Genesis 22:14 - Ohiatonhseratokénti

¹⁴ Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

Genesis 22:14 ပူးပေါင်းရင်းမြစ်များ

Genesis 22:13

NʼAbraham wahatahrakétsko tánon wahó꞉ken tehonaʼkarontón꞉ʼa rá꞉tsiʼn tsi tehonà꞉karonte non thoiaʼtotahrhé꞉ʼon nokwirò꞉kon. Thóh niahá꞉re tánon tahoiaʼténhawe tánon neʼeh wahotiaʼtátshaʼahte tsi wahó꞉tatshe ne Rawenni꞉io tsi ní꞉ioht ne roièn꞉ʼa.

Genesis 22:15

Ne Roiá꞉ner raoronhiaʼkeró꞉non shé꞉kon karonhiá꞉ke naʼtontá꞉we ionsahoná꞉ton ne Abraham ne tekeníhaton ionsónteratste,

Genesis 22:8

NʼAbraham waʼtharihwaʼserá꞉ko, “Ráonha ne Rawenni꞉io entháhtkaʼwe ne tehonaʼkarontón꞉ʼa owí꞉ra.” Ók tehnitsá꞉ron skátne tsi tonsahiatháharen.

Genesis 28:19

Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

Genesis 32:30

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

1 Kings 17:8

Ethòne ne Roiá꞉ner sahawénhase ne Elijah,

Exodus 17:15

Ne Mahís warónhni ientsienharáhkwa tánon ne wahanáhtonkwe “Roiá꞉ner sehʼnakeniataʼroharátsera.”

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

Deuteronomy 32:36

Ne Roiá꞉ner kwáh ki tensakohiatorete ne rahonkweʼtashón꞉as, kwáh ki enshakoténhre tsi nihiá꞉kon ne ronhwahiò꞉tenhse, nó꞉nen enhatkátho ne rahotishatsténhsera tsi iehiotsaháton, nó꞉nen enhatkátho tsi iáh othé꞉nen tehatístha.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Judges 6:24

Ne Gideon kwáh éhtho nónhwe nahahónhnien ne Roiá꞉ner ietsienharákwah tánon né wahanátonhkwe “Ne Roiá꞉ner Skénnon íken.” (Shé꞉kon kíʼ thóh nónhwe ne Ophrah tkáien, né kíʼ rahonawenkʼhónwe ne Abiezer kentára.)

1 Samuel 29:10

Ó꞉nenh káti satʼkétsko iostó꞉rek noronkéne, í꞉se tánon ne raonhatserasónhas ne Saul tsi raón꞉ha skát꞉ne tisewé꞉non, tánon tashatásawen oronkéstsi, tánon éhren sáset kwáh tsi niiostó꞉re teniostʼwáthene.”

1 Samuel 7:12

Eʼthóhʼne ne Samuel iahanenhiénhawe thóh wahanenhióten tsi naʼtetiátere ne Mizpah tánon ne Jeshanah, tánon ne wahanátonkwe Ebenezer, asèken wahén꞉ron, “Tiaʼkarihwaʼkén꞉niaʼte tsi ní꞉iore nón꞉wa Roiá꞉ner shéh washonwaʼié꞉nawase.”