Genesis 22:4 - Ohiatonhseratokénti

⁴ Nahsénhaton siwenhniserakéhaton nʼAbraham iahatkáhtho ne tsi tiotenatakwèn꞉rare kwáh í꞉ken tsi ahí꞉nonh niió꞉re ítken.

Genesis 22:4 ပူးပေါင်းရင်းမြစ်များ

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

Genesis 22:5

Ethó꞉ne Abraham waʼhshakawènhahse ne raohnhá꞉tsheraʼs, “Kén skátne sewé꞉shek ne tewahónhtes. Ne raksá꞉ʼa tánon ni꞉ʼi tho nieniákene tánon ieniatiaterén꞉naien, tánon eʼthó꞉ne ken naʼtentiákene.”

2 Kings 20:5

thóh iesréh tsi thénteron ne Hezekiah, ne shakokhóra ne Roiá꞉ner rahonkweʼtashón꞉as, tánon nahawénhaʼse, “Í꞉i ne Watiá꞉ner, ne Rí꞉ní꞉io ne iashotʼkénʼen Táwit, onhkatʼthónteʼne ne saterénhnaient tánon wahkatʼkátho ne saká꞉sehris. Kwáh kíʼ enskóntienhte, tánon nasénhaton nienhwenhniseraʼkéhaton kwáh Ononsatokentiʼkówaʼne nienhénse.

Esther 5:1

Ahsénhaton shiwenhniserà꞉te tsi iakaontontiéhton Esther ne wá꞉ʼontste tsi niwahkwenió꞉ten ne iakonontiioʼnéha tánon eʼthó iaʼtié꞉taʼne raoteʼèn꞉rakon ohén꞉ton ne tsi ieiontaweiaʼtáhkhwa tsi nón꞉we naʼtehontatkénʼs nonkwehshón꞉ʼa ne ronontí꞉io. Ronontí꞉io thentskwáhere raonitskwahráhne ohén꞉ton tsi ieiontaweiaʼtáhkhwa.

Exodus 15:22

Ethòne ne Mahís sashaʼkosáʼrihne nonhkweshón꞉ʼa é꞉ren sahónhneʼte ne Red Sea tánon kahentaʼkekówa niahonʼne né꞉ne Shur nónhwe. Áhsenh nónhta nikaríwes tsi niahónʼne ne kahentaʼkekówa, ók iáh othènnenh tehó꞉thinekhatsenhrion.

Exodus 19:11

tánon sewathateʼweienhnentaʼhónhak nó꞉ia ientsiórenhne. Né wenhniseráhthe tsi ionónhthe ne Sinai tenkaʼtàsenhthe, tsi nónhwe ratiʼkwékon nonhkweshón꞉ás enhiónkʼken.

Exodus 19:15

káti wasakoró꞉ri ne Mahís, “Sewathaʼteweiennenhtahʼónhak né nó꞉ia ientsiórenhne tánon tó꞉sa kahiaʼtákta ne iónhkwe niaʼísewe.”

Exodus 5:3

Ne Mahís tánon ne Aaron watʼniriwaʼsehráko, “Ne SakoʼNí꞉io ne Hebrews wahathatéʼnesthe nonhkenonhàke. Waʼsonkeniríhon ne ásenh nónhta nikaríwes tahiaʼtsiatʼtháhaʼkwe ne kahentaʼkekó꞉wah nónhwe né꞉ne katshé꞉nen ahiaʼtsiateskónten né ahʼsahkenitátʼtse ne Roiá꞉ner onkenhiNí꞉io. Tó꞉ka iáh ètho tahionkeniʼiéren, kannʼrahtharinhétshera tó꞉ka ó꞉ni aterihiosehráhke tsi ashonʼkeniʼnonhwahrhiá꞉khonke.”

Hosea 6:2

Tsi nió꞉re ne tewenhniserakéhaton rahónha enshesonhtiónnhete, nasénhaton nenhwenhniserakéhaton rahónha thenshesonhkwáhtaste, ne nahónton rahonhénton ahitiónhnheke.

Leviticus 7:17

Nʼowáron né shé꞉kon iothaténron nasénhaton niwenhniseraʼkéhaton ónenk tsi enwatʼtsahatónhake.

Numbers 10:33

Nó꞉nen nonhkweshón꞉ʼas sonhsahonhténhti ne Sinai nónhwe, ne iononhtatoʼkentíke, áhsenh nónhta nióre niahónne. Ne Roiá꞉ner Rahoneró꞉kwah Naʼteriwasehrionhniátshera tiókonhte ne ohentónhson wá꞉he naʼkaʼtshénhri tsi nónhwe nahonhnátaien.

Numbers 19:12

Ónenk tsi enshontiatóhare onékanos énhonhste né꞉ne tionhthonhnakanonhnitákwah né asénhaton nónhta tánon ne tsatakháton nenhwenhnisehráteke, tánon kíʼ ethòne entsakotkwenienstónhake. Ók kíʼ tó꞉ka iáh tahonsahiontiató꞉hare nasenháton niwenhniserakéhaton ó꞉ni ne tsatakháton nónhta, kwáh kíʼ iáh tahonsahiakotkwenienstónhake.

Numbers 19:19

Nasénhaton niwenhniserakéhaton tánon ne tsatákhaton nónhkwe ne kwáh sihiorihwakáhion iakotkwéniens tenhonwanastaró꞉kwahte nonékanos ne iáh tehonatkwéniens. Ne tsatákhaton niwenhniserakéhaton ensehsakonikonhrasehrónhni tsi niháti, nó꞉nen sohtinó꞉hare ne rahonatserónhnia tánon ne ronhwatinekósehren, kwáh shaʼhonatkweniénstane shiaʼkaráhkwenhne.

Numbers 31:19

Ónen kíʼ tsi ní꞉tson ne onhkák ietʼtsinonhwariákon khès ne kén iesehwaiéren nohierónhtha ónenk kíʼ tsi áhtste natosehrákon ensewenhterón꞉take né꞉ne tsáta nónhta nikaríhwes.

Matthew 17:23

Nok enthontennhane aonȣario, nok tanon asenhaton nenȣata enshatonnhete, ȣahotinikonraksen ne raotiokȣa.

Luke 13:32

Tontahenron: satsiseȣaroriana tohiken ratsistso: Sekon nisekheiatekȣatanions nonatkonseraksen, nok nonȣa tanon nenhiorhenne enkeȣeiennentane tsi skatetsentanions, nok nasen-aton nenȣata enkatorissen.

1 Corinthians 15:4

tsi ronwahiatáten tánon tsi sonwahkétskwen sotonnhéton áhsen nónta onahkènke, tsi nikahiáton Noriwatokentíke;

Joshua 1:11

toniehónhne tsi ronataʼtoseró꞉tons tánon nashakotiró꞉ri nonhkweshón꞉as, “Sewaweienénhtan ne kákhwas, asè꞉ken shé꞉kon asenhnónhta nió꞉re ó꞉nen iaʼtesewahiáiake ne Jordan Kaniataratátie niahisewathatiaʼtakwhní꞉ioste ne ohóntsa né꞉tho Roiá꞉ner Sewaní꞉io thetsisewawì꞉re.”

1 Samuel 26:13

Ehʼthó꞉ne ne Táwit thóh niaháre nisheʼnokwáhti nahoronkwáhkon, tánon thóh thontahátahne éhʼneken tsi ionhniá꞉here ahiʼnonhnió꞉reh ít꞉ken, kwáh ahí꞉non niió꞉re í꞉ken tsi niió꞉reh natetsá꞉tere ne ronónha.