Genesis 24:27 - Ohiatonhseratokénti

²⁷ tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

Genesis 24:27 ပူးပေါင်းရင်းမြစ်များ

Genesis 13:8

Eʼthó꞉ne ne Abram wahawénhahse ne Lot, “Ánion tóhsa ohthé꞉nen kaièn꞉taʼn naterihotahrhóktshera tsi naʼtetewátere, tánon tsi naʼtehóntere nonkenihnaʼtsheraʼshón꞉as; tiorí꞉wa tsi tewatátenonhkwe.

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

Genesis 24:12

Wahaterèn꞉naien, “Saiá꞉ner, Tshení꞉io ne riioʼténhse Abraham, ahsathontátsheke táhskon kaianeráhtshera tsi nikatiéhrha nón꞉wa wenhniserá꞉te, ó꞉ni sé꞉nehst ne iorihwató꞉ken kanoronhkwáhtshera raonhá꞉ke ne riioʼténhse Abraham.

Genesis 24:21

Ne rón꞉kwe kwáh thaʼtehotó꞉te shakoʼnikón꞉rare, ne nahoterién꞉taraʼne tóka kenh ne Roiá꞉ner tho ní꞉ioht tsi wahaiánerahste tsi nihathahí꞉nene.

Genesis 24:4

ók tho nón꞉we niahá꞉se tsi nón꞉we tewakenakerahserá꞉ien tsi nón꞉we tekwatsí꞉raien tánon tasheiaʼténhaf ne iakón꞉kwe nahotíniake ne riién꞉ʼa Isaac.”

Genesis 24:42

“Ne shiahá꞉kewe ne tsi tiohnáwerote nón꞉wa wenhniserá꞉tehkwe, waʼkaterén꞉naien, ‘Saiá꞉ner, Tshewenní꞉io ne riioʼténhse Abraham, ahsathontátsheke táskon naontianeráhsten tsi nikatiéhrha.

Genesis 24:48

Eʼthó꞉ne waʼtkatshá꞉kete tánon wahihsèn꞉naien ne Roiá꞉ner. Waʼthinonwerá꞉ton ne Roiá꞉ner, ne ne Raoní꞉io ne riioʼténhse Abraham, ráonha ne Rawenni꞉io iahatiaʼtakwaríhshiaʼte tsi thatí꞉teron ne riioʼténhse raohwá꞉tsire, thóh nón꞉we iaʼkheiaʼtatshén꞉ri ne ne riioʼténhse tehontehnhón꞉tere shakoién꞉ʼa ne nahotíniaʼke ne riioʼténhse roién꞉ʼa.

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

Genesis 9:26

Kwáh ó꞉ni wahén꞉ron, “Thón꞉ion ne kanonhweratónhtshera ne Roiá꞉ner ne Raoní꞉io ne Shem; tánon ánion ne Canaan ne ronwatenahskónniaʼt.

2 Samuel 18:28

Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 68:19

Tehonwaʼnonweráton ne Roiá꞉ner, tsi rahónha ró꞉kete nonkwahríe꞉na niatewenhniseráke; Rawenni꞉io séh ne sonhkwahiatanónstats. Selah

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Exodus 18:10

tánon wahénron, “Tehonwanonhweráhton ne Roiá꞉ner, tsi nikáien ne sahiaʼniákenʼte tsi nòkwah ne Egypt ronhnonhtí꞉io ó꞉ni nonhkweshón꞉ʼas ne Egypt! Tehonwanonhwaráhton ne Roiá꞉ner, tsi rahonʼa sashá꞉koniákenʼthe ne rahonkwetaʼshón꞉as tsi ronwatiʼnaskónhniskwe!

Exodus 2:11

Nónen ne Mahís sihotehiá꞉ron, thóh niaháre washaʼkonahtenhrehsèhra ne rahonkwetashón꞉ʼa, né꞉ne Hebrews, tánon wahatkátho tsi nihonwenhnonhniénhnis nahotiʼhióten ne iohiotensehrahnírons. Iekaníhare wahó꞉ken ne Egyptró꞉non wahononhwarhiákon ne Hebrew nahahiaʼtóten, né꞉ne kwáh Mahís rahonkwéta.

Exodus 2:13

Tsi ó꞉ia sahiórenhne thóh sá꞉rethe tánon wasaʼkóken tenihiá꞉se Hebrew ronaterí꞉io. Wahawénhase tsi nikáien ne tehaterienʼtawénhries, “Onhʼnihiotiéren tsi ehʼtsenonhwenhsehrhários né꞉ne sehseniʼhiá꞉tha Hebrew?”

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

Proverbs 8:20

Tsi tekatekhaháhkhwa né꞉ne tkarihwaié꞉ri; né꞉ʼe wakathahitáhkhe ne aterihwakwarihshionhtsherá꞉kon,

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 1:68

Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

Ruth 4:14

Konnón꞉kwe waʼontathró꞉ri Naomi, “Tshennakará꞉tat ne Roiá꞉ner! Tahiatenniéhten ón꞉wa wenhniserá꞉te tshateré꞉ʼa ne ahiaiaʼtakéhnha. Aiá꞉wens ne raksá꞉ʼa ahasennowáhnha ne Israel!

1 Samuel 25:32

Ne Táwit warénhaʼse ne Abigail, “Tehonwanonweráton ne Roiá꞉ner ne sakoʼNí꞉io Nisraerʼronónke, tsi raón꞉ha se taiató꞉ri ne tahitsatátʼken nón꞉wa wenhniseráte!

1 Samuel 25:39

Nó꞉nen ne Táwit saharihwáronke nètho Nabal tsi rawenhé꞉ion, wahén꞉ron. “Tehonwanonweráton ne Roiá꞉ner tsi raónha seh ionshahárehke ne kanikonrakarewátshera tsi niwatienáon ne thóh ratshanáke ne Nabal, tánon ní꞉i éhren wahatiatenháwiʼte tsi nòkwah ne kariwahetkénseraʼne Roiá꞉ner tonsahakarahténi ne kariwahetkénsera tsi nihoieránion ne Nabal ne iatehaiáti.” Eʼthóhʼne ó꞉nen ne Táwit iahaténiete tánon washakótatʼtse ne Abigail, nahotíniaʼke.