Genesis 22:16 - Ohiatonhseratokénti

¹⁶ tánon rá꞉ton, “Iatetià꞉ti wakerihwahnirá꞉ton, rá꞉ton ne Roiá꞉ner, tiorí꞉wa tsi kíʼ tho náshiehre, tánon iáh tehtshié꞉nen né tshièn꞉ʼa, nénskaʼk khók sanekenhteronʼtsherá꞉ien,

Genesis 22:16 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

Genesis 22:15

Ne Roiá꞉ner raoronhiaʼkeró꞉non shé꞉kon karonhiá꞉ke naʼtontá꞉we ionsahoná꞉ton ne Abraham ne tekeníhaton ionsónteratste,

Genesis 22:2

Né Rawenni꞉io wahén꞉ron, “Iatshiaténhaf néʼtshièn꞉ʼa, énskaʼ khók sanekenhteronʼtsherá꞉ien ne ne Isaac, tsi niká꞉ien ne etshenorónhkhwa, tánon tsi tiohóntsaien ne Moriah niahá꞉sene. Thóh tsi tionontáhere nón꞉we iatʼshenonhwariá꞉kon tánon sátshaʼaht ne raoieròn꞉ta né enhséktatshe.”

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 26:5

Tiorí꞉wa nʼAbraham rakewennaráhkwen tánon tho nihoié꞉ren tsi nihihnhá꞉ʼon, nakahtshiawenráhtsheraʼs, tánon wahahsere tsi niwakerihwatá꞉ton, tánon tsi nihirihonnién꞉ni, natianerènhseraʼs.”

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Psalms 105:9

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Exodus 17:16

Wahénron, “Éneken iahástat ne Roiá꞉ner rahoʼniaʼthará꞉ʼa! Ne Roiá꞉ner ienhaʼkónhthaʼkwe tsi enhonterí꞉io ne Amalekró꞉nons tsi nènhwe!”

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Isaiah 45:23

Iahteʼtsiáti khók wakerihwanirá꞉ton, tsiksakáronte tioiakénʼen tsi nieʼiawénon ne karihwaʼkwahrihshióntshera né nowénhna né iáh thatahontónkete: “Ní꞉i kwáh tsi niaʼteiekwitsàke tsi thenhiontentʼtsóten, kwáh tsi niaʼtewenhnasàke tsi enkarihwaníraʼte.”

Jeremiah 22:5

Ók tó꞉ka iáh tashaʼtewénhnarahkwe naʼkerihwahtátʼtshera, kwáh sehriwahienteríhak tsi wahkathaʼteriwahniráhti nètho kénʼen rononhtí꞉io ronónhsohte tsi kwáh tenwahréhni tsi nenhkariwénhtahne. Í꞉i, ne Watiá꞉ner wakatáti.

Jeremiah 44:26

Ók kíʼ nónhwa sehwahthaʼhónshaʼtat tsi niʼwahkeriwahniʼráhton ne Í꞉i, ne Watiá꞉ner, tsi niwákʼson thóh nahoshastsʼtenseráhkon naksénhnakon ne sehwahkwékon ne Israerʼró꞉nons ne Egypt nónhwe nisewahnáhkere: Iáh shé꞉kon nonhwénhton tahonsehséwatsʼte naksénnha ne thènen ahisewahriwahníratsʼte nahisehwénhron, ‘Wakeriwahníraʼte tsi nòkwah ne ronnhehónwe Ronnonhtí꞉io Roiá꞉ner!’

Jeremiah 49:13

Í꞉i akonháʼa wakeriwahniráhton nètho kanatowáhnenh ne Bozrah kwáh eniotʼterontónhaʼke tsi nenhiothónhake tánon karáhkon enwáhton, nonhkweshón꞉a tenkonhwahierónhake tánon nahosénhna ne enhónsthaʼke tsi enhathiriwahiesáhsehke. Akwékon nákta kanahtaiéntons kwáh tsi nénhwe káiase enkénhake. Í꞉i, ne Watiá꞉ner wakatáti.”

Jeremiah 51:14

Ne Roiá꞉ner Roshastsʼtenserowáhnenh kwáh tsi rónhnhe rorihwahnirátston kwáh ronahtsiokowáhnenh enteshakohiaténhaʼwe niakonwahtsatónti ne Babylon kwáh enthonenhiotónhake tsi ní꞉ioht ne hiohonwáhrahreh tsistáraʼre, tánon kwáh enhonskwahrahrónhnion tsi ieshaʼsénhnion.

Ezekiel 16:8

“Tsi wakató꞉hetste, Wakatkátho tsi ónenh iatekaiéri tsi nitisáhion nahisáhniake. Tsi sanhéok thí꞉ken akatewehiárah wakonhiatáwiʼthe tánon wakonhiarahrátsten tsi enkonhnóronhkwe. Hén, wakónhni ne kaniákʼtsera ateriwahsehronhniáʼtshera ne sonháke, tánon Í꞉i akonhkwéta wahshá꞉ton.” Ne kíʼ tsi nahó꞉ten ne Ronhnontí꞉io Roiá꞉ner ráton.

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 1:73

Eh niiot tsi roriȣanirati otsiteȣanikenha Abraham.