Genesis 24:42 - Ohiatonhseratokénti

⁴² “Ne shiahá꞉kewe ne tsi tiohnáwerote nón꞉wa wenhniserá꞉tehkwe, waʼkaterén꞉naien, ‘Saiá꞉ner, Tshewenní꞉io ne riioʼténhse Abraham, ahsathontátsheke táskon naontianeráhsten tsi nikatiéhrha.

Genesis 24:42 ပူးပေါင်းရင်းမြစ်များ

Genesis 24:11

Shiahá꞉rawe, wahshakaónnien ne iotiniaʼkwáhere takontentshó꞉ten nohnawerákta ne꞉ne átsteʼ naʼkanà꞉tati iohnáwerote ne ne siioʼkarahsnéha sikahá꞉wi, tho nikahá꞉wi ne konnón꞉kwe tkontihnekotsènheʼskwe.

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

Genesis 24:31

Wahén꞉ron, “Káts tsítene. Í꞉se ne són꞉kwe ne Roiá꞉ner iaiaʼtateríston. Nontié꞉ren tsi kén꞉ʼen íhsete? Ó꞉nen wakeweiennentá꞉ʼon ne kanàkta ní꞉se sarihwá꞉ke ne tsi tewakenónhsote, tánon ó꞉ni iotináktaien ne iotiniaʼkwáhere.”

Genesis 39:3

Né róhnhaʼs waháttoke nétho Roiá꞉ner tsi nikwé꞉kon ne Só꞉se, tánon nétho Roiá꞉ner waharihonniánion orihwakwé꞉kon tsi nenhátiere tsi enioiánerenʼne.

Ezra 8:21

É꞉tho nákta ne Ahava tsi kanatierathátie wakerihwí꞉sa ne iakwahkwé꞉kon ahionkwenhtóntiete tánon é꞉take aiakwahthatón꞉ni rahohén꞉ton nónhkwah Ní꞉io tánon ashakwahrihwanón꞉tonhse nasonkwenhéntenhse tsi natenhiakwatʼtháhawe tánon nasonhkwahtenhnikónhraren ó꞉ni ne iakihiohokón꞉as ó꞉ni akwé꞉kon nonkwahwenhshón꞉as.

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Psalms 37:5

Roiá꞉ner thá꞉tion ne tsi shónne; tatietakwéhak, tánon enhiasniénon.

Psalms 90:17

Saiá꞉ner, í꞉se ne Sewenní꞉io í꞉ken í꞉se kwahsénhnaiens, tasarihwaʼiérik nontionháke, né shónhniat tsi nitsionkwaʼnikonhrásahaton takawisátsteke.

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

Romans 1:10

Kwáh tsi nihioriwáke enkaterénnaien. Keriwanóntons ne Rawenni꞉io rahonikonrihiótsera ónen nahónton ní꞉i iakwanatarénase.

1 Samuel 1:13

Ne Hannah tsi iakoterénhnaien kwáh sakʼthí꞉ken; ieritsàke khók iotorhiáneron, ók iáh thaʼiontatewénhnaronhke; neh kiʼ aoríhwa ne Eli wárehre iakonèka.

1 Samuel 9:6

Ók ne ranhá꞉tshera tsi watoriwaserákwaʼse, “Kén nón꞉we nikanátaien Rawenni꞉io raʼonkwé꞉ta nihenténron; ne ne rón꞉kwe ronwaʼriwakweniénstha. Tsi nahó꞉ten enhén꞉ron tiókonte èhʼtho nenhiá꞉wenne. Áhnion ó꞉nenk éhtho niehé꞉tene; tó꞉ka nón꞉wa enshonkeniró꞉ri tsi nón꞉we iènhietiʼhiatatʼtsénri ne tekonhón꞉tes.”