Genesis 25:8 - Ohiatonhseratokénti

⁸ NʼAbraham sahatón꞉rie nohná꞉ken waʼaónniaʼte tánon kwáh thóh tsi nithó꞉ionhkwe shahrénheie, tánon iahshakotiaʼtáhrhahse ne rontátenonhkweʼs nohénton thonenhé꞉ion tsi ní꞉ioht ne ráonha.

Genesis 25:8 ပူးပေါင်းရင်းမြစ်များ

Genesis 15:15

Né iaʼtehshiá꞉ti kwáh ienhsatiaʼtísa, skén꞉nonk tsi enʼhsíheie, tánon eniesaiaʼtáta.

Genesis 25:17

(Ne kíʼ tsi nihrónhnhehskwe nʼIshmael énska tewenʼniáwe tánon áhsen niwáhsen-tsá꞉ta niiohserá꞉kehkwe; nohnà꞉ken tontahatón꞉rie tánon wahrénheie, tánon iahshakotiaʼtáhrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha.)

Genesis 25:7

Tsi nihrónhnhehskwe nʼAbraham, énska tewenʼniáwe tsá꞉ta niwáhsen-wísk niiohserá꞉kehkwe.

Genesis 35:18

Ók kenhé꞉ionhskwe, tánon nohná꞉ken shaʼtontontón꞉rie, Ben-oni wahohsèn꞉non ne roièn꞉ʼa; ók ne roʼníha Benjamin neʼ wahohsèn꞉non.

Genesis 37:35

Ratikwé꞉kon ne raonekenhteronʼtsheraʼshón꞉ʼahs ó꞉ni ne tsonathonwí꞉senʼs shakoioʼokón꞉ʼahs wahonteʼnién꞉ten nahonwaʼnikonhrahní꞉rate; ók iáh tehothontá꞉ton nahonwaʼnikonhrahnirá꞉ton, tánon wahén꞉ron, “Iáh, kwáh ienkátsnenhte ne Sheol nón꞉we tsítreʼs ne riién꞉ʼa, enwakatshonniónhkwen.” Káti ne roʼníha tehohsenthó꞉se.

Genesis 49:29

Eʼthó꞉ne wahshakoʼnikonhraientáhten, wahshakawènhahse, “Ó꞉nen kiʼ thó꞉ha iakheiatiaʼtáhrhahse ne iakwatátenonhkwe nohén꞉ton thonenhé꞉ion. Skátne takwaiaʼtáta ne khehsothokonʼkénhen—ne tsi tioshonwaká꞉ronte ne raohentà꞉ke ne Ephron ne Hitró꞉non,

Genesis 49:33

Nó꞉nen ne Jacob shaharihókten tsi nahshakoʼnikonhraientáhten ne raonekenhteronʼtsheraʼshón꞉ʼa, kanaktà꞉ke tonsaharahsiʼtahrónnion, ne nohná꞉ken tontahatonriseratihéntho.

Genesis 50:13

Ne ne shakoioʼokón꞉ʼa iahatíhawe ne raoieròn꞉ta tsi tionhontsá꞉ien ne Canaan tánon iahonwaiaʼtáta tsi tiohshón꞉waien ne Machpelah, ne ne tsitkahén꞉taien ákta ne Mamre, ne ne Abraham rohní꞉non ne Ephron ne ne Hitró꞉non ne aiontatiaʼtataʼáhsthake.

1 Chronicles 23:1

Nó꞉nen ne Táwit kwáh í꞉ken tsi thó꞉ionhkwe, né꞉ne roiénha Solomon wahonontí꞉iosʼte Nisraeʼró꞉nonke.

1 Chronicles 29:28

Kwáh í꞉ken shiʼhotsténhakwe shaʼrénheʼie, rohkwáhtshene tánon ronhwakweʼniénsthaʼkwe, tánon né꞉ne roiénha Solomon tonhsahonatʼthákwen tsi rononhtí꞉ioʼkwe.

2 Chronicles 24:15

Nó꞉nen kwáh shiʼhostʼténha né énska-tewenhniáwe tánon asenhniwásen satehaoserihiákon, waʼrénheʼie.

Job Tánon ne Raoronhiakensera 41:32

Tsi niehawenon kwáh nene tsiostharáté iohathatse; onkak nene ahionnontonhnionhwe ne kaniatarakekowane kwáh nene iakonontistaraken í꞉ken.

Job Tánon ne Raoronhiakensera 42:17

Tanon sarenheie Job kwahí꞉ken tsi rostenhakwe.

Job Tánon ne Raoronhiakensera 5:26

Ní꞉se kwáh thóh nienhénse ne satsatónhkwakon ne nó꞉nenh ensaksthénhake, tsi kí ní꞉ioht nonátsa nó꞉nenh ionorá꞉ri.

Proverbs 20:29

Watkahthohtsherí꞉io raotiʼshatsténhsera ne kenʼnithotiién꞉sa nok ne rotikstenʼokón꞉ʼa ó꞉nen rotiʼnonhkwareʼtarà꞉ken aó꞉wenk naiethikwénienhsteʼ.

Jeremiah 6:11

Ne shanakwáhtshera tsi nòkwa ne ronónha tiotétsʼnonh ní꞉i nahkonháke, Saiá꞉ner, tánon iáh tatkwéni ne sénha akahthakátsthate.” Ethò꞉ne ne Roiá꞉ner wahakénhase, “Tasáweron nakenakwáhtsera rononhà꞉ke ne ratitsaokónhas thóh tsi kanatʼtathátse tánon thóh tsi ronatsataró꞉ron ne kenhnithotiiónsa. Ne rotiʼiakʼkons one ne iotiʼiákʼkons kwáh ki ienhkonwatiʼtenháhseron, tánon iekaníhare ne kwáh tsakóions kwáh iáh tashionthatenónstate.

Numbers 20:24

“Ne Aaron iáh nènhne tshiahatáwehiate ne tsi tsiohontsáien tsi nikhehiararatsʼténhni nahontatkhéhion NʼIsraerʼró꞉nons; enrénheie nènhne, tsioríhwa tsi iáh tetsiatewenhnarákwen nakerihwatátʼtshera ne Meribah nónhwe.

Numbers 27:13

Né nónen ensatkátho, enshí꞉heie, tsi kiʼnihoiéren ne tsatatekénha Aaron,

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

Acts 13:36

Asèken ne Táwit thóh nihoiéren ne Rawenni꞉io tsi nihotenikonrónni ne rahonháke, tánon thó꞉ne warénheie, tsi wahonwahiatátha wahthontsiontonkwanéken ne rahosóktseras, tánon ne rahoierónta wahótʼken natsiatonkwákon.

Acts 5:10

Kwáh óksak rashitáktha wakahiatiénenʼne tánon wakénheie. Ne nithoʼthihiónsa tahontáwehiate wahontʼkátho tsi hiawehéion, sók kíʼ iahathiʼiákenhwe tánon rahotsiathonkwákʼtha ne rò꞉ne wakonwahiatátha.

Acts 5:5

Kwáh tsi niʼiosthóre ne Ananias waháronke kí꞉ken, wahahiatiénenʼne wahrénheie; tánon tsi niʼhiákon wahónronke wahakoteroniénten.

Deuteronomy 32:50

Thóh ne tsi ionónhte nón꞉we nenhsíheie tsi ki ní꞉ioht ne tsathateʼkén꞉a Aaron tsi rawenhé꞉ion ne tsi ionónhthe ne Hor,

Judges 2:10

Nó꞉nenh nètho kawatsirathátse shahonhníheie, ó꞉ia kawátsire sahonhnákerate iáh né othènen tehonwaientéri ne Roiá꞉ner ó꞉ni tsi nishakotiéraʼse Israerʼró꞉nons.

Judges 8:32

Né Gideon né roʼníha né꞉ne Joash kwáh í꞉ken tsi rosténhakwe sharénheie tánon thóh rahoshónwakon ne roʼníha Joash nónhwe nihonwahiatháten, né꞉ne Ophrah nónhwe, né꞉ne tsi kanátaien ne tsi ratitsiókwahien ne Abiezer.