Genesis 24:31 - Ohiatonhseratokénti

³¹ Wahén꞉ron, “Káts tsítene. Í꞉se ne són꞉kwe ne Roiá꞉ner iaiaʼtateríston. Nontié꞉ren tsi kén꞉ʼen íhsete? Ó꞉nen wakeweiennentá꞉ʼon ne kanàkta ní꞉se sarihwá꞉ke ne tsi tewakenónhsote, tánon ó꞉ni iotináktaien ne iotiniaʼkwáhere.”

Genesis 24:31 ပူးပေါင်းရင်းမြစ်များ

Genesis 18:3

tánon wahén꞉ron, “Atiá꞉ner, tóka ne takanonhtonhnión꞉se ne thé꞉nen akeriʼwáhstahtonke ne sahén꞉ton, tóhsa satohétstahk tsi nón ní꞉reʼs ne sahnhá꞉tshera.

Genesis 19:2

tánon wahén꞉ron, “Tesenènhshion, kén꞉en í꞉keʼs ne takenirihwáhshnieʼse. Aetsathontátsheke tsi tewakenónsote nontásene. Enwá꞉ton naetsarahsiʼtóhare ó꞉ni tsanòn꞉weʼt. Ohrhonʼkéhstsi tsatkétsko tánon tonsatsatháhak.” Ók waʼthnirihwaʼserá꞉ko, “Iáh ohthé꞉nen teiotié꞉ren tsi kanáthen eniatiahsontí꞉iake.”

Genesis 19:3

Ó꞉nen kwáh í꞉ken tsi wahshakoteʼnekarónhkwen; kharé kʼiʼ ó꞉nen sahontenró꞉shen tsi thonónhsote nionsahón꞉ne. Ne Lot wahshakóhnhaʼne ne raohnhaʼtseraʼshón꞉a ne kwáh tkakhwí꞉io ahatikhón꞉ni ne ronwataweiaʼtén꞉ni tahontská꞉hon, tánon nó꞉nen sikaweienentá꞉ʼon waʼthontská꞉hon.

Genesis 24:30

Kwáh tsi niiohstó꞉re wahatkáhtho ne ieʼnionhsà꞉ke teionteʼwahsharáhkhwa, tánon natenentsháhnha né iatenoʼsénha ienentshawiʼtà꞉ke iakótston, tánon sahothón꞉teʼne nakowennaʼó꞉konʼs ne iatenoʼsénha Rebekah, “Sahaktháhrhahse ne rón꞉kwe,” tsítreʼs ne rón꞉kwe niahá꞉re; tá꞉non tho ítreʼs kontiiaʼtákta ne oniaʼkwáhere í꞉rate ohnaweráktha.

Genesis 26:29

tsi iáh thahskwakaré꞉wahte, kwáh tsi ní꞉ʼi ní꞉ioht iáh tshiekwaié꞉nen tánon iáh ohthé꞉nen tekwaierá꞉se ne khók ne ioiánere tánon skén꞉non tsi sakwaté꞉kwahte. Ó꞉nen kíʼ í꞉se iaiaʼtateríhston ne Roiá꞉ner.”

Genesis 29:13

Nó꞉nen né Laban shaharihwá꞉ronke tsi nonkwá ne iatenoʼsénha tsi ne raowahtén꞉ʼa ne Jacob, iaʼtharáhtate niatahóterahte; tánon tahohnià꞉sa tánon waʼthonoronhkwanion꞉ton, tánon raonónhskon niahoiaʼténhawe. Né Jacob orihwakwé꞉kon wahorihó꞉kthahse ne Laban tsi nahoiaʼtawènhseron,

Psalms 115:15

Aiáwens ahiaiatatériste ne Roiá꞉ner, né꞉ne róshon tsi karonhiáte ó꞉ni tsi ionhontsáte.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Proverbs 18:16

Tesatonwenhtsó꞉ni kenh taietsatátken nónhka iehsennowá꞉nen? Ne sénha watié꞉sen iáhshawe tsi okʼnahò꞉tenk ahshé꞉ion.

Judges 17:2

Ronisténha washakoró꞉ri, “Nó꞉nen nónhkak sahesanénsko nètho enskahiawénhre tewenhniáwe níkonhs kawistarákens, waʼsehiateraswatʼsáten ne ratinénskwas. Wakatʼthontéhon tsi thóh nisahiéren. Satʼkátho, iʼítkhawe nowísta. Í꞉i iewákha.” Ne roʼnisténha wahé꞉ron, “Ne Roiá꞉ner iahiataterist, konʼienha.”

Ruth 3:10

Wahèn꞉ron, “Roiá꞉ner ahiaiaʼtatérihste. Wéne senestonhá꞉tie tsi sénha seriwakweniéns꞉tha ne kahwá꞉tsire tsi nihsatiérha nón꞉wa, tsi niʼsheiatierá꞉se iesasá꞉wha. Aiotónʼon aiesesá꞉kon sénha kenʼnithoiénha tóka rokwáhtshe tóka niʼ ró꞉ten nek tsi iáh kiʼ tho tesaié꞉ren.