Genesis 24:12 - Ohiatonhseratokénti

¹² Wahaterèn꞉naien, “Saiá꞉ner, Tshení꞉io ne riioʼténhse Abraham, ahsathontátsheke táhskon kaianeráhtshera tsi nikatiéhrha nón꞉wa wenhniserá꞉te, ó꞉ni sé꞉nehst ne iorihwató꞉ken kanoronhkwáhtshera raonhá꞉ke ne riioʼténhse Abraham.

Genesis 24:12 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 24:21

Ne rón꞉kwe kwáh thaʼtehotó꞉te shakoʼnikón꞉rare, ne nahoterién꞉taraʼne tóka kenh ne Roiá꞉ner tho ní꞉ioht tsi wahaiánerahste tsi nihathahí꞉nene.

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

Genesis 24:42

“Ne shiahá꞉kewe ne tsi tiohnáwerote nón꞉wa wenhniserá꞉tehkwe, waʼkaterén꞉naien, ‘Saiá꞉ner, Tshewenní꞉io ne riioʼténhse Abraham, ahsathontátsheke táskon naontianeráhsten tsi nikatiéhrha.

Genesis 24:48

Eʼthó꞉ne waʼtkatshá꞉kete tánon wahihsèn꞉naien ne Roiá꞉ner. Waʼthinonwerá꞉ton ne Roiá꞉ner, ne ne Raoní꞉io ne riioʼténhse Abraham, ráonha ne Rawenni꞉io iahatiaʼtakwaríhshiaʼte tsi thatí꞉teron ne riioʼténhse raohwá꞉tsire, thóh nón꞉we iaʼkheiaʼtatshén꞉ri ne ne riioʼténhse tehontehnhón꞉tere shakoién꞉ʼa ne nahotíniaʼke ne riioʼténhse roién꞉ʼa.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 27:10

tánon kwáh ienhtshawíhten ne iaʼníha ná꞉rake, ne katíʼ naón꞉ton nahiaiaʼtaté꞉rihste nohén꞉ton ahrénheie.”

Genesis 27:20

Ók NʼIsaac wahawènhahse ne roièn꞉ʼa, “Oh ní꞉ioht tsi ʼeh niiostó꞉re wahserioʼtatshén꞉ri, konièn꞉a?” Jacob waʼtharihwaʼserá꞉ko, “Tiorí꞉wa ne Roiá꞉ner ne Ianí꞉io wahatié꞉nawaʼse waʼketshén꞉ri nakatoráhtshera.”

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:9

Eʼthó꞉ne ne Jacob wahaterén꞉naien, “O Tshewenni꞉io ne rakeʼníha Abraham tánon Tshewenní꞉io ne rakeʼníha Isaac, O Saiá꞉ner í꞉se takhró꞉ri, ‘Tho nón꞉we niaonsá꞉ke tsi nón꞉we tewakenakerahserá꞉ien tánon tsi tekwatsí꞉raien, tánon kwáh ioiánere tsi nenkoniatié꞉raʼse.’

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

1 Kings 18:36

Tánon tsi niakahé꞉we tsi nihioterihwíson, ne Elijah né rothó꞉kenhse íken ákta niaháre ne ietseharákwahke tánon wahaterénhnaien, “O Saiá꞉ner, tsheNí꞉io ne Abraham, Isaac, tánon ne Jacob, ónen kíʼ serihwanírat tsi í꞉se Shé꞉wenhnní꞉io Nisraerʼró꞉nonke tánon í꞉i ne sanhátsera íken tánon akwékon kí꞉ken thóh nátiere tsi nisarihwatháton.

2 Kings 2:14

Nonékake né wahanonwárehekʼsthe ne Elijah rahotsáthawi wakóses tánon wahénron, “Kaʼníres ne Roiá꞉ner, né Raoní꞉io ne Elijah?” Ethòne shé꞉kon sahanonhwáreke noné꞉kake, tánon watewatʼnekakhási, tánon káti iathahiáiaʼke.

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Psalms 118:25

Takwahnóns꞉tat, kwahnithénhtase, Ó Saiá꞉ner! Ó Saiá꞉ner, kwahnithénhtase, tastion nahionkwahianerásthen!

Psalms 122:6

Sewaterénhnaien ne skénnenk takénhake ne Jerusalem: “Aiáwenhs tsi niʼiákon ne iesanorónhkwah aiakoianerástenh

Psalms 127:1

Tó꞉ka iáh Roiá꞉ner iáh tehanonhsónhniaʼne, tsi niháti rotiʼnonhsónhni tsi rotihiothénhen iáh othènen satekenatéken. Tó꞉ka iáh Roiá꞉ner tehanikónhrahre ne kanatowáne, né ratiʼnatanónhne iáh kí othènen tehatiriwástha.

Psalms 37:5

Roiá꞉ner thá꞉tion ne tsi shónne; tatietakwéhak, tánon enhiasniénon.

Exodus 3:15

Sehró꞉ri lsraerʼró꞉nons tsi i꞉i, ne Watiá꞉ner, ne SakoNí꞉io ne ietsiʼsotʼthonkonhkènʼen, Raotí꞉io ne Abraham, lsaac, tánon ne Jacob, tahakató꞉ri tsionhàke. Né kí꞉ken naksénhna tsi nènhwe; tánon thóh kíʼ nenhiotónhake tsi wahatiwahtsiʼratá꞉tie tsi enhionkenáhtonkwahʼke.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.