Genesis 23:9 - Ohiatonhseratokénti

⁹ né katíʼ naón꞉ton nahakatenhní꞉nonʼse ne Machpelah nón꞉we tiohshón꞉waien, ne ne ráonha raó꞉wenk; ne ne tsi ieiothén꞉tate ne raohentà꞉ke ítken. Tshisewariʼwanón꞉tons kwáh kakariaʼktsheraná꞉non tsi ahakatenhní꞉nonʼse, kén꞉ʼen sewahén꞉ton, ne ne kwáh í꞉i aonkawenkhón꞉weke akénhake ne iontatiaʼtataáhstha.”

Genesis 23:9 ပူးပေါင်းရင်းမြစ်များ

Genesis 23:10

Nón꞉wa ne Ephron skátne ratitskó꞉tonhkwe ne Hitró꞉nons; tánon ne Ephron ne ne Hitró꞉non nahaiaʼtó꞉ten waʼthorihwaʼserákwahse ne Abraham tshiehonathón꞉te ne ronátiaʼkeʼs Hitró꞉nons, kwáh tsi nihá꞉ti ne iehonataweiaʼtón꞉ne ne tsi tiotʼenhenhraká꞉ronte né kanatowanèn꞉ke,

Genesis 23:4

“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”

Genesis 23:8

Tánon wahshakawènhahse, “Tókaʼ ensewathón꞉tate nahskwaríhon ne kénʼen akheiaʼtáta ne wakatehreʼónhskon, aesewathón꞉tate tsi sewaniténhtaʼs ne Ephron nakerihwá꞉ke ne꞉ne Zohar roièn꞉ʼa,

Genesis 25:10

Neʼthóh kahèn꞉ta ne ne Abraham shakohentahní꞉non ne Hitró꞉nonʼs. Thóh nón꞉we nihonwatiiaʼtáten ne Abraham tánon ne roneʼkénhen Sarah.

Genesis 49:29

Eʼthó꞉ne wahshakoʼnikonhraientáhten, wahshakawènhahse, “Ó꞉nen kiʼ thó꞉ha iakheiatiaʼtáhrhahse ne iakwatátenonhkwe nohén꞉ton thonenhé꞉ion. Skátne takwaiaʼtáta ne khehsothokonʼkénhen—ne tsi tioshonwaká꞉ronte ne raohentà꞉ke ne Ephron ne Hitró꞉non,

Genesis 50:13

Ne ne shakoioʼokón꞉ʼa iahatíhawe ne raoieròn꞉ta tsi tionhontsá꞉ien ne Canaan tánon iahonwaiaʼtáta tsi tiohshón꞉waien ne Machpelah, ne ne tsitkahén꞉taien ákta ne Mamre, ne ne Abraham rohní꞉non ne Ephron ne ne Hitró꞉non ne aiontatiaʼtataʼáhsthake.

1 Chronicles 21:22

Né Táwit wahawénhase, “Tákathenhnínons tsi setetákwah, né nahón꞉ton ne ietienharákwah ahihiónhnien ne Roiá꞉ner, né nahón꞉ton taká꞉thaʼne ne kannrahtarihné꞉tshera. Kwáh kakariaktseranánon tsi enkonkáriakʼse.”

1 Chronicles 21:24

Ók ne ronnontí꞉io tsi watharihwaseráko, “Iáh, kwáh kakariaktseraʼnánon tsi enkonhkáriakʼse. Iáh ne tiakát꞉kaʼwe nahí꞉tatʼtse ne Roiá꞉ner nahó꞉ten ne í꞉se sahwenhkénʼen, né tká꞉hotenk ne iáh othènen tewakatkaronhníʼon.”

Romans 12:17

Tóhka ónhkak iesateweiehnakshaténʼni, tóhsa thóh ní꞉ioht tsi ahonsashekáriakʼseh. Ne sateniénten thonátier tsi niʼiéhiere nónkwe ne tkariwaiéri.

Romans 13:8

Kwáh tóhsa kanèka nónhka aietʼtsikarótani—nek khók aihsewatkarótake neh tsi natahisewathatenorónkwaʼke. Nónka kí꞉ken neh thóh nenháiere rotewennarákwen neh kaianerénsera.