Genesis 24:35 - Ohiatonhseratokénti

³⁵ Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 24:35 ပူးပေါင်းရင်းမြစ်များ

Genesis 12:16

Tánon áonha aorí꞉wa ne Pharaoh tsi niió꞉re tsi waʼthorihwáhshniese ne Abram; tánon wahonaʼhskwawíhon ne teiotinaʼkarontón꞉ʼa, teotiná꞉kares, tewahónhtes ratí꞉tsiʼn, ó꞉ni ne rotiskenʼhrakéte tánon ne tsonathonwí꞉sens kontiʼnhá꞉tsheraʼs, otiʼnhétienʼs tewahónhteʼs, tánon ne iotiniaʼkwáhere.

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 13:2

Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa.

Genesis 24:1

Ó꞉nenhʼne ne Abraham sihokstén꞉ha, tánon ne Roiá꞉ner kwáh tshiehiorihwakwé꞉kon tsi roiaʼtateríhston nʼAbraham.

Genesis 25:11

Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.

Genesis 25:5

NʼAbraham kwáh tsi nahó꞉ten roientahtsherá꞉ien akwé꞉kon Isaac wahohiatonhserónnien.

Genesis 30:43

Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 49:25

Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

Job Tánon ne Raoronhiakensera 1:3

Tsá꞉ta niwenhniaweheʼtseráhsen nikóntikwe teiotinakarontòn꞉a, áhsen niwenhniaweheʼtseráhsen iothiniakwáehre, wísk tewenhniá꞉we nihioiánakes tehotinákares, wísk tewenhniá꞉we tewahòn꞉tes, tánon kwáh í꞉ken tsi ronatiohkowá꞉nen kanátseras. Tánon kwáh raón꞉ha thóh kwahtséne né skátne ratinákereʼkwe nonkweshón꞉as ne tsitkarahkwí꞉nekens nokwá꞉ti.

Psalms 107:38

Ne tsi waʼhahiathatériste iawetatʼtsáni watkaiasehrón꞉nion, tánon iáh tehothontháton tsi iotitsiókwaiens ne rahothitsenenhókons tionhnónskwahrons, kaiatákeras, teiotinakaronhtónhas ne nakanenhrásthoʼne.

Psalms 112:3

Kakwaséhtseras enkaientákene raotinonskónshons, tánon ne raotirihwakwahrihshión꞉tseras tenhkawishástsʼteke né꞉ne tsi nénhwe enkénhake.

Psalms 18:35

Raʼrihonniénhnis ne katshanákes nateriʼiósehra, ne ká꞉ti ne kenenhtiákes nakakwéni takassáhkete ne tehiotwís꞉taron otsínekwar karístatsi nahó꞉ten ionhniáton aénna.

Proverbs 10:22

Roiá꞉ner raoiaʼtateríhtshera enión꞉ni naiesakwáhtsheʼne tánon iáh oʼthé꞉nen teká꞉ien ne aiesaʼnikonhráksaʼte.

Proverbs 22:4

Tshewén꞉narak ne Roiá꞉ner, saní꞉tenht, tánon enhshié꞉na kakwahtshéhsera, kakwenienhstáhtshera tánon enhsonhnhé꞉son.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Luke 12:45

Nok tanon tokat nonȣa netho kannhatsera enhenron, ne rahonikonrakon: Iah se naha iosnore tatahontare ne Roianer: nok enthatatasaȣen enshakosokȣaȣesson asakokenrenseronni oni ne ratinnhatsera, oni kontinnhatsera, nok ne raonha, ahanekira, tahastskaon, nok ahatatenonȣaratonte.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.