Genesis 22:18 - Ohiatonhseratokénti

¹⁸ Kwáh ohontsakwé꞉kon nonkwehshón꞉ʼa enionkeriʼwanón꞉tonhse nakheiaʼtaté꞉riste, tsi kiʼ nikheiaʼtateríston ne sahwá꞉tsire ne tiorí꞉wa tsi takewennaráhkwen.”

Genesis 22:18 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Genesis 22:10

Eʼthó꞉ne ó꞉nen ne Abraham waʼthahshá꞉rahkwe nahoniaʼtó꞉ʼase ne roièn꞉ʼa.

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Exodus 7:6

Ne Mahís ó꞉ni ne Aaron thóh naʼnhíʼiere tsi kíʼ niʼsakoríhonte ne Roiá꞉ner.

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Jeremiah 7:23

Ók kíʼ kheró꞉ri nahionkewenhnaráhkwahke, né꞉ne Í꞉i Raotiní꞉io akénhake tánon ronnónha nahkonhkwetahshón꞉a. Tánon kheró꞉ri thóh ní꞉ioht tsi ronónhnhek tsi nikheró꞉ri, ne ne ahothihianerásthen ne rahothiriwahshón꞉a.

Matthew 1:1

KENH Kaiaton tsinithotenekȣensinon ne Iesos-Keristos, David roienha, Abraham roienha.

Acts 3:25

Tsi nihorahratsʼthánions ne Rawenni꞉io, ne níse sewariwáke, thóh sewahiátare naʼteriwaseronʼnhatserákon tsi nìiʼsakosaháni ne Rawenn í꞉io ne sewasótʼtseras. Tsi nihawénʼni ne Abraham, ‘Tsi waswatsirathátie tsi onkwetaʼkwékon nónkwe tsi niʼiohóntsia tsi enkehiathatérisʼte.’

Romans 1:3

Ne seh kariwaientákwen neh Roiénha, Sonkwaiáner Ié꞉sos Kerístos; tánon tsi nithotenekwensinon, tsi rawenʼnakeráton neh꞉ne Táwit non tahawatsiratátie;

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

Galatians 3:18

Tóhkaʼ tsi nahóten ne Rawenni꞉io sakówis neh akaniahesénhake ne Kaianerénsera, iáh káti ónen neh teskaniahésen tsi nihorahrátston. Nók neh aoríhwa ne Rawenni꞉io rohrahratsténni ne kaiataterítsera ne Abraham, neh iorihonníʼon tsi thóʼwi ne Abraham.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.