Genesis 24:44 - Ohiatonhseratokénti

⁴⁴ tánon nakáonha enionkènhahse, “Snekíra, tánon enkhnekakóha ne satshenenʼó꞉konʼs iotiniaʼkwáhere aotirihwá꞉ke”—aiá꞉wenʼs akáonha kí꞉ken ne Roiá꞉ner ahshakoiaʼtarákwen nahotíniake ne riioʼténhse roièn꞉ʼa.’

Genesis 24:44 ပူးပေါင်းရင်းမြစ်များ

Genesis 2:22

Tánon ne wahaiaʼtónniaʼte ne ión꞉kwe, ne rón꞉kwe raonaʼáhta tánon raohén꞉ton ne rón꞉kwe niahaiaʼténhawe.

Genesis 24:14

Káti thóh niiohtónhak, ‘Ahsathón꞉tate, iaʼsetshé꞉tenht niahshnekótsenhte tánon takné꞉kanont.’ Tóka enkèn꞉ron, ‘Snekíra, tánon ó꞉ni entekhehnekenhawíhten ne satshenenóʼ꞉kon iotiniaʼkwáhere,’ aiá꞉wenhs kiʼ áonha nahsheiaʼtarákwen ne sahnhá꞉tshera Isaac raorihwá꞉ke. Né katiʼ kí꞉ken enhtshienteréhstahkwe tsi seʼnéhston ne iorihwató꞉ken kanoronhkwáhtshera raonhá꞉ke ne riioʼténhse.”

Genesis 24:43

Kén꞉ʼen í꞉kete tsi iohnáwerote. Sheríhon ne nitiakoión꞉ha ne éntien niaiétsenhte; tsi niká꞉ien nenkheiènhahse, “Ahsathontátsheke ostón꞉ha takhné꞉kon ne satshé꞉takon nakhnekí꞉ra,”

Genesis 24:45

Nohén꞉ton náksa tsi ní꞉ioht tsi wakaterennaièn꞉tahkwe nakweriá꞉ne, Rebekah thóh wá꞉ʼonwe iakohnenhsahkéthatse꞉ne ne wathnekaráhkhwa tánon tsi tiohnáwerote niahá꞉ʼen ne iaiétsenhte. Waʼkheiènhahse, ‘Ahsathontátsheke nahsekhné꞉kanonte.’

Proverbs 16:33

Nón꞉kwe tehatí꞉iens tsi ní꞉ioht tsi nahatiweientéhtaʼne Rawenni꞉io raononhtonniónhtshera, nok ki Rawenni꞉io raonhá꞉ʼa thanónhtons tsi nieniá꞉wenʼne.

Proverbs 18:22

Tókaʼ enhsetshén꞉ri naesániake enhsetshén꞉ri ne ioiánere, wé꞉ne Roiá꞉ner tenhiarihwáhshnieʼse.

Proverbs 19:14

Rón꞉kwe enwá꞉ton nahonwahiatonhserónnien kanónhsa tánon ohwísta, nek tsi Roiá꞉ner khók enhakwé꞉ni naontahonwatenniéhten ne tiakorihwaié꞉ri nahóniake.

Isaiah 32:8

Ók tsi nikáien ne tsionkwetaʼiéri tsi ronhtenikonrónhnis tkariwaiéri kí í꞉ken, tánon né꞉ne tkariwaiéri í꞉ken ratísehre.

1 Timothy 2:10

nók neh꞉ne kahiotenserí꞉ios, neh tkariwahiéri ne tionatʼthonwísen nakonníron iotiriwiʼióston.

Hebrews 13:2

Sewehiárak naʼietʼtsihónkaron ne kenkʼthitiakawé꞉non ne sonwanonskónsons. Thóh kára niháti ne thóh nihotiʼiéren tánon kwáh iáh thènen tehonateriéntaraʼkwe tsi ratironhiakerónons wahonwahtihónkaron.

1 Tiér 3:8

Ne iakákwekʼthe: ónenk tsi sewakwékon setiónnha akénhake ó꞉ni sataisewatʼthokát꞉tseke; tesewatatenorónkwak, tánon tasewariwaiérik ó꞉ni tesewatatkweniénstak.