Genesis 24:3 - Ohiatonhseratokénti

³ tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 24:3 ပူးပေါင်းရင်းမြစ်များ

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 14:22

Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 21:23

ó꞉nenh ká꞉ti kén꞉en raohsèn꞉nakon ne Rawenni꞉io serihwahní꞉rat tsi iáh thahskanowénhten, ne nón꞉ne shá꞉ka ne kheioʼokón꞉ʼa, khéhs ó꞉ni tsi nienhkatwatsí꞉rine. Ók kíʼ tsi niwakerihwató꞉ken tsi naʼteiontiaterihwahsón꞉tere ní꞉se, ó꞉nenk kíʼ tsi í꞉i tentiaterihwahsón꞉teren tánon ne tsi ionhontsá꞉ien tsi nón꞉we ne thihsonhontsá꞉te í꞉ken.”

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Genesis 27:46

Eʼthó꞉ne ne Rebekah wahonwènhahse ne Isaac, “Wakenonhwaktaní꞉tha tanon tewakhwihsenhehiá꞉tha ne tkarihón꞉nis nétho Hitró꞉non tekenón꞉kwe. Tóka ne Jacob ne ahatateniákten skaiá꞉ta ne Hitró꞉non ión꞉kwe tsi nikeniiaʼtó꞉ten kíʼ ken, sénha kíʼ ioiánere akíheie.”

Genesis 28:1

Eʼthó꞉ne NʼIsaac iahó꞉nonke ne Jacob tánon wahoiaʼtaté꞉rihste, tánon wahohtshiawèn꞉rátshe, “Iáh ne skaià꞉ta thaeseníniake ne Canaanró꞉non konnón꞉kwe.

Genesis 28:8

Katíʼ nó꞉nen ne Esau wahoʼnikonhraièn꞉taʼne neʼtho Canaanró꞉non konnón꞉kwe tsi iáh tehshakonón꞉weʼskwe ne roʼníha Isaac,

Genesis 34:9

Ánion tewaterihwahserón꞉ni ne naón꞉ton nontionkweʼtaʼshón꞉ʼahs tahontateniákten.

Genesis 38:2

Thóh nón꞉we ne Judah waʼthiaʼtátken ne nitioión꞉ha tsonthonwí꞉sen ne ne Canaanró꞉non naʼkaiaʼtó꞉ten tánon ne roʼnihkénhen ne ne Shua ronwá꞉iatskwe. Wahotíniake.

Genesis 47:31

Tánon wahén꞉ron, “Takerihwahní꞉rats”; tánon kiʼ wahorihwahní꞉ratshe. Eʼthó꞉ne ne Israel waʼthatsá꞉kete tsi ioʼiotenák꞉tate tsi nokwá ratkonhentáhkhwa.

Genesis 50:25

Katíʼ ne Só꞉se wahshakaónnien ne Israerʼró꞉nons nahonhrhá꞉ratsteʼ, nahonní꞉ron, “Ne nó꞉nen ne Rawenni꞉io entshisewaiaʼtó꞉renʼne, ientsisewáhawe nakstienʼshón꞉ʼa ne kenh nón꞉we.”

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

Genesis 6:4

Neʼthó sontakahá꞉wis tánon sénha nohnaʼkèn꞉ke, ratikkowá꞉nensʼkwe ratiʼterón꞉tahkwe nonhwentsá꞉ke, thó꞉non nithonathwatsirí꞉non né꞉ne ón꞉kwe kén꞉ne ne tsonathonwí꞉senʼs tánon ne rathironhiaʼkehró꞉nons. Né꞉ne kwáh rontatshináhstahkwe kén꞉ne ó꞉ni ratishennowanénʼne ne wahónnise tsi náhe tkén꞉ne.

2 Kings 19:15

tánon waʼhaterénhnaien, “O Saiá꞉ner, ne Sení꞉io Nisraeʼró꞉nons, sanitskwáhraʼne siskwaʼhé꞉re é꞉neken tsi rón꞉nes ne tehatinerahontiónhtons kontí꞉rios, sonhá꞉hak khók ne Saní꞉io í꞉ken, satkorástons akwé꞉kons tsi kanakeraseraké꞉rons tsi ionhwenhtsáte. Í꞉se shasaháʼnion ne tsi ionwenhtsáte ó꞉ni ne tsi karonhiáte.

2 Chronicles 2:12

Tehonwanonhweráton ne Roiá꞉ner Sakoní꞉io í꞉ken ne Israerʼró꞉nonke, Rahónha ró꞉sons tsi karonhiáte ó꞉ni tsi ionwenhtsáte! Thóhwi ne Ronnontí꞉iokwe Táwit né raoʼnekenterón꞉tshera naʼtenikonhratʼthokhátshera, ne rahónha ó꞉nenh né ratenikonhrón꞉nis nahononhsónhnien nononsatokentiʼkówa ne Roiá꞉ner tánon nahathatenonsónhnien nón꞉neʼe ne rahónha.

Ezra 5:11

“Wathatirihwaʼserá꞉ko, ‘I꞉i ne shakwahiò꞉tenhse ne Rawenni꞉io ne tsi karonhiá꞉te ó꞉ni ne tsi ionhontsá꞉te, tánon ki tsionhkwanonhsonhnihátie Nononsatokentihkó꞉wa né꞉ne orihwaká꞉ion tsi nitkanonhsón꞉ni tánon tsi iekasonhón꞉ne ne wahón꞉nise tsi náhe tkénhne né꞉ne roshatstenhserowá꞉nen ronhnonhtí꞉io ne Israerró꞉nonke.

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Psalms 115:15

Aiáwens ahiaiatatériste ne Roiá꞉ner, né꞉ne róshon tsi karonhiáte ó꞉ni tsi ionhontsáte.

Psalms 136:26

Ó tetsisewanonhweráton ne Rawenni꞉io karonhiáke, asèken ne iorihwatóken raonoronhkwáhtshera tsi nénhwe enkátake.

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Exodus 22:11

né rónhkwe ónenk tsi tionterenhnaientákwa nienhénre tánon enhaʼriwanírathe tsi iáh tehonaskwahnénskwen nètho rónhkwe, né rahotshenenhkénʼen kwáh kíʼ ienhaʼnekwahne tsi wahó꞉ti, tánon noia rónhkwe iáh kíʼ thatehiothonwenhtsóhon nahonsahakharhiake;

Exodus 23:13

“Shaʼthahónshatat oriwakwékon tsi Í꞉i, ne Watiá꞉ner, wakonró꞉ri. Tó꞉sa roʼnonháke nónhwe nasaterenhnaiénsek ne thiʼkaniʼiosehrátes; akwékon tó꞉sa sehnáhton.

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Isaiah 45:23

Iahteʼtsiáti khók wakerihwanirá꞉ton, tsiksakáronte tioiakénʼen tsi nieʼiawénon ne karihwaʼkwahrihshióntshera né nowénhna né iáh thatahontónkete: “Ní꞉i kwáh tsi niaʼteiekwitsàke tsi thenhiontentʼtsóten, kwáh tsi niaʼtewenhnasàke tsi enkarihwaníraʼte.”

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Isaiah 65:16

Ehʼthó꞉ne ónhka akénhake nahontahiontswanónhna ne kaiatateríhtshera ne tsi ionwénhtsaien kwáh kí ensakoiatatérisʼte ne Rawenni꞉io né rorihwatokenhónwe, tánon ónhka akénhake ahionhnentʼtsakétsko tsi aieriwaníraʼte ne tsi ionwénhtsaien kwáh kí né enhonwarihwaníratʼtse né Rawenni꞉io ne rorihwaʼtokenhónwe; tsioríhwa né tiotihénton tsi naʼtekanikonhráhraʼkwe kanikonhrénhon tánon karihwaséhton nakʼkhénton.

Jeremiah 10:11

Í꞉se ne tiónkwe ó꞉nenk tsi enhientʼtsiró꞉ri nètho onkweshón꞉a ne kahiatónnis iáh rohnónha tehothíson ne tsi ionwenhtsiáte ó꞉ni ne tsi karonhiáte ónenhk tsi enhonwanáthonte. Kwáh ónen iáh kahnèka tahonshahatiʼierónnike ne tsi ionwenhtsiáte.)

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Jeremiah 29:6

Sehwániak tánon sewahwirahiéntann. Ethóhʼne iettsiríhon ne ietʼtsiʼienhokónha nahotíniaʼke, káti nónhne ne roʼnónha nahónton nahothiʼwirahiéntahne. Ónenhk tsi ensehwaniʼtsiokwahtehiáron iáh ne ahontesehwaʼsehrónnenhte.

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Leviticus 19:12

Tó꞉sa othènen shaʼráratst ne Í꞉i aksénhnakon tó꞉ka iáh éhtho thesanikonhró꞉ten naserihwaiérihte; né ní꞉ioht ne tkáhas natehénsera naksénhnakon. Í꞉i ne Watiá꞉ner Sewaní꞉io íken.

Zephaniah 1:5

tsi niiákon thenhiontsákete ne tsi karonhkwenáhere raotihénton ne ratironhiakerononókons; tánon tsi nihiákon thenhiontsákete tánon enhonwarihwanirát꞉tse ne Roiá꞉ner, ók ethosà꞉ne ronhwariwaniráti ne raotiní꞉io Milcom;

Numbers 5:21

aiáwenhs ne Roiá꞉ner ahiasenhnáksate tsi nòkwah ne shonkwetaʼshónhas. Aiáwens né senhitsháke nahonktóhkerihke tánon ne senekwenhtáke aonthó꞉we.

1 Corinthians 7:39

Ne ioniákon tsiontʼtonwísen iáh tewahtatewenhníʼio tsi náhe rónnhe ne róne; ónk tóhkaʼ enrénheie ne róne, Ethò꞉ne kíʼ ensewahtatewenhní꞉ioʼne tsik ónhka ne rónkwe ahonshahotíniake tsi nitewaskáneks, nók nek khók tóhka Rohriwiʼióston.

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Hebrews 6:16

Nónen entewahrihwahnírahte, né kasénna entewásthe né꞉ne ónhkak sénha tiakhót꞉te tsi ní꞉ioht nontionháʼa, tánon né kahrihwahnirát꞉tshera akwékon ne niekarihwahserón꞉nis naterihotarókʼtshera.

Joshua 2:12

Káti ó꞉nen rahohénton sewarihwaní꞉rat tsi entietsihiateweienhtónhase nakhwá꞉tsires tsi ní꞉i natkwarihwasniése, tánon knahò꞉tenk thakwanaʼtónhas nahónton ahontakwè꞉takwe.

Judges 14:3

Ók né ronhwaiénha wahonwarihwanónhtonhse, “Nonhtséren tsi thóh nónhwe niáse ne iáh tehoneriása thí꞉ken Philistiaró꞉nons nasehnakwísake? Iáh kén thaʼsehiatatʼtsénhri ónhkak né꞉ne sahonkwénhthara í꞉ken, né nonhkwenhtsokwáhkon hiehiátare?” Ók ne Samson wahoróri ne roʼníha, “Akahónha tewakathonhontsóni ne hiaséhnonhke nakerihwáke. Kheʼnónhwes.”

1 Samuel 20:17

Ne Jonathan wahahónhnien ne Táwit nahariwanírate shé꞉kon ne raonoronkwáhtshera tsi nòkwah ne raón꞉ha; asèken ronorón꞉kwah tsi kiʼ ne nihanorón꞉kwah tsi nirónnhe.

1 Samuel 30:15

Ne Táwit wahawénhase, “Kwáh iastiaʼténhaf thóh nón꞉we thí꞉ken ratinataká꞉rias kentsió꞉kwa?” Wahénron, “Takeriwanírats rahonháke ne Ní꞉io nètho ní꞉se tsi iáh taskenonwarhiá꞉khon, khéhs niaʼskatiakwahrísi rahonháke ne ratiatakweʼní꞉io, tánon kwáh kiʼ ienkonhiaténhawe tsi tón꞉nes.”