Genesis 21:8 - Ohiatonhseratokénti

⁸ Ne raksá꞉ʼa tahatehiá꞉ron, tánon wahonwastarontá꞉ko; tánon ne Abraham kowá꞉nen tsi ní꞉ioht tsi wahakhwá꞉ren shahonwastarontá꞉ko ne Isaac.

Genesis 21:8 ပူးပေါင်းရင်းမြစ်များ

Genesis 19:3

Ó꞉nen kwáh í꞉ken tsi wahshakoteʼnekarónhkwen; kharé kʼiʼ ó꞉nen sahontenró꞉shen tsi thonónhsote nionsahón꞉ne. Ne Lot wahshakóhnhaʼne ne raohnhaʼtseraʼshón꞉a ne kwáh tkakhwí꞉io ahatikhón꞉ni ne ronwataweiaʼtén꞉ni tahontská꞉hon, tánon nó꞉nen sikaweienentá꞉ʼon waʼthontská꞉hon.

Genesis 21:7

Tánon waʼkén꞉ron, “Ónhka ónhte ahonwèn꞉ni ne Abraham neʼthó Sarah eniakostarón꞉ten ne ratiksaʼokón꞉ʼa? Tánon kíʼ wahokínekenhteronʼtsheraién꞉taʼne ó꞉nen rokstén꞉ha ne ráonha.”

Genesis 21:9

Sarah wahó꞉ken ne raksá꞉a Ishmael ne ne Hagar roièn꞉ʼa í꞉ken ne ne Egyptró꞉non naʼkaiaʼtó꞉ten, ne ne áonha rotiwiraientá꞉ʼon ne Abraham, skátne ronatswá꞉ton ne áonha roièn꞉ʼa NʼIsaac.

Genesis 26:30

Sók kíʼ wahshakokhwahéhrhahse, tánon waʼthontská꞉hon ó꞉ni wahatihnekí꞉ra.

Genesis 29:22

Sók kiʼ ne Laban wahatenʼnió꞉ten tánon onkweʼtakwé꞉kon wahshakohón꞉karon.

Genesis 40:20

Nasénhaton siwenhniserakéhaton, thóh sikahá꞉wi tsi niehsháhehskwe ne Pharaoh, wahshakokhwahéhrhahse ratikwé꞉kon ne raonkweʼtaʼshón꞉ʼahs, sahohnhotón꞉ko nohén꞉ton ié꞉rate ne ráhahs ne teiontnekontáhkhwa tánon nohén꞉ton ié꞉rate ranaʼtarón꞉ni ne skatne rón꞉neʼskwe ne raohnhaʼtsheraʼó꞉konʼs.

2 Samuel 3:20

Nó꞉nen ne Abner shiaʼhárawe ronhnaterohséntahtse ne tewáhsen niháti ronhnón꞉kwe raonháke ne Táwit thóh nón꞉we Hebron, Ne Táwit waohtenhnʼiót꞉thase ne Abner tánon ne ronnón꞉kwe ne ratikweʼkonhátsiene.

1 Kings 3:15

Ne Solomon sahá꞉ie tánon wahát꞉thoke ne Rawenni꞉io tsi atetʼtsenhsehrákon tsi wahotháraʼse. Ethòne kíʼ Jerusalem niaháre tánon ohénton waʼthátaʼne ne tsi kanerókwahien ne Roiá꞉ner rahoterihwasehronhniátsera í꞉wa tánon né wahaterihwathénhtsaʼte katʼtshénen wahoteskónhten tánon ne skaríhwa íken wahótatsʼtse ne Roiá꞉ner. Ethòne ónen ratikwékon ne rahonkwetashón꞉ʼas ne ratirihwakweʼní꞉ios washaʼkhokwahéraʼse.

Esther 1:3

Ahsénhaton niiohserà꞉ke shihonontí꞉io waʼhakhwá꞉ren, akwé꞉kon wahshakohón꞉karon ne ronateríhonte. Ók ó꞉ni ne ronterí꞉ios ne Persia tánon Media eʼthó rón꞉neʼskwe, ók ó꞉ni ne ratikoráhshon tánon ne é꞉neken thonátteʼs tsi kakorahseraké꞉ron.

Psalms 131:2

Khèkok, wakerienhtí꞉ios tánon skénnonk thí꞉ken, tsi ní꞉ioht ne ieksáha nontaʼtenisténha iontatstaronhtákwen; nakatónnets thóh ní꞉ioht nakonháke kwáh né꞉ne iontatstaronhtákwen ieksáha.

Hosea 1:8

Nó꞉nen ne Gomer sahostarontáko nahkoiénʼa, sók á꞉re saiowirahiéntahʼne rakshá꞉a nón꞉wa ne sahiowiraiéntahʼne.

Judges 14:10

Né roʼníha tsi tsononhsóh꞉the ne iónhkwe niaháre, tánon thóh nónhwe ne Samson nahathenhnióthen. Thóh kí꞉ken nihothiʼianerenhseró꞉thenhne ne kenʼnithotihiónsas.

Judges 14:12

Né Samson washakawénhase, “Thóh tekwahrihwakenthónkwen tsi nahó꞉ten enkwahró꞉ri. Tó꞉ka iensewáheʼwe tsi natʼkerihwakenhthónkwen tsi nikaríhwes kí꞉ken tsáta nónhta tsi niwatenikonhró꞉ri, Kwáh enkwahwíhon ásen-niwáhsen niwatsatawitserákes ne oniataráha wakosésons tánon ásen-niwáhsen ne kwáh waʼtsatawitserí꞉ios wakosésons. “Takwahró꞉ri tsi natenhserihwakenthónkwe,” wahonhníron. “Áhion hionhkwatʼthónthen.”

1 Samuel 1:22

Ók ne Hannah iáh ne tseiawénon, asèken waoró꞉ri ne ró꞉ne, “Kwáh tsi niʼiostóre ne raksá꞉a enhátsʼtarontáko, enthiʼiaténhawe, ne raónha ahón꞉ton nahaténesʼte raohén꞉ton ne Roiá꞉ner, tánon thóh aréh꞉seke tsi nénhwe akénhake; kwáh enhiwenhní꞉ioste tsi ní꞉iot ne nazirite ne ne tsókonte enkénhake.”

1 Samuel 1:24

Nó꞉nen sahostarontáko, aón꞉ha iahoiaténhaʼwe, skát꞉ke ne áhsen naʼtehaosheriʼiákon tsonónskwaron rátsinn, tánon skaʼiára othésera, tánon otsítsa skatshéta. Thóh niaʼohiaténhaʼwe raoʼnonsatokentíke ne Roiá꞉ner ne ne Shiloh nón꞉we; tánon ne raksá꞉a kénk shiʼthóion.

1 Samuel 25:36

Ne Abigail iahón꞉we tsi thohʼnón꞉shote ne Nabal; thóh kakennió꞉tahkwe ne tsi ronhnón꞉shote, tsi shí꞉ken ní꞉ioht ne ronnontí꞉io rotenhniote. Ne Nabal tsi nahawerientí꞉io, asèken kwáh í꞉ken tsi ronekátahkwe; káti kwáh iáh othènon tehoró꞉ri tsit iahó꞉renhne.