Genesis 21:1 - Ohiatonhseratokénti

¹ Né Roiá꞉ner sahrehiá꞉raʼne ne Sarah tsi kíʼ nihá꞉wen, tánon ne Roiá꞉ner tho kíʼ nahá꞉iere tsi kíʼ nihoʼrharátston.

Genesis 21:1 ပူးပေါင်းရင်းမြစ်များ

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:19

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Genesis 17:21

Ók enkerihwaní꞉rate nakaterihwahseronniáhtshera skát꞉ne ne Isaac, tsi niká꞉ien né Sarah eniowiraién꞉taʼne ne sarihwá꞉ke né꞉ne tsi nón꞉wa niwathá꞉wi né ientsóhserate.”

Genesis 18:10

Né Roiá꞉ner wahén꞉ron, “Kwáh orihwiioʼón꞉we kokwitè꞉ne téntke, tánon ne tesení꞉teron Sarah eniakonekenhteronʼtsheraién꞉take.” Tánon né Sarah tiotahónhsatehkwe ne tsi ieionhtawehiaʼtáhkhwa naʼtóhsera né꞉ne ráonha rahshòn꞉ne í꞉ken.

Genesis 18:14

Thénen ónhte kenh sóh꞉tsi wentó꞉re ne Roiá꞉ner raorihwá꞉ke? Tsi niekaná꞉ton Kwáh téntke tentkoniatkenʼsé꞉ra, né꞉ne kokwité꞉ne nenkahá꞉wike, tánon ne Sarah roskenʼrakéhte eniakonekenhteronʼtsheraién꞉take.”

Genesis 24:36

Tánon ne Sarah, ne ne rakéhnhaʼs ró꞉ne, waʼhonákeratste raksá꞉a ne ne rakéhnhaʼs roièn꞉ʼa í꞉ken ó꞉nen siiakokstén꞉ha, tánon akwé꞉kon ne ró꞉wi tsi nahó꞉ten roientahtsherá꞉ien.

Genesis 50:24

Eʼthó꞉ne ne Só꞉se wahshakawènhahse ne rontateʼkoʼokón꞉ʼa, “Ó꞉nen thó꞉ha akíheie; ók kwáh orihwiioʼón꞉we, ne Rawenni꞉io tsi enhtshisewehiá꞉raʼne, tánon entehtshisewaiaʼtínekenhwe ne kenh nón꞉we niionhontsá꞉ien, ók thóh nón꞉we nientshisewaiaʼténhawe tsi tionhontsá꞉ien ne kwáh iorihwahní꞉ron rohrharatstén꞉ni ne Abraham, tánon ne Isaac tánon ne Jacob.”

2 Kings 4:17

Ók, kíʼ tsi niháwen ne Elisha, kwáh tó꞉ka thóh sí꞉kahawi nó꞉ia sahioseráthe raksáha wahonákeratsthe.

Psalms 106:4

Takehiá꞉rak, Ó Saiá꞉ner nó꞉nenh ensehiénawaʼse ne shonkwetaʼshón꞉has; thowaʼtiatawénhtet nó꞉nenh ensehsehiatáko;

Psalms 12:6

Ne raowenhnashónhas ne Roiá꞉ner né꞉ne kwáh orihwiʼiohónwe í꞉ken, tsi ní꞉ioht ne kawistaráken aóskon iónhni né karistákon, watkénhse tsáta niʼiorihwáken.

Exodus 20:5

Tó꞉sa tesewaʼtiáket ahohénton ne kahiatónhni ó꞉ni ieʼtsishén꞉naien, tsioríwa tsi Í꞉i ne Watiá꞉ner Sewaní꞉io wakatekéffen, kherewá꞉tha tsi niháti ne hiónkswens ó꞉ni tsi nienʼhontwaʼtsiríne tsi nióre ne asénhaton ó꞉ni kaieriʼháton niaʼtewateresehráhseʼre.

Exodus 3:16

Wáhs sehiaʼtaró꞉rok ne ohénton iehonʼnèton ne lsraeró꞉nonke tánon sehró꞉ri tsi Í꞉i, ne Watiá꞉ner, ne RaotiʼNí꞉io ne sakotiʼsotthonkonhkènʼen, ne RaotiʼNí꞉io ne Abraham, lsaac, tánon ne Jacob, wahiaʼthoʼtáshien. Sehró꞉ri tsi táh꞉ke tánon wakatʼkáton tsi niʼhonwatiʼiérahse ne Egyptró꞉nons.

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Luke 1:68

Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,

Luke 19:44

Nok enhiesanatarisi, ensakohnaȣentho seienhokonha niseke ienakere; Nok iah oni tahonenre nenskat oni takanenhiaserake, ne tsi iah tesenniseraientereon tsi iataȣeiatennine ne Niio.

Galatians 4:23

Ne Abraham tánon ne kanaskwaken꞉en tsiotʼtonwisen ne rothiwiraientáʼon thóh ní꞉ioht tsi rawennakeráton tsi kiʼní꞉ioht tsi ionnákerats nowirá꞉a, tsi niʼiawén꞉en ne Abraham tsi rothiwiraientáʼon ne róne, neh iáh nen꞉nehe teienaskwakén꞉en, neh aoríwa waʼhothiwiraiéntane neh tsi Rawenni꞉io rorahratsténni ne Abraham iatatróna.

Galatians 4:28

Nónwa, í꞉se, nonkwatenrosónhas, Ní꞉io rahoksáta íken neh iorihónni tsi nihorahrátston, kwáh tsi niʼiawén꞉en ne Isaac.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Ruth 1:6

Ohnaʼkénhkha káti Naomi waʼerihwá꞉ronke ne Roiá꞉ner tsi wahshakoiaʼtaté꞉riste ne raonkweʼtaʼshón꞉ʼa é꞉so tahshakotenniéhten ne kaienthóhsera; waʼontateweiennén꞉taʼne káti waʼakennakerá꞉ko ne Moab wakón꞉ne ne konwatisá꞉wha.

1 Samuel 1:19

Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.

1 Samuel 2:21

Tánon ne Roiá꞉ner wahaiatatérisʼte ne Hannah; onthá꞉wa nahiowiraʼiéntaʼne tánon wahakonákeratsʼte áhsen nihá꞉ti roʼtiskenrakéte tánon tekeniiá꞉se tionathonwísen. Tánon ne raksá꞉ʼa Samuel wahatehiáron raoʼhénton ne Roiá꞉ner.