Genesis 24:53 - Ohiatonhseratokénti

⁵³ Tánon ne rahnhá꞉tshera wahrotahshión꞉ko nohwistanoronʼshón꞉a ne kawistarà꞉kens ó꞉ni nohwistanoronʼshón꞉ʼa, tánon natsheronniáhtsheraʼs, tánon Rebekah wahshaká꞉on. Tánon ó꞉ni kanorón꞉shonʼs wahshakowíʼhon ne ronwahtsí꞉ʼa tánon ne ontatenisténha.

Genesis 24:53 ပူးပေါင်းရင်းမြစ်များ

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Genesis 24:22

Nó꞉nen ne iotiniaʼkwáhere wakontihnekakhwèn꞉tane, né rón꞉kwe wahatáko kaiá꞉rakon ne kwáh tkanó꞉ron ohwistanó꞉ron ne ieʼnionhsà꞉ke teionteʼwahsharáhkwa ahsén꞉non ne skaiènhta niiókste ó꞉ni tékeni né kwáh kowá꞉nens ohwistanó꞉rons atenentsháhnhaʼs oié꞉riʼ ne nikaiènhtake niiókststeʼs,

2 Chronicles 21:3

Né ronhwaníha iawetatʼtsáni shakowistáwi ne owistanó꞉rons, kawistaráken, tánon noiáhsons nahoténhsons ne ranorónhsons roiénthakwe, tánon satihiatátʼtsions washakorihontónhnions ne tsi kanatowánens ne tekanatatʼnátʼtons ne Judah nón꞉we. Ók tsioríhwa ne Jehoram tsi rahónha thotsténhaʼkwe, ne Jehoshaphat rahónha kíʼ wahahiónhnien ne tahonsahonakthákwen.

Ezra 1:6

Rathikwé꞉kon ne tehononhsanekhánions wahonwatiié꞉nawaʼse tsi nonthahonhwénhnon ne niatekonsónhas: kawistará꞉kens tsi nihonsthasónhas, owistanó꞉rons, tsi natehiothonhontsó꞉hon ne tahonthahákwe, ne konhthitsé꞉nen nahontrienakéthate, noianihiothánions ne kanorónhsons, tánon ne tkaiesthánions nononhsatokentihkówane.

Exodus 11:2

Ó꞉nen kíʼ ietsiʼtháras nonkweshón꞉ʼas ne lsraeró꞉nonke tánon ratiʼkwékon iettsiró꞉ri nasakotiʼriwaʼnón꞉tonʼse ne tehonʼnonsaʼnekʼkhánion nowistanó꞉rons ó꞉ni ne kawistaràhkens owistanoronhʼsónhas.”

Exodus 12:35

Né lsraeró꞉nons thóh nahatíhiere tsi nasakoró꞉ri ne Mahís, tánon wahonwatiʼriwaʼnóntonhse ne Egyptró꞉nons ne owistanórons ó꞉ni ne kawistharákes owistanoronʼshónhas ó꞉ni nʼaʼtsherónhniat.

Exodus 3:22

Kwáh káti tsi niatekónhti ne lsraeró꞉nons tsi tekonhnonsanéken ne Egyptró꞉nons nienkónhne tánon nonhka ne Egyptró꞉non iónhkwe enkenterónhtake nahonónskon tánon nenkonhwatiʼriwahnónhtonʼse aktserónhniat tánon nowistanó꞉rons ó꞉ni ne kawistaráhkens owistanoronhsónhas. Ne lsraeró꞉nons enthonwénhnon kí꞉ken nahorihoténsons ne sakotihiohokónhas tánon iehatíhawe ne Egyptró꞉nons raonatʼtsokowáhtsheras.”

Song of Songs 1:10

Ne senó꞉kwahke tsi niʼioràse tsi nisatsʼtánion nowistanórons, ne seniaráke tsi nikasheriʼietentánion ne tekatsinetarárons.

Song of Songs 4:13

Ne tesarenhárons ne ne kaʼkwiraiéntons ne wéso iotenénhas káʼhiks akwéʼkon ne ne kwáh wahí꞉ios, ne ne kwáh waʼkénres iontsatakonhonstákwas.

Isaiah 39:2

Né Hezekiah tsi nontahatʼtsenhnónhni; washakonatonhniónhase ne tsi rononshóton, ne kawistarákens, owistanórons, ne ionthekwahkonhonstákwas, ne weienhnanorónhsons, tánon akwékon ne rateriʼiostákwas, akwékon tsi nahatsénhri ne tsi ratakweʼniaientákwas. Kwáh iáh né thá othen ne iáh tashaʼkonatónhniʼke ne raonakeraserákon.