsa.

Leviticus 26:45

Kwáh á꞉se enskónhni naʼterihwasehronhniátshera tsi niwát꞉son rononháke ne sakotisotʼthonkonhkénʼens nó꞉nen nonhontsakwékon shaʼkhenatónhas nakeshastsʼténshera tsi thonthakhehiatínekenhwe ne Egypt, né nahónton tsi, Í꞉i, ne Watiá꞉ner, nonhtiérenk Raotiní꞉io akénhake.”

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

Luke 12:32

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

Acts 7:32

‘I꞉i neh Khení꞉io ne shesotʼthonkonkén꞉ens, Raoni꞉io ne Abraham, Isaac, tánon Jacob.’ Wahohiatíshonkwe ne Mahís tsi nahóteronʼne tánon iáh tehokwénion niahotʼkáton.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.

Hebrews 13:6

Ánion kíʼ ionkwahriwahníronk, káti, tánon tewénhron, “Roiá꞉ner sehʼ ratiénawahse, iáh tahonkʼteronní꞉hake. Nahóten ahiekwéni nónka ne oʼthènen naiontiérahse?”

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Ruth 3:11

Tóhsa káti tesatateʼnikòn꞉raren Ruth. Akwé꞉kon tho néntiere nahò꞉ten wahseriʼwanón꞉ton aséʼken akwé꞉kon tsi niiá꞉kon nonkwaná꞉takon ronaterién꞉tare kí꞉ken són꞉kwe tehsonkweʼtaié꞉ri.