Genesis 25:23 - Ohiatonhseratokénti

²³ Ne Roiá꞉ner wahrènhahse, “Tehotitióhkwake tsà꞉takon niiá꞉ti, tánon teionkwé꞉take nenhshenákeratste kwáh kíʼ tenhotirihwakháhshionke; saiá꞉ta sénha enhaʼshásteke tsi ní꞉ioht ne shaià꞉ta, ne thó꞉ion ne ne ranáhskwa enkénhake tsi nonkwá ne kenʼ nithoión꞉ha.”

Genesis 25:23 ပူးပေါင်းရင်းမြစ်များ

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:4

“Nok Ní꞉ʼi ne kí꞉ken nakaterihwahseronniáhtshera tsi naʼtetiátere: wakahrhá꞉ratste í꞉se ne kahsótshera enhsá꞉ton tsi niaʼteiakaonhontsákes nonkwehshón꞉ʼahs.

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Genesis 25:24

Shiaʼkáhewe naiowiraièn꞉taʼne, tehníkhen kíʼ tó꞉kenhske waʼowiraièn꞉taʼne.

Genesis 25:27

Ne tehniksá꞉ʼa shahiatehiá꞉ron, ne Esau kwáh í꞉ken tsi rorenʼnhá꞉ʼon naható꞉rate, ne ne rón꞉kwe raonʼweskwaníhahkwe atsté꞉shon tió꞉konte ahré꞉sheke, ók ne Jacob kwáh ne í꞉ken tsi sahkthí꞉ken tió꞉konte nenʼ neʼeh atoserá꞉kon rèn꞉teron.

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 27:33

Eʼthó꞉ne ne Isaac kwáh í꞉ken tsi wahoiaʼtíʼshonhkwe, tánon wahén꞉ron, “Ónhka ká꞉ti, rotorathón꞉ne tánon taionkhawítaʼse, tánon akwé꞉kon wá꞉keke nohén꞉ton sontahsatáweiaʼte, tahí꞉ion wahiiaʼtatérihste?—Tanon kíʼ enhoiaʼtateríhstonke.”

Genesis 27:37

Isaac waʼthorihwaʼserákwahse ne Esau, “Ó꞉nen ráonha ohén꞉ton riión꞉ni nahiatiaʼtakweʼníiohste, tánon ratikwé꞉kon ne rontátenonhkwe enhonwaióʼtenhse. Thiiá꞉wi nonátsaʼs ó꞉ni ne otsí꞉tsa. Oh nahó꞉ten tiotatén꞉ron tsi naʼkoniatié꞉raʼse konièn꞉ʼa?”

Genesis 27:40

Ateriiohserà꞉ke nón꞉we nenhsatonhnhihsáksheke, tánon tsatateʼkén꞉a enhtshiótenʼhse; ók nó꞉nen ensehsatatewenní꞉ioʼne, tènhshiaʼke ne raohtienʼtaniáktha ne seniarà꞉ke.”

Genesis 32:6

Ne ratirihwakarénieʼs tsi thén꞉teron ne Jacob nionsahón꞉ne rontónnions, “Tsi thén꞉teron ne tsatateʼkén꞉ʼa Esau naʼtontaiákwe, tánon ó꞉nenk tá꞉re ne taetsatátken, tánon kaié꞉ri tewenʼniáwe nihá꞉ti ronnón꞉kwe skátne tahón꞉ne.”

Genesis 33:3

Rahonhatsíwa Jacob raothihénton niaháre, tsiáta niaká꞉ienhte ohontsàke watatʼtsakete, tsi niió꞉re iahá꞉rahwe rahiaʼták꞉ta ne iathatekénha.

Genesis 36:31

Né kí꞉ken ne rontinontí꞉ioʼs ne tsi ionhontsá꞉ien ne Edom, ne nohén꞉ton nón꞉ka ne ronnontí꞉iohkwe ahshakoterihwatsteríhsthaʼse ne Israerʼró꞉nons.

Genesis 48:19

Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.”

2 Samuel 8:14

Thóh washakóteron ne ronterí꞉ios thóh nón꞉we Edom; kwáh tsitnonwéhsons akwé꞉kon ne Edom tsi wasakóteron ne ronterí꞉ios, tánon ratikwé꞉kon ne Edomites ne wahón꞉ton ne Táwit raonhatsherashón꞉ahs. Tánon ne Roiá꞉ner tahá꞉wenh natesenhniétsheras ne Táwit ne kwáh tsikʼnonwéson nienhénreh.

1 Kings 22:47

Né tsi iohontsáien ne Edom iáh nènhne tehotinonhtiʼiotseraiénthaʼkwe; né nènhne rakórakwe kènʼne ne rohiathanónhnakwe né ronhnonhtí꞉io ne Judah nónhwe né rohiatarákwen.

1 Chronicles 18:13

Wahentsiokwahké꞉rons ne ronhterí꞉ios kwáh tsi niwatenáskwah ne Edom, tánon nonkweʼshón꞉as né nón꞉we rahónha ne Ronnontí꞉io Táwit rahonkwetaʼshón꞉as wahónton. Né Roiá꞉ner kwáh né warónhniaʼte ne Táwit nahatkweʼniónko ne kwáh tsík nonwésons nón꞉we.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Numbers 20:14

Ne Mahís iashakoténiete ne ratirihwakarénies Kadesh tahonténhti ronhnontiʼióke niahón꞉ne né꞉ne Edom nónhwe. Wahonníron, “Kí꞉ken oríhwa sewatátenons nónhwe nonhtá꞉we, né tsi kentiókwahiens NÍsraerʼró꞉nonke. Sateriéntare tsi nahonkwahrihwanorónsten tánon tsi ní꞉ioht tsi wahakwahronhiáken,

Deuteronomy 2:4

Wahakró꞉ri nahontakwá꞉ion né kén꞉en iotiè꞉ton noriwaʼshónhas ‘Kwáh onenthó꞉wa iahí꞉sehwe ne tsi tiononhtaʼrón꞉nions ne Edom, né꞉ne raonatinakeraʼsehrá꞉kons ne íhnon tsi ní꞉ioht tsi sewatatenónhkwe, né꞉ne Esau raowátsires. Kwáh ki enietsitshà꞉nike,

Deuteronomy 2:8

“Sók ki sénhak wetewataʼhí꞉ta tánon wetewahtahontá꞉ko tsi nieiawé꞉non ne tsit kaná꞉taien ne Elath ó꞉ni ne Eziongeber tsi nió꞉re ne Dead Sea, tánon wetewakarenhrá꞉ko né꞉ne othorè꞉ke ne tsitkaraʼkwínekens nokwáhti nieiawé꞉non ne Moab nónhwe.

1 Samuel 17:14

Táwit ne kenhnierá꞉ʼa; ne áhsen nihá꞉ti thoʼtí꞉ions wahonwanonterátie ne Saul,