Genesis 21:7 - Ohiatonhseratokénti

⁷ Tánon waʼkén꞉ron, “Ónhka ónhte ahonwèn꞉ni ne Abraham neʼthó Sarah eniakostarón꞉ten ne ratiksaʼokón꞉ʼa? Tánon kíʼ wahokínekenhteronʼtsheraién꞉taʼne ó꞉nen rokstén꞉ha ne ráonha.”

Genesis 21:7 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Genesis 18:13

Ne Roiá꞉ner wahawénhahse ne Abraham, “Oh niiotié꞉ren ne Sarah tsi waʼkasté꞉riste ó꞉ni waʼkénron, ‘Kwáh ónhte kenh aonkewiraién꞉taʼne, tsi ó꞉nen akekstén꞉ha í꞉ken?’

Genesis 21:8

Ne raksá꞉ʼa tahatehiá꞉ron, tánon wahonwastarontá꞉ko; tánon ne Abraham kowá꞉nen tsi ní꞉ioht tsi wahakhwá꞉ren shahonwastarontá꞉ko ne Isaac.

1 Kings 11:20

Roskenhrakéte wahotiwirahiénhtaʼne, Genubath wahonwaná꞉thonkwe, né꞉ne Ionontí꞉io rahwehiáron thóh kaontiʼiotserákon, thóh nónhwe skát꞉ke rathiterónhtaʼkwe ne ronhnonhtí꞉io roiénha.

1 Kings 3:21

Tsi wahó꞉renhne, shá꞉tie ne tahís꞉niene nakewíra, wakatʼkátho tsi rawenhéion. Sénha kíʼ ákta tsi wahíikenhénhion tánon wakatʼkátho tsi iáh í꞉i tehiʼiénha.”

Psalms 86:10

Asèken í꞉se ne sashaststenhserowánen tánon né sahióthens ne iorihwanerakwahténions; shonháhak khók ne Sewenní꞉io í꞉ken.

Psalms 86:8

Kwáh iáh ónka tsi niháti ne niʼiohokónhas thóh nahatiʼiathothénhake tsi ní꞉se ní꞉ioht, Ó Saiá꞉ner, iáh ó꞉ni thènen thahónton ne tahonsaʼkaierónhtarake ne sahiothénsehras.

Isaiah 49:21

Eʼthó꞉ne ensí꞉ron ne seriá꞉ne, “Ónhka rakenakeratsʼténhni kí꞉ken ratiksaʼokónhas? Wakatʼtiónhnionkwe tánon iah thaʼhónton nahonsonkewiʼraiéntaʼne, wahonkanakerákwahte tánon wahonkatékwahte— ká꞉ti ónhka ronwenhnehiáron kí ratiksaokónhas? Iaʼtesewatsiatístonkwe— kaʼkáti nón꞉we nithonénon kí꞉ken ratiksaʼokónhas?”

Isaiah 66:8

Ónhka kén iakorihwarónhken né thóh ní꞉ioht? Ónka iakotʼkáton né thóh ní꞉ioht? Ahónton kén nonwénhtsa ahonná꞉kerate né sewenhniserákok akénhake? Ahónton kén né iakahontsaʼkeró꞉nons ahonsahiontateniákente né kénk nakariwésonhke? Eʼthohʼsàne né kwáh tsi niʼiosnó꞉re né Zion wakaroniáken wahakonákeratsʼte nakoiohʼokónha.

Jeremiah 20:15

Sehréwat tsi nikáien ne rakeníha wahonwatʼtsennonhniáten tsi tahónhion noríhwaseh, “Raksáhʼa! Weshaʼnekenterontierahiéntaʼne!”

Numbers 23:23

Iáh othènen ne iótkon akénhake, iáh thahóten tekáien natenhennaráhtshera akénhake, Né꞉ne ahónsthonke tsi ratiʼtiókwahien Isarerʼró꞉nons Nónhwa tsi nenhiaiéron nonhkweshón꞉ʼas tsi nòkwah Israerʼró꞉nons, ‘Sewatʼkátho tsi nihoiéren ne Rawenni꞉io!’

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

2 Thessalonians 1:10

Nónen téntre ne thóh tewenniserónte nahontahónʼion ne kaiatanerakwáktshera ne rahonkwetaʼsónha ó꞉ni tenhonwahrénsaron kwáh tsi nihiákon ne tiakawetákwen. Íseh ó꞉ni thóh ensewahiataráh꞉ke, tiorì꞉wah tsi tishewetákwen tsi nikwahró꞉ri.