Genesis 21:6 - Ohiatonhseratokénti

⁶ Tánon waʼkén꞉ron ne Sarah, “Rawenni꞉io tahakhawíten ne atshennonniáhtsera ó꞉ni kasteristáhtshera. Ne tsik ónhka aierihwá꞉ronke kí꞉ken kwáh kíʼ skátne tsi eniakwasté꞉riste.”

Genesis 21:6 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Psalms 113:9

Sakononsonhniénhnis ne iáh tewáʼtons ahiotiwirahiéntaʼne, né káti nahónton nakonhtonhnáren tsi kanisthénsera enkónton tsi nòkwah ne ratiksaʼokónhas. Tehonwaʼnonweráton ne Roiá꞉ner!

Psalms 126:2

Tsi nihionkwahiéson, tánon ne iakwenhnasáke ne watsiohénreʼte naʼtsienhnonhniátshera; eʼthóhʼne wahonhnirón꞉nion tsi ienakeré꞉nion nonhkweshón꞉has, “Né Roiá꞉ner iorihowánens tsi nisakotséraʼse.”

Isaiah 49:15

Ahkakwé꞉ni kén ne iónkwe ahiakohiaʼtanikónren ne iakostarónt꞉tha ieksá꞉a, khés ne iáh tawénesʼte nahontahiotenonwát꞉then nahiakoténhre ne ieksá꞉a né kwáh ahónha tsi watewiraʼrá꞉kwah nitsakawénon? Iekaníhare kí꞉ken ahónton nahiotinikónren, kwáh kí ní꞉i iáh takonhiatanikónren.

Isaiah 49:21

Eʼthó꞉ne ensí꞉ron ne seriá꞉ne, “Ónhka rakenakeratsʼténhni kí꞉ken ratiksaʼokónhas? Wakatʼtiónhnionkwe tánon iah thaʼhónton nahonsonkewiʼraiéntaʼne, wahonkanakerákwahte tánon wahonkatékwahte— ká꞉ti ónhka ronwenhnehiáron kí ratiksaokónhas? Iaʼtesewatsiatístonkwe— kaʼkáti nón꞉we nithonénon kí꞉ken ratiksaʼokónhas?”

Isaiah 54:1

Tesewaríhwak, Ó tsi nítsion ne iáh tesewahwiraʼientáhon; tiaʼtesewahénret tsi tesewaríwak, í꞉se ne iáh tesewaronhiakénhon nahiʼsewawiraʼiéntane! Asèken nakohiohʼokónhas ne konwatewenhtéton iónkwe kwáh enhionatiokówanenhke tsi ní꞉ioht nakohiohʼokónhas ne ioniá꞉kon, rá꞉ton ne Roiá꞉ner.

Jeremiah 20:15

Sehréwat tsi nikáien ne rakeníha wahonwatʼtsennonhniáten tsi tahónhion noríhwaseh, “Raksáhʼa! Weshaʼnekenterontierahiéntaʼne!”

Luke 1:14

Nok koȣanen ensatonnharakȣe, oni kentiokoȣanen enhiontonnharonnion tsi henrennakerate.

Luke 1:58

Akȣekon ok ne tehonnonsanekhaon oni ne rontatenonkȣe konȣatonnharanihakȣe tsini hentenron ne Raȣenniio.

Romans 12:15

Skátʼne sewathónʼnhare ne ronathonʼnháhere, skát꞉ne tesewaséntho ne tehonsénsthos.

Hebrews 11:11

Tewehtákwen seh wahkakwéni ne Abraham tsi kanísera waháton, iawehrohátien tsi ónen sóhtsi shihoksténha tánon ne Sarah akahónha ó꞉ni iáh tahónton nahiakowirahiéntaʼne. Thonwetákwenhne ne Rawenni꞉io tsi rotienawáston tsi nahóten rorahrátston.

1 Samuel 1:26

Tánon wakén꞉ron ne Hannah, “Ó, Atiá꞉ner, tsi nishón꞉nhe, Atiá꞉ner, Í꞉i ne kón꞉kwe ne kén꞉en ít꞉tawe sahén꞉ton, wakaterenhnaién꞉taʼkwe rahonháke ne Roiá꞉ner.