Genesis 24:26 - Ohiatonhseratokénti

²⁶ Eʼthó꞉ne ne rón꞉kwe waʼthatshà꞉kete tánon wahohsèn꞉naien ne Roiá꞉ner,

Genesis 24:26 ပူးပေါင်းရင်းမြစ်များ

Genesis 22:5

Ethó꞉ne Abraham waʼhshakawènhahse ne raohnhá꞉tsheraʼs, “Kén skátne sewé꞉shek ne tewahónhtes. Ne raksá꞉ʼa tánon ni꞉ʼi tho nieniákene tánon ieniatiaterén꞉naien, tánon eʼthó꞉ne ken naʼtentiákene.”

Genesis 24:25

Iaʼkáiehste, “Wé꞉so ionkwahaweʼehtsherá꞉ien ó꞉ni ne katshé꞉nen aotíkhwa ká꞉ien ne tsi ionkwanónhsote, ó꞉ni ionáktaien naesewahsontí꞉iaʼke.”

Genesis 24:48

Eʼthó꞉ne waʼtkatshá꞉kete tánon wahihsèn꞉naien ne Roiá꞉ner. Waʼthinonwerá꞉ton ne Roiá꞉ner, ne ne Raoní꞉io ne riioʼténhse Abraham, ráonha ne Rawenni꞉io iahatiaʼtakwaríhshiaʼte tsi thatí꞉teron ne riioʼténhse raohwá꞉tsire, thóh nón꞉we iaʼkheiaʼtatshén꞉ri ne ne riioʼténhse tehontehnhón꞉tere shakoién꞉ʼa ne nahotíniaʼke ne riioʼténhse roién꞉ʼa.

Genesis 24:52

Nó꞉nen ne Abraham raohnhá꞉tshera shahothón꞉teʼne ne raotiwén꞉naʼs, onhwenhtsá꞉ke iaʼthatshá꞉kete raohén꞉ton ne Roiá꞉ner.

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

2 Chronicles 20:18

Ethòne ne Ronnontí꞉io Jehoshaphat ehtáke watatʼtiákete, né tiehakonhiásen nohontsáke, tánon onhkweʼtakwé꞉kon skát꞉ke tsi wathontʼtsákete tánon wahonwasénhnaien ne Roiá꞉ner.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

Nehemiah 8:6

Eʼthò꞉ne ne Ezra wahohiathaté꞉riste ne Roiá꞉ner, né꞉ne tehotenonhianì꞉ton Ní꞉io tánon onkweʼtakwé꞉kon watseriwaʼserá꞉ko, “É꞉ʼtho niiáwenh! Eʼtho niiá꞉wenh!” tánon wahonhnentsakaráhthate tánon wathontsakéhte, ronwashén꞉naiens ne Roiá꞉ner tse hatikonwahró꞉te nonhontsà꞉ke.

Psalms 22:29

Ratikwé꞉kon ne ronthatónhni nonkwé꞉shon ne tsi iowenhtsáte rahonháke thenhontsákete; tsi nihiákon ne Roiá꞉ner iáh tesakorihwáwi nahiakónnheke rahohénton thenhiontsákete. Tánon kíʼ ní꞉i enkónnheke ne rahón꞉ha raorihwáke.

Psalms 66:4

Akahontsakwékon nón꞉kwe tsi í꞉se iesasénhnaiens; teiesarihwáʼkwase ne kanonweratónhtshera, tehatirihwáʼkwah ne kanonweratónhtshera ne sahsénhnakon.” Selah

Psalms 72:9

Wakaterénhnaien ne ronwashóns tsi niháti ne iahonwenhtsiatʼthénke ratinákere rahohénton tahonttsákete, tánon ne ronwáshons tahonwanakenróhiente.

Psalms 95:6

Ó ká꞉sewe, ánion entsitewasénhnaien tánon tethewatʼtsáket raohénton, Ánion tethewathentʼtsóten rahohénton ne Roiá꞉ner, ne shonwahiatíson!

Exodus 12:27

tenietʼtsiriwaʼserákwaʼse, ‘Né꞉ne kariwiʼiosehʼokónhas ne iotoʼhetstákwen nahonwakwé꞉niensʼthe ne Roiá꞉ner, tsioríwa tsi é꞉neken nahatóhetsthe tsi roʼtinonhsóhtons ne lsraeró꞉nonhs ne Egypt nónwe. Washaʼkoʼnonhwarhiakónhnion ne Egyptró꞉nons, ók ní꞉i washonkwaʼnónstaʼte.’” Ne lsraeró꞉nons waʼthontentʼtshóten tánon wahonterénhnaien.

Exodus 34:8

Ne Mahís kasterihénhken onhwenhtsáke watatʼtsákete tánon wahaterénhnaien.

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

Micah 6:6

“Onhnahó꞉ten iahihawí꞉then raohénton ne Roiá꞉ner, tánon takattsákete raohénton ne Roiá꞉ner ne eʼnekénstsi? Raohénton onhtéken niáke ne ne katshé꞉nen nahihiatsathatsáhate, ne ne énska tehaosehrihià꞉kon tionhnónskwahron owí꞉ra?

Philippians 2:10

Neh káti aoríwa nenhonwasennáronke ne Ié꞉sos kwá kíʼ onhkwetaʼkwékon tsi teniontentióten, neh karonhiáke, ó꞉ni nonwentsiáke, tánon neh nonwentiokónson.

Judges 7:15

Nó꞉nen ne Gideon sahothóntene ne rónhkwe rahotetsénhsera tánon tsi nahó꞉ten kéntons, wathatentʼtsóten tánon wahosenhnaoien ne Roiá꞉ner. Ethòne tsi thóh nathatohserótons nʼIsraerʼró꞉nons nionhsáre tánon wahénron, “Sehwatkétsko! Ne Roiá꞉ner thetsisehwáwis natesenhniétsera naietsisénhni ne Midiarró꞉nons só꞉tar!”

1 Samuel 1:28

Káti wahiwenhní꞉ioste ne raksaha raonháke ne Roiá꞉ner, kwáh tsi nenronhnesonke ne raksaha.” Tánon wahonwasénhnaien ne Roiá꞉ner neh nón꞉we.