Genesis 23:2 - Ohiatonhseratokénti

² Tánon ne Sarah Kiriath-arba nón꞉we iaʼkénheie (ne ne Hebron nón꞉we) ne aotonhontsà꞉ke ne Canaan; tánon nʼAbraham iahatáweiaʼte nahatshón꞉nion tánon né tahahsénthoʼse.

Genesis 23:2 ပူးပေါင်းရင်းမြစ်များ

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 23:1

Ne Sarah énskat tewenʼniáwe tánon tewáhsen tsiáta niiohserá꞉ke nikarí꞉wes iónhnhehkwe; tho kí꞉ken niionhnhesón꞉ne ne Sarah.

Genesis 23:19

Eʼthó꞉ne ó꞉nen ne Abraham wahshakoiaʼtáta ne ró꞉nehkwe Sarah thóh ohshón꞉wakon tsi kahén꞉taien ne Machpelah nón꞉we ne tetiatatká꞉nere ne Mamre (ne ne Hebron) ne ne Canaan aotonhwentsà꞉ke.

Genesis 24:67

Eʼthó꞉ne ne Isaac ronisténha Sarah akoʼtohserà꞉kon iahshakoiaʼtínionʼte ne Rebekah, tánon ró꞉ne waʼón꞉ton; tánon tsi nihshakonorónhkhwah. Katíʼ NʼIsaac wahonwaʼnikonhrahní꞉rate shaʼaiéheie ne roʼnisténha.

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 35:27

Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe.

Genesis 37:14

Katíʼ wahawènhahse, “Wáhs kíʼ ó꞉nenk, satkenʼsé꞉ra tókaʼ kenh ne sewatateʼkoʼokón꞉ʼahs iáh thé꞉non tehotiiá꞉tawens tánon ó꞉ni ne teiotinaʼkarontón꞉ʼa tánon ne kaiaʼtákeras; tánon tontahskerihwenhawíten.” Sók kí tho nón꞉we tahoténniehte aonhráhkwakon ne Hebron. Kiʼ iahá꞉rawe ne Shechem,

Genesis 50:1

Eʼthó꞉ne ne Só꞉se roʼníha rakonhsà꞉ke iahatatiaʼtiè꞉nenhte, tsi nihoʼnikonhráksenʼs tánon tehonoronhkwanión꞉tonʼs.

Genesis 50:10

Shiahón꞉newe ne tsi ietheʼtáhkwa ne Atad nón꞉we ne ne ieiotohétston ne Jordan, thóh nón꞉we kwáh í꞉ken tsi waʼtewatenón꞉ianihteʼ onttsiʼtó꞉ko tsi naʼakoʼnikonhraksèn꞉seron; tánon ne Só꞉se ne wahateriwahténtiaʼte nahotshón꞉nionʼse ne roʼníha tsi niioterihwíson naiontshón꞉nion ne ne tsá꞉ta nón꞉ta nikarí꞉wes.

2 Samuel 1:12

Wahontiónhnion tánon wathonséntʼtho, tánon wahonenhtónhtsiete kwáh tsahokárawe ne ne Saul tánon ne roiénha Jonathan raotirihwáke, tánon ne ronwaterí꞉iose ne Roiá꞉ner ó꞉ni tsi ratiwatsiratátsie Israerʼró꞉nons, tsioríhwa tsi ne rotiʼiatsenénhton nasarehkó꞉wa.

2 Samuel 1:17

Ne Táwit watahrihwaʼkwáhnion kí꞉ken kanikonraksénhtshera ne ne Saul raorihwáke tánon ne roién꞉ha Jonathan.

2 Samuel 2:11

Tsi nikaríwas nètho Táwit ronontí꞉iokwe neh nón꞉we Hebron rononháke nonkweʼókons ne Judah ne ne tsá꞉ta niʼioserákekwe tánon iáh-iak niwenhnítakeʼne.

2 Samuel 5:3

Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

2 Samuel 5:5

Ne Hebron nón꞉we washatenontí꞉ioste kwáh kanahkeraseraʼkwé꞉kon ne Judah ne ne tsá꞉ta niʼioserákekwe tánon iáh-iák niwenhnítake; tánon thóh nón꞉we ne Jerusalem wahatinontí꞉ioste kwáh kanakeraseraʼkwé꞉kon ne Israerʼronónke ó꞉ni ne Judah ne ne áhsen niwáhsen-áhsen niʼioserákeʼkwe.

1 Chronicles 6:57

Né otsákes kanataiéntons né꞉ne tahonwanaʼwíhons ne Aaron sakohiohokónhas: né꞉ne Hebron, né꞉ne tsi kanatowanénke ne ionthashetáhkwas, Tó꞉ka ónhka iáh tahanikonhrónhni nashaʼkononhwariáhkon, enwáton thóh nón꞉we ienhatashéʼthaʼkwe kakʼnikáien tsi níkons kí꞉ken kanatowánens tánon enhaniákenhne nahonsahonwakʼkarenhráhkwahse. Né tsi kanatowánens né꞉ne Jattir, tánon ne tsi kanátaien ne Libnah, Eshtemoa, Hilen, Debir, Ashan, tánon ne Beth Shemesh, kontikwékon ne tsi konwatiʼteronhtákwas ionhontsáiens.

2 Chronicles 35:25

Né rotokenséhakwe Jeremiah waʼharenhnárasʼte né ionhtionhniónhkwah né Ronnontí꞉io Josiah raorihwá꞉ke. Tánon né iahontʼkón꞉takwe ne Israerʼró꞉nonke tsi tiókonte né tenhatiríhwakhwake, né꞉ne ronhnón꞉kwe tánon ne konhnón꞉kwe kwáh tetsarón꞉kwen tsi thóh ní꞉ioht tsi tehatirihwákwah, né kí꞉ken tenhatirihwákwahke nó꞉nen enhonwatsónhnionhse. Né karénh꞉na thóh nón꞉we nenhkatsénhronhke tsi nitkaró꞉ron ne tsi nihiontsiónhnions.

Nehemiah 11:25

Tánon ne kanatakonró꞉nons ó꞉ni ne raotihetahshón꞉as, otià꞉kes ne sakoioʼokón꞉as ne Judah thóh ratinákeres Kiriath Arba tánon aksteshóns tsi kanakerahserá꞉iens, tánon thóh nón꞉we Dibon tánon nastáhshons tsi kanakerahserá꞉iens tánon thóh nón꞉we ne Jekabzeel tánon naonatashón꞉as.

Jeremiah 22:10

Tiónkwe ne Judah, tó꞉sa tesehwaséntʼtho ne Rononhtí꞉io Josiah aharihónni; tó꞉sa sehwaktiónnion tsi rahwenhéion. Ók katsitowáhnenh tesehwahséntʼtot ne Joahaz rahoriwáhke, ne roiénha; hiahonwahiaténhaʼwe, iáh nonhwénhton thatahónthare, iáh nonhwénhton tahonshaʼhatkátho nonhwénhtsa tsi nónhwe niʼhonahkeráhton.

Jeremiah 22:18

Éhtho káti, ne Roiá꞉ner ráton tsi nòkwah ne Josiah roiénha Jehoiakim, ne ne ronnonhtí꞉io ne Judah: “Iáh ónhka thahiontiónnion tsi rahwenhéion iáh ó꞉ni tahiaiéron, ‘Tsi niwahétken, onhtiaténro, tsi niwahétken!’ Iáh ónhka tahiakonikonhrátsen ne rahorihwáhke iáh ó꞉ni tathahionséntho, ‘Ratianer! Rakenonhtí꞉io!’

Numbers 13:22

Né tahontiérenhte entiéne nokwáhti niahónhne ne tsi ionhontsáien tánon Hebron iahónhnewe, thóh nónhwe ne rahotitiókwas ne Ahiman, Sheshai, tánon ne Talmai, nihatinákeres né tahatiwatsiratátie ne ratiʼkowánenskwe ne ronhwatinatónkwah Anakim, nihatiʼnákerekwe. (Ne Hebron tsáta nihioserá꞉ke né ohénton nikanatónhni tsi ní꞉ioht ne Zoan né Egypt nónhwe.)

Numbers 20:29

Kaná꞉keraserakwékon waherihwáronhke ne Aaron tsi warénheie, tánon tatikwékon wahontsiónhnion né꞉ne áhsenh-niwáhsen niwenhniseráke nikaríhwes.

John 11:31

Kenh kaien ne Sitaeronon neh ratiterontakȣe konȣanikonrorihakȣe nʼOnȣari, ȣahontkatto tsi sotsi tontakatenstatsi oni iakaiakenne, ȣakonȣasere rontonne: tsi thaiatat ȣateȣasenthosere.

John 11:35

Nok ȣathasentho ne Iesos.

Acts 8:2

Tóhka niháti ne rohtiriwiʼióstons ronʼnónkwe wahonwahiatátha ne Stephen, kwáh rothitsithówas tánon tsehotiwenʼnakethótha tsi nihonwanátens.

Deuteronomy 34:8

Nonhkweshón꞉as NʼIsraerʼró꞉nonske wahonwatsiónhnionhs né꞉ne áhsen niwáhsen niwenhniserá꞉ke nikarì꞉wes ne tsi iohontsakwénhrare ne Moab.

Joshua 10:39

Wahaié꞉na, ó꞉ni nahonhnonhtihiótshera tánon naktatieʼshón꞉as kanatakérons. Kwáh ratikwé꞉kon ne nón꞉we washakotinonhwariaʼkónhnion. Ne Joshua thóh nahaiérase ne Debir ó꞉ni nahonhnontiió꞉tshera tsi ki nishakoié꞉raʼse ne Hebron ó꞉ni ne Libnah tánon nahotinonhtiiótsheras.

Joshua 15:13

Kwáh ne Roiá꞉ner tsi nihorihón꞉te ne Joshua, ostónha ne tsi kanakerahserá꞉ien ne Judah Caleb thonwá꞉wi ne roiénha ne Jephunneh, thóh nithawé꞉non ne rahotitióhkwakon ne Judah. Wahaié꞉na ne Hebron, ne kanatowá꞉nen né꞉ne rahotinathakén꞉en ne Arba, ne kaʼní꞉sera í꞉ken ne Anak.

Joshua 15:54

Humtah, Hebron, tánon ne Zior: tióhton ní꞉kon ne kanatowá꞉nens, konhtikwé꞉kon ne kanataién꞉tons ó꞉ni ne kenʼnikanatà꞉sas.

Joshua 20:7

Káti nonhkweshón꞉as ne Israerʼró꞉nonhke iá꞉iak nikaná꞉thakes wahonthaterákwahse, áhsen nikaná꞉thake né꞉ne tsi iaʼtewatsénhtos nòkwah ne Jordan Kaniataratátie né꞉ne Kedesh né꞉ne Galilee nón꞉we, ne tsi ionhniarónhnions kanakerahseraké꞉rons né꞉ne Naphtali; Shechem, ne tsi iononhtharónhnions ne kanakerahseraké꞉rons né꞉ne Ephraim; tánon ne Hebron, né꞉ne tsi ionhniarónhnions kanakerahseraké꞉rons ne Judah.

Joshua 21:11

Ne kanatowá꞉nens thonwanawí꞉hon né꞉ne Arba (ne Arba né꞉ne Anak roʼnikén꞉en), ne ó꞉nen skonwáiats ne Hebron, né꞉ne tsi iononhtharónhnions ne Judah nón꞉we, kenikwé꞉kon ne tsiwatenhenrowá꞉nen ne konhwatiʼteronhthákwa kaʼtshé꞉nen ne tehiowanákthon.

Judges 1:10

Iahonwatinenhrénhten ne Canaanró꞉nons ne tsi kanatowanénhke ne Hebron ratinákere, né nènhne konhwáiatsʼkwe ne Kiriath Arba. Thóh nónhwe nahonwatisénhni ne tsi ratiʼtsiókwahien ne Sheshai, Ahiman, tánon ne Talmai.

1 Samuel 20:31

Asèken kwáh tsi nikaríwes ne Jesse roʼiénha enrón꞉nheke ne tsi iohontsá꞉te, ó꞉ni ní꞉se khéhs ne sanakerásera tsi iáh takaweiennenhtáʼon. Ó꞉nenh kiʼ iasehiaténiet nahonwenhnónksa tánon tonwahiathénhaf akʼkénton, asèken oriwiʼiohónhwe tsi enrénheʼie.”

1 Samuel 25:1

Ó꞉nen ne Samuel warénheʼie; tánon kanahkeraserakwéʼkon Israerʼronónke wahonnitsowahróhroʼke tánon wahonwatiónhnionhse ne raón꞉ha. Wahontsáhate ne raoierón꞉ta thóh raononsatʼta ne Ramah nón꞉we.

1 Samuel 28:3

Nón꞉wa ne Samuel ó꞉nenh rawenhé꞉ion, tánon kanenrahkwé꞉kon NʼIsraerʼronónke ronwatiónhnionhse ne raón꞉ha tánon wahonwahiatháta thóh nón꞉we Ramah, ne ne kwáh raón꞉ha raonátakon. Ne Saul shesakoiatinekénʼon ne tehathiʼthára ne ronenhéions ó꞉ni ne niatehotiriwáke ne tsi iohontsáien.