Genesis 20:4 - Ohiatonhseratokénti

⁴ Ók kiʼ ne Abimelech iáh kaiaʼtákta tshiehawé꞉non, káti wahén꞉ron, “Saiá꞉ner, iáh kenʼ thahsheʼnonhwariá꞉kon ne iáh teiakohnhí꞉kon nón꞉kwe?

Genesis 20:4 ပူးပေါင်းရင်းမြစ်များ

Genesis 19:24

Thontaiawénhstsi ne Roiá꞉ner wahakennó꞉rehste ne Sodom tánon ne Gomorrah ó꞉tsire tánon iontenatenʼtáhstha tekaiéhston;

Genesis 20:5

Iáh kenh ráonha ne Abraham tehakhró꞉ri tsi né iatiatenoʼsénha, tánon áonha ó꞉ni ne waʼkén꞉ron, ‘Iatiatenoʼsénha í꞉ken.’ Kwáh káti keriahsakwé꞉kon kíʼ tsi thóh nà꞉tiere tánon kwáh iáh ohthé꞉nen thaʼtewakatatesnonhsaʼtsónhston tsi kíʼ thóh nà꞉tiere.”

Genesis 20:6

Eʼthó꞉ne atetshenhserà꞉kon ne Rawenni꞉io tsi wahohró꞉ri, “Hen, wakaterién꞉tare kwáh iáh tesateriahsaksá꞉ton kíʼ tsi eʼthóh náhshiere; í꞉si ó꞉ni nón꞉we kwáh seʼ Í꞉i waʼtkón꞉tahste né tóhsa ahserihwanéraʼke tsi nòkwa ní꞉i. Kwáh káti iáh tekonríhwá꞉wi né iahshíe꞉na.

2 Samuel 4:11

Thóh káti shé꞉kon ní꞉kon, nó꞉nenh ne ronkwetahét꞉ken róhrio ne thronkweʼtaié꞉ri tho raonaktáhke ne kwáh raón꞉ha raonónskon! Tánon nón꞉wa iáh kén takeriwanón꞉ton ne raonekwénhsa ne í꞉sawe satshanáke, tánon naiesáthonte ne tsi ionwenhtsá꞉te?”

1 Chronicles 21:17

Né Táwit wahaterénhnaien, “O Sewenní꞉io, akonháhakʼkhók tsi tewakaterientaweriéhon. Í꞉i wakathenhnáhon nakasenhnaró꞉ronhke. Ònhʼne nihonahtiéren kí꞉ken rotítens onhkweʼshón꞉as? Saiá꞉ner akeNí꞉io, í꞉i tatré꞉wat tánon natwátsire, tánon shasehiatanónstat ne shonkwetaʼshón꞉as.”