Genesis 21:9 - Ohiatonhseratokénti

⁹ Sarah wahó꞉ken ne raksá꞉a Ishmael ne ne Hagar roièn꞉ʼa í꞉ken ne ne Egyptró꞉non naʼkaiaʼtó꞉ten, ne ne áonha rotiwiraientá꞉ʼon ne Abraham, skátne ronatswá꞉ton ne áonha roièn꞉ʼa NʼIsaac.

Genesis 21:9 ပူးပေါင်းရင်းမြစ်များ

Genesis 16:1

Nón꞉wa ne Sarai, né꞉ne Abram ró꞉ne, iáh teiowiraién꞉tahkwe. Iohnhaʼtsheraién꞉tahkwe Egyptró꞉non naʼkanekwenhsó꞉ten Hagar konwá꞉iatskwe,

Genesis 16:15

Ne Hagar wahonákeratste ne Abram raonekenhterón꞉tshera; tánon ne Abram Ishmael wahoná꞉tonhkwe ne raonekenhterón꞉tshera, tsi niká꞉ien ne Hagar wahawennákeratste.

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 21:8

Ne raksá꞉ʼa tahatehiá꞉ron, tánon wahonwastarontá꞉ko; tánon ne Abraham kowá꞉nen tsi ní꞉ioht tsi wahakhwá꞉ren shahonwastarontá꞉ko ne Isaac.

2 Chronicles 30:10

Né ratirihwakariéniens kwáh tsi niaʼtekanátakes nonhtahónh꞉nete ne tsi kanakerasehráien ne tsi ratitiókwahien ne Ephraim tánon ne Manasseh, tánon thóh nió꞉re nothoré꞉kes ne tsi ratiʼtiókwahiens ne Zebulun, ók nonhkweshón꞉as wahonwatiʼstériste tánon tahonwatiʼiéron.

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Job Tánon ne Raoronhiakensera 30:1

“Ók kíʼ nón꞉wa kwáh ionkatswatákwen, ne ne tsi nihá꞉ti ne sénha nitotiiónhas tsi ní꞉i ní꞉iohtʼ; ne ronwatiníha khehiatonhnihénhse ne ne iáh skátne thakhè꞉teron nakitsenhnenhó꞉kons érhar.

Psalms 22:6

Nók I꞉i notsinonwahnéta í꞉ken, tánon iáh ónkwe thèken; iontkenrenhserónhnis notsakésons, tánon wahonkʼkénron nonkweshón꞉a.

Psalms 42:10

Iekaníhare nastsienshón꞉has waʼkakararénhsehrons, né iónkswenhs tehionkaterienhtakariá꞉tha, iehothikonhtákwen ionkerihwaʼnonhtonniónhnis, “Kanón꞉we ní꞉res ne sahʼNí꞉io?”

Proverbs 20:11

Ók ó꞉ni ratiksaʼokón꞉ʼa wé꞉ne tsi nikaksaʼtò꞉ten tsi nihontiéhrha; enhsáttoke tókaʼ rotirihwakwaríhshion tánon ratiksaʼtí꞉io.

Proverbs 22:10

É꞉ren sheiaʼtenhá꞉wiht nónhka iontatkweniénhstha, thó꞉ne enwató꞉kten ne taionterihwakén꞉ni, taieriʼwakéhnha, tókaʼ ó꞉ni niaʼté꞉kon taiontaténhahse.

Lamentations 1:7

Kwáh nék khók ne ietsahonthónnia, Jerusalem sewatatehiarakwénnis tsi niʼionatanerakwathón꞉ne tsi nitsawénon. Sakonwasénni ne konwásons, iáh ónka tehiotetʼtsénrion nakonwasniénonke; Né konwasénnion wahkonwastériste tsi nihiótion.

Galatians 4:22

Wáton ne Abraham tékeni tehonekenterontseraiéntakwe, saiátat ne ronisténha nehne kanaskwakén꞉en, nóia ronisténha iáh nenné꞉e teienáskwa tekènne.

Galatians 4:29

Tánon tsi nítion nehne ionkwanakerátston ne onikonratokénti neh ionkwaronhiakéntha tsi niháti neh ionkhíre naitewatiénawaste ne kaianerénsera, kwáh tsi ní꞉ioht ne Isaac, rahónha ne raksá꞉a ne warahrátston, nehne Ishmael rokenrenserónniskwe, neh ronísten nehne kanáskwakwe.

Hebrews 11:36

Ótiakes tahonwahtiʼiéron ó꞉ni ókwire wahonwahthinonwáhreke, tánon ótiakes ó꞉ni waʼthonwatironkwahsánahke tánon tsi tiontatenothónkwah niahonwahthihiaténhawe.