Genesis 22:17 - Ohiatonhseratokénti

¹⁷ kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 22:17 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 17:6

Kwáh entkón꞉ion né iaʼtetsoké꞉tote naeswentiohkowáhnha; tánon ronnónha enthatiniarotáhrhoke ne tsi ionhwentsá꞉ien ne wé꞉so watenà꞉takes, tánon ne rontinontí꞉ioʼs kwáh sonhà꞉ke nón꞉we entkaiénhtahkwe.

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Genesis 25:11

Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

Genesis 32:12

Sasehiá꞉raʼn nétho tsi ní꞉senh, ‘kwáh orihwíioʼón꞉we tsi enkonianeráhsten, tánon tho ní꞉ioht tsi enkhehwatsirónnien tsi nienhsatwatsí꞉rine tsi ní꞉ioht tsi tekanehsaronhkotáhrhon ne kaniataraʼkehkó꞉wa, ne ne iáh thaón꞉ton nahonwanáhsehte ne tsi nihonatiohkowá꞉nen.’”

Genesis 32:13

Sók kíʼ thóh nón꞉we nahahsontí꞉iaʼke, Jacob waʼtehshakoiaʼtaiehstahshión꞉ko ne raotshenenʼó꞉konʼs ne nahonahskwawíhon ne iatateʼkén꞉ʼa Esau,

2 Samuel 17:11

Ók kíʼ tsi nikatenikonrá꞉wis ratikwé꞉kon nʼIsraerʼró꞉nons ronhnitsiokwarórok shonháke, thóh tewatásawen Dan tsi nióre ne Beer-sheba, kwáh ne ne onesarón꞉kwah natsiatʼtónhtse ne kaniatarakhekówane tsi nètho nahonatsió꞉kwaske, tánon thóh iaháse tsi tewaterí꞉io ní꞉se.

1 Kings 4:20

Nonhkweshón꞉as ne Judah ó꞉ni Nisraerʼró꞉nonhke thóh nihonatsókwas tsi níkonh tekanesaronhkótharon natsakʼtóntse; tehonskáhons tánon ratinekíra, tánon ronatʼtsenhnónhni.

1 Kings 9:26

Ne Ronhnonhtí꞉io Solomon kwáh ó꞉ni wé꞉so wahatʼthonhionniánion ne konterí꞉ios né Eziongeber nónhwe, né꞉ne ákta ne Elath natsaták꞉tha ne tsi kanéts꞉ker ne Aqaba, né꞉ne Edom ahotonhwenhtsáke íken.

1 Chronicles 27:23

Né Ronnontí꞉io Táwit iáh nènhne tesakosénhnaron nonweʼshónas né tá꞉ke tewáhsen natehonoserihiákons, tsioríhwa ne Roiá꞉ner tsi rorahráts꞉ton tsi enshakahónhnien Nisraeʼró꞉nons thóh nahonatsokowána tsi ní꞉ioht ne tsi iotsistowarónhnions tsi karonhiáte.

2 Chronicles 1:9

O Saiá꞉ner Ní꞉io, tierit tsi nitsiarahratsténhni ne rakeníha. Waskenontí꞉ioste tsi nòkwah nonhkweʼshón꞉as né sóhtsi ronatsokowánenh iáh tahónton nahonwanásehte,

Nehemiah 9:23

Ne washehionhniá꞉te ne raotinekenteronhtsherashón꞉as Toh nahonatiókwasʼke tsi iotsistohkwarónhnions ne tsi karonhiá꞉te, tánon ní꞉se thóh niashehiaténhawe tsi tiohontsá꞉ien tsi niká꞉ien ne sheró꞉ri ne shakotinihó꞉kons tehiotonhontsó꞉hon thóh niahón꞉ne tánon ronhtié꞉nawast né꞉tho.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Isaiah 48:19

tsi waswá꞉tsi ratátie thóh nenhnéʼe nahiotón꞉hake tsi ní꞉ioht nonesarónhkwah, tánon tsi niensatʼwatsiríhne kwáh né꞉ne ahotsinétaras, né raoʼtisénhna kwáh iáh nonwénton tahonthón꞉tonke khés nahiónthonʼte nakʼkhénhton.

Jeremiah 32:22

Tesehiáwi kí꞉ken ionhontsiaréhsen ó꞉ni ionhontsí꞉io, tsi kíʼ nisehiarahratsʼténni ne sahkotisotʼthonkonkénʼen.

Jeremiah 33:22

Kwáh enkhetiokowáhnahthe tsi nienhatwahtsiríʼne ne akenhátshera Táwit ó꞉ni enkheʼtiokowahnáhten ne rothikháres ne rahotiʼtáhrahkon ne Levi, ne ne kwáh thóh nawenhtó꞉rehke nahonwahnháshete tsi ní꞉ioht ne tsi iotsistokwahrónnion ne tsi karonhiáte tó꞉ka ó꞉ni tsi níkonh kanesahronkwáhien natsatʼtóntie.”

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Hosea 2:1

Tsiénhas ne tsatatekén꞉a, Ammi, tánon ne tsatenosénha, Ruhamah.

Micah 1:9

Asè꞉ken tsi niiotkarewá꞉ton iáh tehsewatewirón꞉nis. Judah nón꞉tawe; thóh nió꞉re niahá꞉he tsi thonatenhenraká꞉ronte nakonkweʼtashón꞉as; kwáh ó꞉ni tsi nió꞉re ne Jerusalem.

Romans 4:13

Rawenni꞉io rhorahrastén꞉ni ne Abraham tánon ne sakotereʼonkónhas ronónha rahonáwenk watónsere tsi ionwentsiáte, Ne karahratsthátsera tsi iothéson, iáh neh tehiorihónni ne Abraham tsi ratewennarákwaʼkwe ne kaianerénsera, nók neh iorihónni ne tsi tawethákwenʼne ne Rawenni꞉io ó꞉ni wahonwakwéniensʼte tsi síken ní꞉ioht nahothonkwetakwarísion.

Romans 9:27

Tanon Isaiah wahanikonraiénthaʼte tsi nòkwa ne Israel, “Tòhka ó꞉ni thóh nahionthonkwetaʼkáteke neh Israel tsi níkon tekanesaronkhótharon neh ahtsakthóntie neh kaniatarakhekówa, nók khiʼkenk nenhatíhake enhathiniákenʼne;

1 Corinthians 15:57

Ónk tetsitewahnonweráton ne Rawenni꞉io tsi teshonkwáhwis natesenniétshera rahonháke ne Sonkwaiáner Ié꞉sos Kerístos!

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Deuteronomy 1:11

Aiáwenhs ne Roiá꞉ner, ne Raoní꞉io ne sewahsoʼtsheraokonhkén꞉en, tewenhniaweheʼtsherásen nihiorì꞉wake sénha atsisewenhtioʼkowanáhte tánon atsisewakwahtiésten, tsi kíʼ nihorahrátston!

Deuteronomy 10:22

Nó꞉nen ne ietsisoʼthonkonhkén꞉en Egypt shiahón꞉ne, tsáta kók nihatihiathásen nihátikwe. Ók ki nón꞉wa ne Roiá꞉ner sewaNí꞉io thóh nió꞉re tsi sewenhtioʼkowanáston tsi ní꞉ioht ne tsi iotsistohkwarón꞉nions ne tsi karonhiá꞉te.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 13:18

Tó꞉ka akwé꞉kon enshatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te, tánon thóh naʼsewá꞉iere tsi nihariwanónhtons.

Deuteronomy 21:19

Ne ronwaiénha ienhonwahiaʼténhawe rahotihéntons ne shakotihenténse né꞉ne tsi nón꞉we nihatinákere ne kaná꞉takon tánon ronónha enhonhiónhnien ne tahonwahiaʼtó꞉rehte.

Hebrews 11:12

Nók kíʼ ne Abraham kwáh skanórons nahawenhéion, kíʼ sahiáta rónkwe thóh non nitsawéhnon tsi nihonatiokowáhnen wahawahtsiraiéntaʼne tsi ní꞉ioht né iotsistokwahrónnion ne karonhiakéshon, thóh nihonatiókwah tsi ní꞉ioht ne iáh tahónton naiónshete nonesarónkwah naʼtsatʼtéh꞉shon.

Hebrews 6:14

Wahénron, “Wakonhiaráhratsʼthe tsi enkonhiatatéristhe ó꞉ni wéso enkonwahtsirónnien.”

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”