Genesis 25:30 - Ohiatonhseratokénti

³⁰ Ne Esau wahawènhahse ne Jacob, “Toʼ ostón꞉ha tákenonht thí꞉ken onekwènhtara nikanontaró꞉ten, aseʼkénh kwáh í꞉ken tsi katonhkáriaʼks.” (Katí ne aorí꞉wa ne ronwahsenná꞉wi ne Edom: ne ne kén꞉tons “Onekwènhtara.”)

Genesis 25:30 ပူးပေါင်းရင်းမြစ်များ

Genesis 25:29

Énska kí nenʼneʼeh ne Jacob rotkátstonhkwe ne tekakhwaiehstánion, Esau sá꞉rawe rotorathón꞉ne. Kwáh í꞉ken tsi iáh ohthé꞉nen teháhsta tánon ratonhkáriaʼkskwe.

Genesis 25:31

Ne Jacob wahén꞉ron, “Tasatié꞉renht takahtsakwaríhshiaʼs tsi nitisanakerá꞉ton naesaianerenhseraièn꞉take.”

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Genesis 32:4

Wahshakohró꞉ri, “Kenh kí꞉ken nikawennó꞉tenʼs tsi enhtshisewahró꞉ri ne raiaʼtakweʼní꞉io Esau: Rá꞉ton né sahnhá꞉tshera Jacob, ‘Skátne iakeniʼterón꞉tahkwe ne Laban tsi sí꞉ken ní꞉ioht ne thiwakonhontsá꞉te akénhake, tánon thóh kiʼterón꞉tahkwe tsi niió꞉re nón꞉wa;

Genesis 36:1

Ne ki꞉ken tsi wahahwatsiratátie ne Esau (ne ó꞉ni ronwanaʼtónhkhwa Edom).

Genesis 36:19

Né Kih ken raonekenterón꞉tsherashonhas ne Esau (Ne ne Edom ronwá꞉iats), tánon ne kí꞉ken ne raotiʼtaraʼshón꞉aʼhs.

Genesis 36:43

Magdiel, ó꞉ni ne Iram; ne kí꞉ken ne raotiʼtaraʼshón꞉ʼahs ne Edom (ne ne Esau, ráonha kaʼníhsera í꞉ken ne Edomró꞉nons), ne tioianénha tsi nón꞉we nihatinakerénion ne tsi ionhontsá꞉ien ronatsenawáston.

Genesis 36:8

Katíʼ ne Esau tsi ionontahrónnion kanakerahserá꞉ien ne Seir nón꞉we nahatatíʼteron; né Esau ne ne Edom ó꞉ni ronwá꞉iats.

Genesis 36:9

Ne kí꞉ken ne Esau tsi niahahwatsiratátie, ráonha ronwahsotkénhen né Edomró꞉nonʼs ne ne tsi ionontahrónnionʼs kanakerahserá꞉ien ratinákerehkwe ne Seir nón꞉we.

2 Kings 8:20

Tsi ná꞉he ronnontí꞉iokwe ne Jehoram ne Edom wahakonatakári ne Judah tánon iatewathatsátiste tsi kanontiʼiotseráien.

Exodus 15:15

Nohénton iehonʼnéton ne Edom roʼtíterons; Ne Moab ne ratiʼshatsʼtes roʼnónhkwe roʼthiiatihʼshónhkwa; nonhkweshón꞉ʼa ne Canaan nónwe wahonhnikonhrók꞉ten.

Jeremiah 49:7

Ne kíʼ tsi nahó꞉ten ne Roiá꞉ner Roshastsʼtenserowáhnenh ráwenh tsi nòkwah ne Edom: “Nonhkweshón꞉a ne Edom ronatónti kén ne ioiánere raotiʼhiatoreʼtátshera? Ne shaʼkonatenikonhráwis iáh kén ónenh tesehwátons nahonshasakotiʼró꞉ri onhnahonshahatí꞉iere? Akwékon kén ne raotiʼnikonhroʼwahnhátshera kakʼtshiehiawénonh?

Obadiah 1:1

Ne kí꞉ken tsi niehorí꞉waken ne Obadiah—tsi nahó꞉ten Natiá꞉nehr Akení꞉io shakawèn꞉ni tsi nokwá nonkwehshón꞉ʼahs ne Edom. Ne Roiá꞉ner iehoteniéhton ne rorihwakarenién꞉nis kwáh onhwentsiakwé꞉kon naontá꞉rehte, Ionkwarihwahrón꞉ken tsi nihothró꞉ri ne Roiá꞉ner tánon ne rarihwakarénieʼs: “Ánion tewateriióhsera ietshitewatiaʼtón꞉ti ne Edom!”

Deuteronomy 23:7

“Tó꞉sa ietsikénron ne Edomites; asè꞉ken sewathaténons. Tánon tó꞉sa nónhne ietsikénron ne Egyptró꞉nons; iehioterátston rahononhontsà꞉ke iesewanakeré꞉kwe.