Genesis 20:1 - Ohiatonhseratokénti

¹ NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 20:1 ပူးပေါင်းရင်းမြစ်များ

Genesis 10:19

Tánon tsi nihotinakeráhsera ne Canaanites Sidon nón꞉we tiotáhsawe, eʼthó꞉ne Gerar nonkwá꞉ti nietsawé꞉non, ié꞉io tsi niió꞉re ne Gaza, eʼthó꞉ne Sodom nonkwá꞉ti nietsawé꞉non, tánon ne Gomorrah, Admah, tánon ne Zeboiim kwáh tsi niió꞉re ne Lasha.

Genesis 12:9

Eʼthó꞉ne ó꞉nen né Abram wahonatenʼawíhson, shé꞉kon kíʼ Negeb nón꞉we iaʼthaʼoienhátie.

Genesis 13:1

Ká꞉ti nʼAbram tánon né ró꞉ne ó꞉ni ne Lot é꞉ren tontahón꞉nehte ne Egypt tánon akwé꞉kon tsi nihoientahtsherá꞉ien, tánon Negeb nionsahón꞉ne.

Genesis 14:7

eʼthó꞉ne tonsahontkahrhaté꞉ni tánon iahón꞉newe Enmisphat (ne ne Kadesh nón꞉we), tánon wahshakotiʼshén꞉ni tsi nihotinakeráhsera ne Amalekró꞉nons tánon ó꞉ni ne Amorʼró꞉nons ne ne Hazazon-Tamar nón꞉we nihatinákerehkweʼ.

Genesis 16:1

Nón꞉wa ne Sarai, né꞉ne Abram ró꞉ne, iáh teiowiraién꞉tahkwe. Iohnhaʼtsheraién꞉tahkwe Egyptró꞉non naʼkanekwenhsó꞉ten Hagar konwá꞉iatskwe,

Genesis 16:14

Ne káti aorí꞉wa nonkwehshón꞉ʼa ne konwanáʼtónhkhwa ne iohnáwerote tsi naʼtetsátere ne Kadesh tánon ne Bered. “Né Iohnáwerote ne Ronhnheʼón꞉we né Tehakká꞉nere.”

Genesis 16:7

Ne Roiá꞉ner raoronhiaʼkeró꞉non waʼthiatátken ne Hagar tsi tiohné꞉kote ne iawentsathenhá꞉ke né꞉ne tsi nieiothahí꞉non ne Shur

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 21:34

NʼAbraham nikarihwésha thóh nón꞉we iehenʼterón꞉tahkwe tsi tewatonhwenhtsá꞉ien ne Philistine tsi thihaontsá꞉te kén꞉ne.

Genesis 24:62

Nón꞉wa ne Isaac Beerlahai-roi nón꞉we nithawé꞉non, aseʼkénh Negeb nón꞉we nihanákerehkwe.

Genesis 25:18

Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.

Genesis 26:1

Shé꞉kon ó꞉ia natonhkariá꞉kon kaièn꞉tahkwe ne tsi ionhwenhtsá꞉te kwáh tshiehská꞉te natonhkariá꞉kon tsi nitiohtón꞉ne ne sihotenhniseraténionhskweʼ ne Abraham. NʼIsaac Gerar neʼ nón꞉we niahá꞉re, tsi thén꞉teron ne Abimelech, ne shakonontí꞉io ne Philistiaró꞉nons.

Genesis 26:20

ne katshé꞉nen shakotiʼnikón꞉rare ne Gerar nón꞉we waʼthonterihotáhrhoke ne Isaac raotshenenʼó꞉konʼs sakotiʼnikón꞉rare tánon wahonní꞉ron, “Kí kahné꞉ko Í꞉i onkwá꞉wenʼk.” Sók kíʼ ne Isaac ne iohnáwerote Esek wahaná꞉tonhkwe.

Genesis 26:26

Eʼthó꞉ne né Abimelech wahotkenʼsé꞉ra ne Isaac Gerar nón꞉we tahahtén꞉ti í꞉ne ne Ahuzzath ne rotenʼikonhrá꞉wis tánon ne Phicol ne nenʼne rateriiohserakweʼní꞉io í꞉ken ne raotióhkwa ronterí꞉ios.

Genesis 26:6

Ká꞉tiʼ NʼIsaac Gerar nón꞉we nahatenà꞉taien.

Psalms 29:8

Ne raowénhna ne Roiá꞉ner ráʼwaks ne iahonwentsatʼténhake, ne Roiá꞉ner ráʼwaks ne iahonwenhtsiatʼténhake ne Kadesh nón꞉we.

Exodus 15:22

Ethòne ne Mahís sashaʼkosáʼrihne nonhkweshón꞉ʼa é꞉ren sahónhneʼte ne Red Sea tánon kahentaʼkekówa niahonʼne né꞉ne Shur nónhwe. Áhsenh nónhta nikaríwes tsi niahónʼne ne kahentaʼkekówa, ók iáh othènnenh tehó꞉thinekhatsenhrion.

Numbers 13:26

tsít꞉nes ne Mahís tánon ne Aaron, ó꞉ni kanakerasehrakwékon ne Israerʼronónke né꞉ne Kadesh nónhwe né karakonhkówa íken ne Paran nónhwe. Shaʼhontʼróri tsi nahó꞉ten wahontkátho tánon washaʼkotinatónhase ne káhiks ne thotíha.

Numbers 20:16

tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Deuteronomy 1:19

“Kwáh tonahakwá꞉hiere tsi ki nahó꞉ten shonkwahró꞉ri ne Roiá꞉ner Onhkwaní꞉io. Tahiakwaʼténhti ne tsi tionónhte ne Sinai tánon thóh niahákwe ne tehiotenonhianì꞉ton ó꞉ni ioʼteronhkó꞉wa iahonwenhtià꞉tenhke ne tsi nieiothahí꞉non ne tsi tionontahrón꞉nions ne Amorʼró꞉nons raotinakerahserá꞉kon. Shahá꞉kwawe ne Kadeshke Barnea,

Deuteronomy 32:51

ne tiorì꞉wa tsi tesehnitsáron iáh tetsateriwatokénston nakonhà꞉ke ne rahotihénton nonhkweshón꞉as ne Israerʼró꞉nonhke. Ne nó꞉nen ne tsi tsoné꞉kote ne Meribah nón꞉we shesenéskwe, ákta tsi kaná꞉taien ne Kadesh né꞉ne karakonhkó꞉wa ne Zin, iáh thesekweniénston rahotihénton nonhkweshón꞉a.

1 Samuel 15:7

Ne Saul washakosénhni ne Amalekró꞉nons, thóh tontáhsawen Havilah kwáh tsi niʼió꞉re ne Shur, ne ne tsík kará꞉kwinekens nòkwahti ne Egypt.