Genesis 20:7 - Ohiatonhseratokénti

⁷ Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Genesis 20:7 ပူးပေါင်းရင်းမြစ်များ

Genesis 12:15

Tánon nó꞉nenh ne ronwaterihwatsteristhá꞉se ne Pharaoh waʼkonwá꞉ken, waʼtkonwarenhsarónnion raonhá꞉ke ne Pharaoh, tánon ne ión꞉kwe Pharaoh raonónhskon niaʼkonwaiaʼténhawe.

Genesis 12:17

Ók né Roiá꞉ner Wahohnráhrho ne Pharaoh tánon tsi nihá꞉ti ne raonónhskon ratí꞉teron, ne ne teiotenonhianíhton kaʼnhratarinéhtshera ne ne Sarai waʼkarihón꞉ni, ne ne Abram ró꞉ne í꞉ken.

Genesis 2:17

Ne khók thí꞉ken kéhrite ne tiakó꞉wis nattokháhtshera tánon ne ioiánere tánon ne karihwáksen. Tóhsa sahiaʼnihiontá꞉ko neʼthó kéhrite nahsá꞉iake; tókaʼ tho nénhshiere, kwáh ne sahenhní꞉sera ensí꞉heie.”

Genesis 20:18

Asèkénh ne Roiá꞉ner kwáh iahaiákstsi akwé꞉kon wahshakohnhó꞉tonʼse ne tsi kontiwiraráhkhwah ne konnón꞉kwe ne tsi ronónhsote ne Abimelech ne ne Sarah iorihonní꞉ʼon, né꞉ne Abraham ró꞉ne.

Genesis 20:3

Ók kíʼ ne Rawenni꞉io atetshenhserá꞉kon tsi wahoiaʼtó꞉renʼne ne Abimelech tsi niwahsón꞉tes, tánon wahawènhahse, “Tsiheiónhsere, tiorí꞉wa neʼthó ión꞉kwe iehshiaʼténha; ó꞉nenh nenʼnéʼeh ioniá꞉kon.”

Genesis 20:8

Ká꞉ti Ne Abimelech nó꞉ia saióhrhenʼne ohrhonʼkéhstsi wahatkétsko, tánon ratikwé꞉kon iahshakohnónkhon ne raohnhaʼtsheraʼó꞉kon tánon orihwakwé꞉kon wahshakohró꞉ri; tánon né ronnón꞉kwe kwáh í꞉ken tsi wahotíhteronʼne.

Genesis 23:6

“Takwatahónhsatat, sènhshion. Tho níʼioht tsi tekwaká꞉nere tsi ní꞉ioht ne kwáh saʼshatstenhserowá꞉nen shehentén꞉se; sheiaʼtáta ne tesení꞉teron né iakawenhé꞉ion ne kwáh tiotkwénienʼs tsi nón꞉we niiakhiiaʼtataʼáhstha. Kwáh tsik ónhka tsi niiátion enkwatewentéhtaʼse nohtshatónhkwa, ne naón꞉ton ahsheiaʼtáta ne tesení꞉teron ne iakawenhé꞉ion.”

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

1 Kings 13:6

Ronhnonhtí꞉io Jeroboam wahawénhase ne rotó꞉kense, “Asatʼthontátʼtseke takwahterenhnaiénhas rahonháke ne Roiá꞉ner Saní꞉io, tánon tserihwanónhtons nahonsaháakétsienʼte ne kenenhtsáke!” Né rotó꞉kense rahonháke ne Roiá꞉ner iahaterénhnaien, tánon kíʼ ne ronhnonhtí꞉io ranenhtsáke sahaiewénhtaʼne.

2 Kings 5:11

Ók kíʼ ne Naaman tsi nathaʼterhiathíkon, rathónhnionskwe, “Waʼké꞉ron aronáha kíʼ ahonhthahohiakénʼen tsi thóh í꞉keskwe, wakerá꞉rekwe nahonenstsakétskwen tánon ahoterenhnaiénthake rahosénhnakon ne Roiá꞉ner ne Raoní꞉io, thóh tahonisnonshárake tsi nón꞉we niwakenonhwák꞉taʼni.

1 Chronicles 16:22

waʼton, “Tó꞉sa iasehiéna ne kehiatará꞉kwen; tó꞉sa sehkaréwat nakonkwetaʼshón꞉has ne rotitó꞉kenʼse.”

2 Chronicles 30:18

Shé꞉kon ó꞉ni, iaʼkotiokowáhnen thóh nón꞉we nitiakawéhnon tsi ratitáraiens ne Ephraim, Manasseh, Issachar, tánon ne Zebulun iáh arèko thóh teshotiʼiéren norihwahkáion tionhtonhnakanonhnithákwah, ók kí Ronnontí꞉io Hezekiah waʼshakoterenhnaiénhas, thóh nék kí ó꞉nen ónhton nahónhneke ne é꞉neken iotohetstákwen kákhwa, iawerohátien tsi iáh éhthohʼtèhiot tsi tewatróhris ne Rawenni꞉io raoianerénhseras. Asèken wahénron ne Hezekiah, “Aiáwens ne Roiá꞉ner, né thorihwaʼiéri, sheʼsakonikónhrens orihwakwékons kí꞉ken.

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Exodus 18:17

Ethòne ne Jethro wahénron, “Iáh theteshiérits kí꞉ken.

Exodus 4:16

Kwáh rahónʼa enhiatáʼtsiaʼse tánon ensahkoʼthárahse nonhkweshón꞉ʼa ne sariwàhke. Ethóne ní꞉se kwáh né꞉ne Rawenni꞉io enkénhake, tsroʼrihátie tsi nahoténsons ahénron.

Exodus 7:1

Ne Roiá꞉ner wahénron, “Thóh nenh konhiaʼtótensʼthe tsi shíʼken ní꞉ioht ne Rawenni꞉io á꞉kenhake rahonhàke ne Ronhnonhtí꞉io, tánon ne iatsíha Aaron rahónʼa tennhitháren tsi ní꞉ioht ne sonhkwéta rotó꞉kenʼse aʼkénhake.

Jeremiah 14:11

Ne Roiá꞉ner wahakénhase, “Tó꞉sa tahkeriwahnónhtons natkhesniénonh kí꞉ken onhkweshón꞉a.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 27:18

Tó꞉ka shí꞉ken kwáh tó꞉kenske ahothitokenséhaʼke ó꞉ni tó꞉ka ahatíhawahke naʼkateriwahnhotátshera, ietʼtsiró꞉ri hionkeriwahnónhtons, í꞉i ne Watiá꞉ner Keshastsʼtenserowáhnen, iáh tatkheríhon ne natʼtsokowáhtsera ne iothaténron ne Ononhsatokentikówahne ó꞉ni ne tsi ronónhshoʼthe ne ronnonhtí꞉io ne iakáhake ne Babylonia.” (

Ezekiel 3:18

Tó꞉ka enkerihówahnahthe ónhkak ne ionkwetahétken tsi enhiaiéheie ók tó꞉ka iáh tatsaronhkáten ne tahatháton ne raoweiénhnas né nahónton ahanónhsthate tsi rónhnhe, enrénheie, shé꞉kon nihoriwáhnerenh, ók i꞉se enkonhnonhthánahke tsi wahrénheie.

Ezekiel 33:8

Tó꞉ka enhkerihówahnahte ne ionhkwetakʼsénhskwa tsi enhiaiéheʼie ók iáh kíʼ thaʼtiaronhkáten tahatháton tsi nihaweiennhóten né nahónton ahanónhsthaʼte tsi rónhnhe, ethòne enhrénheie, shé꞉kon nihoriwáhneren, tánon kíʼ í꞉se enhkonhnonhtánahke tsi wahrénheie.

Leviticus 6:4

Né nó꞉nen enserihwánerahke ne kakʼnikáien tsi níkons kí꞉kens, ónenk tsi enshé꞉shen tsi nahó꞉ten saienáhon ne kanikonhráton iorihonhníʼon. Nenhwenhnisehráteke nenhiesaiatatʼtsénri saníkon, ónenk tsi kwáh enkanánonhke tsi akwékon entieská꞉riatse ne rahowenhkénʼen, tánon enhiowénhteke tewáhsen iosénhtseroʼthe.

Leviticus 6:7

Ne ratsihénsthatsi ienháthaʼte ne kariwihiosehokónha né꞉ne rónhkwe rahorihwáke, tánon kíʼ enshonwanikónhrenhse.

Acts 8:24

Simon wasakawénhaʼse ne Tiér tánon ne Sawátis, “Aitsiatʼthontátʼtseke astiaterenʼnaiénhase rahonháke ne Roiá꞉ner, nehne tóhsa thènen nahontiátawen tsi nahoténsons weseníron.”

1 Corinthians 14:4

Tsi niháti ne thiʼwennáhsathe rontátis rohnonhatsíwah khók rahotirihwáhke, onk tsi niháti ne rontheriwahnótʼtha ne Rawenni꞉io rahoterihwahnothátshera kwáh kén tiokwahkwékon shakotiʼiénahwase ne tiakawehtákwen.

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

1 Sawátis 5:16

Tóhkaʼ entsisewáken ne tawetákwen nahariwánerake nók iáh tahóriote, sateriwaiénni nasaterénnaien rahonháke ne Rawenni꞉io, tsi rahónha entháwen nètho rónkwe natónnhets. Neh kíʼ kéntons tsi niʼiákon ne iáh taiakóriohte. Nók káien ne kariwáneren ne iakorióhtha, nók iáh neh tekíʼtons ne naihsewaterennaienthákwen rahonháke ne Ní꞉io nètho aorihónʼniat.

1 Samuel 12:19

Onkwetakwé꞉kon wahonwénhaʼse ne Samuel, “Iasaterénnaien rahonhá꞉ke ne Roiá꞉ner Saní꞉io ne ne sanhatseraókons raotirihwáke, ne káti ne tó꞉sa ahitewénheʼie; asèken iehionkwaiéston nonkwarihwaneraháktsheras ne iorihwatsáni tsi ionkwarihwanónton nahionkwanontiʼiotseraién꞉tane niatetewaiá꞉ti.”

1 Samuel 12:23

Sénha isiʼnónwe nakeriwá꞉ke í꞉ken, ahí꞉non nikénhak nakeriwá꞉ke nètho ne kwáh akeriwanerá꞉ke tsi nókwah ne Roiá꞉ner tsi akatʼkáwe tsi koniaterennaién꞉ni; tánon kwáh enkonrihón꞉nien thohʼnónhwe ne ioiá꞉nere tánon ne tkariwaié꞉ri.

1 Samuel 7:5

Eʼthóhʼne Samuel wahén꞉ron, “Ietsiʼiataró꞉rok raʼtikwé꞉kon NʼIsraerʼró꞉nons ne Mizpah nón꞉we, tánon kwáh enkaterénnaien raonhá꞉ke ne Roiá꞉ner sewariwá꞉ke.”

1 Samuel 7:8

tánon wahonwénhaʼse ne Samuel, “Tó꞉sa téstann tsi iesaterénnaien rahonhá꞉ke ne Roiá꞉ner ne nón꞉kwa Ní꞉io í꞉ken, tánon saterénnaien nètho rahón꞉ha nontiérenk enshonkwanónsthaʼte tsi nó꞉kwa ne Philistine rontsaná꞉kes.”