Genesis 26:18 - Ohiatonhseratokénti

¹⁸ Né Isaac Sók kíʼ á꞉re sahaʼkenhratahkwanión꞉ko ne tsi iohnaweró꞉ton tsi niká꞉ien né shihrónhnhehkwe ne roʼnihkénhen rohshonionniánionhkwe; aseʼkénh ne ne tsi niká꞉ien ne Philistiaró꞉nonʼs iehshonaʼkenhrénhton shahrénheie né Abraham. NʼIsaac kwáh ne shaʼkahsèn꞉naʼs sahshakohsennawíhon tsi nihshakohsennawíhonhkwe ne roʼníhkénhen.

Genesis 26:18 ပူးပေါင်းရင်းမြစ်များ

Genesis 21:25

Nó꞉nen ne Abraham iahotewennaièn꞉tonhwe ne Abimelech tsi nó꞉kwah nohné꞉kanos iohnáwerote néthoh Abimelech raohanhaʼtsheraó꞉kon ronatatiaʼtakweʼniióhston,

Genesis 21:30

NʼAbraham waʼtharihwaʼserá꞉ko, “Kí꞉ken tsá꞉ta nikón꞉ti teiotinaʼkarontón꞉ʼa otiʼnhéhtien owí꞉ra iahsheiaʼténhahf, né tsi í꞉se enkatonkweʼtawènhtate tsi Í꞉i kíʼ waʼkshonión꞉ni ne iohnáwerote.”

Genesis 21:31

Ne katí néh nón꞉we ne konwanaʼtónhkhwa Beersheba, tiorí꞉wa tsi tehnitsá꞉ron rotirihwahnirá꞉ton.

Genesis 26:17

Sók kíʼ NʼIsaac sahanakerá꞉ko neh nón꞉we tánon aonhráhkwakon ne Gerar nón꞉we ionsahataʼtohsherotónnion tánon ionsahatatíʼteron.

Genesis 26:19

Ók nó꞉nen NʼIsaac raohnhatsheraʼshón꞉ʼahs sahonthnaweronniánion naohnráhkwakon énska wahatitshén꞉ri ne iohné꞉kote,

2 Chronicles 26:10

Kwáh ó꞉ni wahatenikatonhniánion ne kahetakésons nonwésons tánon wahasonhionhniánion wé꞉sos tsi nón꞉we nahontnekaráhkwahke, tsioríhwa tsi ionatsiokowánen ronaskwahiéntakwe né tsi iatewatʼtsénthos nòkwahti onontakónhsons tánon ne tsi iohontsakwénhtarons. Tsioríhwa tsi nihahonweskwaníhaʼkwe nahatiotʼtenserónhni, iesakonikonhrahrkeskwe nonhkweʼshón꞉as naʼienenharahientʼthóseke tánon nahontsientʼthoserónhni tsi nón꞉we nihiohontsí꞉ios.

Psalms 16:4

Tsi nihiákon nenhtiontaterá꞉kwahse nóia ní꞉io waʼthatiʼiáseren ne raotinikonraksénhtseras; ne ratinikirátha ne iehatítats nonekwénhsa iáh tahontakáweron ne raotisénhnas iáh tahontóheste ne sháke.

Hosea 2:17

Asè꞉ken kwáh kí éhren enkhá꞉wite ne raiatakweni꞉ios Baals raoshén꞉nas ne tsi kasakáronhte, tánon iáh shé꞉kon tahonsahatinatónseke né꞉tho kashén꞉na.

Zechariah 13:2

Ne nenhkahá꞉wike kwáh ahè꞉ren enhkhá꞉wite ne raothisenhnaʼshón꞉as ne kahiatón꞉nis ne tsi ionwenhtsá꞉te, tánon kwáh iáh ónhka tahonshahonwenhnehiá꞉rahke. Kwáh éhren enkhehiatenhá꞉wite nónhka ihénreh iakohtó꞉kenhse tánon éhren enkahawí꞉ton naskanéktsheras nahonsahkonwahthishén꞉naien ne kahiatón꞉nis.

Numbers 32:38

Nebo, Baal Meon (kí꞉ken kasénhna teskathénion), tánon ne Sibmah. Á꞉se sakonhwathisenhnawíhon ne sahontenathonhniánion.