Genesis 23:6 - Ohiatonhseratokénti

⁶ “Takwatahónhsatat, sènhshion. Tho níʼioht tsi tekwaká꞉nere tsi ní꞉ioht ne kwáh saʼshatstenhserowá꞉nen shehentén꞉se; sheiaʼtáta ne tesení꞉teron né iakawenhé꞉ion ne kwáh tiotkwénienʼs tsi nón꞉we niiakhiiaʼtataʼáhstha. Kwáh tsik ónhka tsi niiátion enkwatewentéhtaʼse nohtshatónhkwa, ne naón꞉ton ahsheiaʼtáta ne tesení꞉teron ne iakawenhé꞉ion.”

Genesis 23:6 ပူးပေါင်းရင်းမြစ်များ

Genesis 13:2

Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa.

Genesis 14:14

Nó꞉nen ne Abram saharihwá꞉ronke ne raonhwatén꞉ʼa tsi ronwaié꞉nen, wahshakohén꞉tenʼse ne karihonnién꞉ni ronnón꞉kwe, ne ne raonónhskon ronanakerá꞉ton, áhsen-tewenʼniáwe shatékon-iawén꞉re nihá꞉ti, tánon wahshakotíhsere kwáh tsi niió꞉re ne Dan.

Genesis 18:12

Sók ne Sarah aonhá꞉ke khók thaʼkasté꞉riste, watón꞉nions, “Tsi ó꞉nen akekstén꞉ha í꞉ken, tánon né teiakení꞉teron ó꞉nen rokstén꞉ha, shé꞉kon ónhte kenh aonkonʼwéskwen neʼthó naiatiátiere?”

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Genesis 21:22

Né sikahá꞉wi ne Abimelech, wahiateró꞉shen ne Phicol ne ne rateriiohseraʼkweʼní꞉io í꞉ken né raotióhkwa ronterí꞉ios, ne Abimelech wahawènhahse ne Abraham, “Ne Rawenni꞉io kwáh senikwé꞉kon ne tsík nenhsátiere;

Genesis 23:5

Né Hitró꞉nons wathonwariʼhwaʼserákwahse nʼAbraham,

Genesis 23:7

NʼAbraham waʼthá꞉taʼne waʼthatshá꞉kete raotihén꞉ton ne Hitró꞉nons ne ronnonhontsakweʼní꞉io.

Genesis 24:18

“Snekíra, sènhshion,” waʼé꞉ron, tánon iostó꞉ré tsi taiòn꞉senhte ne kátshe ne iehnenhsá꞉ke tánon waʼontháwa tsi nikarí꞉wes wahonwahné꞉kanonte.

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 31:35

Rachel wahawènhahse ne roʼníha, “Tóhsa roná꞉khwen né rakeʼníha, tsi iáh thakkwé꞉ni ne sahén꞉ton táktaʼne, aseʼkénh tsi niiotirihó꞉ten ne konnón꞉kwe ontiaʼtó꞉renʼne.” Katíʼ wahresákhon, ók iáh kíʼ thahó꞉ten tehotshénrion ne kanónhskon ié꞉ienʼs kaiaʼtonnihshón꞉ahs.

Genesis 32:18

Eʼthó꞉ne kíʼ kwáh enshí꞉ron, ‘Ne ne sahnhá꞉tshera Jacob raotshenenʼó꞉konʼs; ne natatawíhtshera tahonwatenniéhten ne riioʼténhse Esau; tánon sénha í꞉siʼ nón꞉we í꞉ken kén꞉en nontahawenonhátie.’”

Genesis 42:10

Wahonwènhahse, “Iáh, onkwaiá꞉ner; sahnhaʼtsheraʼshón꞉ʼahs tahón꞉ne nahontenaʼtsherahní꞉non.

Genesis 44:5

Iáh kenh ne kiʼ té꞉ken ne rahnekihrá꞉tha natiá꞉nehr? Tánon Iáh kenh ne tehátstha ne iaharí꞉waken? Waʼtisewaterienʼtawén꞉rie tsi kiʼ tho nesewá꞉iere.’”

Genesis 44:8

Satkáhtho, nohwísta ne ionkwatshénrion ne é꞉neken nonkwaiá꞉rakonʼs, tontaiakwáhawe sonhá꞉ke ietsonkwáha ne tsi ionhwentsá꞉ien ne Canaan; oh katíʼ ní꞉ioht tsi aionkwanénhskwen ne kahwistarà꞉ken khehs nohwistanó꞉ron ne tsi ronónhsote ne iaiá꞉nehr?

Exodus 32:22

Ne Aaron wahénron, “Tó꞉sa takenáhkwas; sateriéntare tsi nithotiʼnikonhraʼkonhtákwen kí꞉ken onhkweshón꞉ʼa ne kariwahétken tsi nahóntiere.

Isaiah 45:14

Né kí aoríhwa rá꞉ton ne Roiá꞉ner: Naokwahséhtshera ne Egypt tánon naothenhninónseras ne Ethiopia tánon ne Sabeans, ratiʼnenhiésons, í꞉sehke nenhtón꞉ne tánon í꞉se ensatonhkweʼtaráko, kwáh kí eniesanonteratsésehke; kwáh entón꞉ne oronwása tehatiʼnenhstérens tánon thenhontsákete ne shonháke. Kwáh kí eniesaterenhnaiénhase, rontón꞉nions, “Rawenni꞉io kwáh shonhahákʼkhok senikwékon, tánon iáh ónhka nakóren akénhake; iah nó꞉ia tekáien né Ní꞉io akénhake tsi nòkwah ne rahónha.”

Ruth 2:13

Tontaiaì꞉ron ne Ruth, “Kwáh í꞉ken tsi tisarihwaié꞉ri ne í꞉i akerihwá꞉ke, Sénhsion. Ionʼwé꞉sen tsi skanonhtónnion tsi ní꞉ioht tsi tahshektháhrhahse, aronhátien iáh shaʼtetionkwátʼte ne iesaióʼtenhse.”