Genesis 24:40 - Ohiatonhseratokénti

⁴⁰ Ók wahakènhahse, ‘Ne Roiá꞉ner, tsi niká꞉ien ne raohén꞉ton í꞉keh enthoténniehte ne raoronhiaʼkehró꞉non naetsatenró꞉shen ne enhshaiánerahste tsi niènhse. Entehsheiaʼténhawe ne iakón꞉kwe nahotíniake ne riièn꞉ʼa ne ne Í꞉i iakwatátenonhkwe non néntien, ne ne rakeʼníha nokwá raohwá꞉tsire.

Genesis 24:40 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 24:56

Ók wahshakawènhahse, “Tóhsa takwaʼniskwáhhten, tsik sénhaʼk ne Roiá꞉ner wahatianeráhsten tsi waʼtkatháhahkwe; sahskwáhtkaʼf ká꞉ti ne naón꞉ton tsi thén꞉teron ne riioʼténhse iaonsá꞉ke.”

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

1 Kings 2:3

tánon thóh nátser tsi nahó꞉ten ne Roiá꞉ner Saní꞉io enhiarihhónhten. Orihwaʼkwékon satewánhnarak ne rahohianerénhseras ó꞉ni ne rahorihwatátʼtseras, tsi nikahiatónhnions ne Mahís rahohianerenserákon, né káti ne kwáh tsikʼnonhwésons niáse tsi ensahianerásthen tsi nenhshá꞉tiere.

1 Kings 3:6

Solomon watharihwasehráko, “Tiókonte sés kowánen kanoronhkwáhtsera senéston tsi nòkwah ne rakeʼníha Táwit, ne sanhátsera, tánon thorihwaiérihkwe, rorihwató꞉kenhne, tánon roʼrihwakwahríhshonhne tsi naʼtetsaterihwasónhteraʼkwe. Tánon kíʼ iaskónhthaʼkwe waʼtsenathónhase ne kowánen iorihwató꞉ken kanoronhkwáhtsera tsi thá꞉tion wahonekenteronhtseraʼiéntaʼne tsi rahónha nónhwa wenhniseráte rotkoráston ne rahonákʼthaʼke.

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

Psalms 1:3

Né theshontiérens ne karonhtasónhas ne karonhthaientʼthósehron ákta tsi kahionhatátie, enwahianihiónten tsi niekáhes, tánon nahonerahtasónhas iáh tewastátʼthens. Kwáh tsi nenhóntiere tsi rotihianerasthénhnis.

Psalms 16:8

Káh tiókonte ne kanontónhnions ne Roiá꞉ner tsi tiókonte thóh í꞉res; tánon tsi keweientetákwen í꞉res tánon iáh ki nonwénhton tahionkoriá꞉neron.

Psalms 91:11

Asèken ne Rawenni꞉io ensakó꞉nhane ne raoronhiakeró꞉nons nahiesathenhnikonhráhren nahontahiésahne ne kwáh tsík nón꞉we nienhénhse.

Exodus 23:20

“Kwáh enthihiaténienthe rahronhiakeró꞉non naiahéntense nahontaʼhiáʼne tsi natensatʼtháhakwe tánon tsi ienʼiaʼiaténhawe tsi nónhwe tsi niwatenátaien ne wakeweienentáon.

Exodus 33:2

Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites.

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”

Revelation 22:8

Í꞉i, Sawatis, ne wakát꞉thonteon ó꞉ni wakát꞉kathoserons kíʼ naorihoténsons. Tánon nó꞉nenh shón꞉katʼthontene ó꞉ni wakát꞉kathoseron, Watiá꞉tienenhne naisenhná꞉ien tsi iateorá꞉shithate ne raronhiá꞉keró꞉non tsi nikaʼièn ne wahá꞉kenatonhnionhase;