Genesis 21:34 - Ohiatonhseratokénti

³⁴ NʼAbraham nikarihwésha thóh nón꞉we iehenʼterón꞉tahkwe tsi tewatonhwenhtsá꞉ien ne Philistine tsi thihaontsá꞉te kén꞉ne.

Genesis 21:34 ပူးပေါင်းရင်းမြစ်များ

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 22:19

Katí nʼAbraham thóh nionsá꞉re tsi ítneʼs ne raohnhá꞉tsheraʼs, tánon sahontenró꞉shen Beersheba nionsahón꞉ne, tsi nónwe ne Abraham iahatenà꞉taien.

1 Chronicles 29:15

Sateriéntare, Ó Saiá꞉ner, tsi iatsiónnhe thóh ní꞉ioht tsi iotohestonhátse tsi shí꞉ken ní꞉ioht né ionhkerekwáhton tánon thiʼiákwahte í꞉ken, tsi kíʼ né nihotiʼiéren ne iakhisotʼthonhkonkénʼen. Né tsi hionkwahtenhniseraténion thóh ní꞉ioht tsi iotohestonhátse tsi shí꞉ken ní꞉ioht nahiothasátarahke, tánon iáh thahónton naiakwahniákenhse ne kenhéion.

Psalms 39:12

“Satthóntek nakwahterénhnaient, Ó Saiá꞉ner, tánon satahón꞉satat tsi natekaséntʼthos; tó꞉sa ne iáh othènon karíhwa thashónhniane natkashíʼri Asèken kwáh nék khók tsi waʼkatohestonhátsie tsi waʼkenataré꞉nen, thiwaʼkonhontsiáte, tsi ní꞉ioht ne khesotʼthonkonhkénʼen.

Hebrews 11:13

Kwáh seh tewehtákwenh nónwe nihotenhénion kíʼ nonkweshón꞉as. Iáh tehotiʼienáhon tsi nahoténshons rohrahrátston ne Rawenni꞉io, nónk ahí꞉non nío꞉re tsi wahʼhonwahtíken tánon iahonwahtí꞉konke, tánon kwáh tiahontʼrohrikó꞉wah tsi thiʼononhontsiáte ó꞉ni rothinatenháwis ne tsi ionwentsiáte.

Hebrews 11:9

Né tewehtákwenh tsi ní꞉ioht ne tihahontsiáte tsi thóh rahnákerekwe né non nikanakerahseráien ne tsi thóh nónwe nihorahratsʼténni ne Rawenni꞉io. Ahtoserahkónshon non nihenteróntaʼkwe, né nònne sáka ne Isaac ó꞉ni ne Jacob, kwáh ne sáka tsi nisakorahratsʼténni ne Rawenni꞉io.

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.