Genesis 2:8 - Ohiatonhseratokénti

⁸ Eʼthó꞉ne ne Roiá꞉ner Rawenni꞉io wahathehtón꞉ni eʼthó nón꞉we ne konwanatónhkhwa ne Eden, né꞉ne tsit karahkwínekenʼs nonkwá꞉ti, tánon tho nón꞉we nahóhtkáʼwe ne rón꞉kwe ne ón꞉waʼk wahoiaʼtísa.

Genesis 2:8 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 3:23

Sók kiʼ ne Roiá꞉ner Rawenni꞉io wahohré꞉kwahte ne kahéhtakon ne Eden, tánon tenhatonhontsá꞉rihte ne tsi nón꞉we nithonwaiaʼténha.

Genesis 3:24

Wahoiaʼtínekenhwe ne rón꞉kwe; tánon eʼthó꞉ne tsi tkarahkwínekenʼs nonkwá꞉ti ne kahéhtakon tho nónwe nashakóʼteron ne niʼnikonhrare iotokentis, tánon ne iotsírote naʼshareʼkó꞉wa ne tewatkahrhateníhonhs ne nahiatenʼnikón꞉raren tsi nieiawé꞉non ne tsi kéhrhite ne ionhnheʼónwe.

Genesis 4:16

Ethó꞉ne ne Cain é꞉ren wá꞉rehte tsi nón꞉we ní꞉res ne Roiá꞉ner, tánon thoʼnón꞉we ionsahathatiteron tsi tiohóntsaien ne konwanaʼtónhkhwa Nod, né꞉ne tsik karahkwí꞉nekens nokwáti ne Eden.

2 Kings 19:12

Né khesokʼthonkonkénen rotirihwathónton ne tsi kanatowánens ne Gozan, Haran, tánon ne Rezeph, ó꞉ni sakononwarhiakónhnions nonkweʼshón꞉as ne Betheden né꞉ne Telassar nón꞉we nihatinákerekwe, tánon iáh ón꞉ka tsi níkon rotiniʼioseráiens tehotikwénion nahonwatinonsthátonhke.

Isaiah 51:3

Asèken ne Roiá꞉ner kwáh kí enhakwahtshésten ne Zion; kwáh enhakwahshésʼten akwékon ne watiesátons nahohontsákes, tánon né ienwahtónhniaʼte nahonhontsáke ne iahonwenhtsáthen thóh nenhiotónhake tsi ní꞉ioht tónhne ne Eden, né iahontsáʼthen ahohóntsa thóh nenhiotón꞉hake tsi ní꞉ioht ne Roiá꞉ner raohé꞉ta; atonnhá꞉rah tánon atsenhnonʼniátshera enkatʼtsénrionh nahonháke, kanonhweratónhtsera tánon thenhiakorihwákwen né karenhní꞉ios.

Ezekiel 27:23

Ne tsi kanatowáhnenhs ne Haran, Canneh, tánon ne Eden, ne rontkéronhs ne Sheba nónhwe, ne tsi kanatowáhnenh ne Asshur ó꞉ni ne Chilmad—kwáh rahthikwékon tsi wathisehwathatawíhon.

Ezekiel 28:13

Eden nónhwe nishiʼtherónhtahkwe, né꞉ne Rawenni꞉io rahohéthakon, né sátsthaʼkwe ne niaʼtekonhtʼthihánion ne kawisthanoronhtserí꞉ios: ne kwáh tetioshokwáhkaras onekwénhtarah nikanenhiótens tánon ne ionenhiákent ionenhianíron; tehiotʼtsinekwáhronhte nóhonte ónenhia, tehioterónhionhton nóhonte, ioteherahrónhnion onénhia tánon ne athéhsa nikanenhiò꞉ten; tehioterónhionthe onénhia, tehioshó꞉kwatʼthe nóhonte nikanenhiothe tánon ne ariwahkonhnhéha nikanenhiò꞉the. Shaiénthakwe ne kawistanoronhtserí꞉ios owistanóronhs. Í꞉se ieshasenhénhni; né꞉ne tewenhnisehráhtekwe saheshahiatónhni.

Ezekiel 31:16

Nónenh shakaténiethe ne tsi tionhontsáien ne kenhéion, tsi nihiorahkaréni shaʼkaronhtsénenhne kwáh ohontsakwékon watsahontsiʼshón꞉kwe. Akwe ne karonhtasonhas ne Eden ó꞉ni ne ioronhtanerahkwahthénion, né kwáh konhwatinhekanónhten ne karonhtasónhas ne Lebanon tsi níkonh ne ohontsiókonh nieioʼnhénon kwáh enkonhtʼtsenhnónhni tsi ioronhtsenénhʼen.

Ezekiel 31:18

“Ne karónhta né꞉ne Ronhnontí꞉io ne Egypt tánon ratikwékon ne rahonkwetashón꞉ʼa. Shé꞉kon iáh ne karonhtasónhas ne Eden et tekaronhthésonhne ó꞉ni ahionerahkwáhthonke. Ók kíʼ ónenh, tsi ní꞉ioht ne karonhtasónhas ne Eden, kwáh thóh niénwe tsi tionhontsáien ne kenhéion tánon ienhiakonahtsátarahse ne iáh tehiakoniʼiosehráien tánon tsi nihiákon ne iontatenonhwahrhiákon tsi wahterí꞉io. Í꞉i wahkatáti,” ráton ne Ronhnontí꞉io Roiá꞉ner.

Joel 2:3

Ó꞉tsire iotsahatonhátie ne raotihén꞉ton, tánon ne ratisónhne iotonkwahtékha. Ne raotihén꞉ton ionhontsá꞉ien thóh ní꞉ioht kwáh né꞉ne tsi kahetáien ne Eden, ók tsi nihonatohétston kwáh ahonhotiónskon iontónhon ne iahonwenhtsathénhake, tánon kwáh iáh thahóthen nahonsahotiniá꞉kente.