Genesis 25:18 - Ohiatonhseratokénti

¹⁸ Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.

Genesis 25:18 ပူးပေါင်းရင်းမြစ်များ

Genesis 10:29

Ophir, Havilah, tánon ne Jobab; ratikwé꞉kon kí꞉ken Joktan raonekenhteronʼtsheraʼshón꞉ʼas.

Genesis 10:7

Ne kí ne Cush raonekenhteronʼtsheraʼshón꞉ʼa: ne ne Seba, Havilah, Sabtah, Raamah, tánon ne Sabteca. Ne Raamah raonekenhteronʼtsheraʼshón꞉ʼa ne ne Sheba tánon ne Dedan.

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 14:10

Kíʼ naonhráhkwakon né Siddim kwáh thitkáhere iohshonwakarón꞉tonʼs né kahnehtahón꞉tsi í꞉ken; tánon tsi nonsahiaté꞉ko ne rontinontí꞉io ne Sodom ó꞉ni ne Gomorrah, ótiaʼke thóh iahatiiá꞉tenʼne, tánon ne ronátiaʼkeʼs tsi tionontahrónnion nón꞉we nionsahonté꞉ko.

Genesis 16:12

Ók kiʼ ne tshièn꞉ʼa tho ní꞉ioht tsi enhrónhnheke tsi ní꞉ioht ne iáh tekarihonnién꞉ni tewahònhtes; kwáh onkweʼtakwé꞉kon enhshakotkón꞉ten, tánon kwáh onkweʼtakwé꞉kon tsi enhonwatkón꞉ten, tánon kwáh iáh shaʼhotirí꞉wa thakénhake tsi nokwá ne rontátenonhkweʼ.”

Genesis 16:7

Ne Roiá꞉ner raoronhiaʼkeró꞉non waʼthiatátken ne Hagar tsi tiohné꞉kote ne iawentsathenhá꞉ke né꞉ne tsi nieiothahí꞉non ne Shur

Genesis 2:11

Ne tiotierentáhkwen kaniataratátie né꞉ne Pishon; né꞉ne iaʼteiokwatasé꞉ton ne tsit kanakerahserá꞉ien ne Havilah, kwáh áoskon nohwistanó꞉ron nihatitshénrieʼskwe tánon ó꞉ni kwáh wakén꞉re iontiaʼtakonónhstáhkhwa ó꞉ni kanenianó꞉ronʼs;

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 21:14

Katí Abraham ohrhonʼkéhstsi wahatkétsko, wahshakokhwahserónnien ne Hagar tsi tenwatháhahkwe, tánon né kanéhon iotiaʼtawí꞉ton ká꞉iare wathnekaráhkhwa kahnenhsà꞉ke wahrotáhrhoke tánon skátne ne raksá꞉ʼa tsi wahshakoté꞉kwahthe. Tánon onhtén꞉ti, tánon thóh nón꞉we iaʼonatenʼawíhson ne iaonwentsathenhá꞉ke ne ne Beersheba nón꞉we.

Genesis 21:21

Iahonwenhtsathenhá꞉ke ne Paran nón꞉we nihanákerehkwe; ne roʼnisténha wahonwanahkwatshénriaʼse tsi tionhontsá꞉ien ne Egypt nón꞉we nontakonwaiaʼténhawe.

2 Kings 23:29

Tsi nikaʼríhwesʼkwe ne Josiah ronontí꞉iokwe, né Ronontí꞉iokwe Neco ne Egypt nón꞉we iahanenhríhsere tsit kaniatarathátse ne Euphrates nahosniénon ne Rakó꞉raʼkwe ne Assyria. Ne Ronnontí꞉iokwe Josiah waʼhateniénten ne thasakótaste ne Egyptró꞉nons ronterí꞉ios ne Megiddo nón꞉we ók tsi waʼterí꞉iokwe nón꞉we nahonwaʼnonwariákon.

1 Chronicles 1:23

Ophir, Havilah, tánon ne Jobab.

Psalms 78:64

Né rothikháres waʼhonwatinonwarhiakhónnion, tánon ne waʼhonateréhonske iáh tekonwatirihwáwiskwe nahiakonatʼtsiónhnionskse.

Exodus 15:22

Ethòne ne Mahís sashaʼkosáʼrihne nonhkweshón꞉ʼa é꞉ren sahónhneʼte ne Red Sea tánon kahentaʼkekówa niahonʼne né꞉ne Shur nónhwe. Áhsenh nónhta nikaríwes tsi niahónʼne ne kahentaʼkekówa, ók iáh othènnenh tehó꞉thinekhatsenhrion.

Ezekiel 23:23

Kwáh ratikwékonh entekhehiaténhawe ne Babyloniaró꞉nons ó꞉ni ne Chaldeans, ne ronhnónhkwe ne Pekod, Shoa, tánon ne Koa, tánon ratikwékonh ne Assyriaró꞉nons. Kwáh enkhehiataró꞉rohke ratikwékonh thíken ratinekénteronhs nitothihiónsa rathisenhnowáhnenhs tánon ne ronahterihóntons, rathikwékonh ne rathisenhnáhshions ó꞉ni ne thonaʼtshénhnates ne kosáhtens rotisáhtens tsi ronhterí꞉ios rathitsenhnowáhnenhs.

1 Samuel 15:7

Ne Saul washakosénhni ne Amalekró꞉nons, thóh tontáhsawen Havilah kwáh tsi niʼió꞉re ne Shur, ne ne tsík kará꞉kwinekens nòkwahti ne Egypt.