Genesis 2:7 - Ohiatonhseratokénti

⁷ Eʼthó꞉ne ne Roiá꞉ner Rawenni꞉io wá꞉thrakwe nokén꞉ra tánon wahoiaʼtón꞉ni ne rón꞉kwe: tsi tehanionkáronte nón꞉we niahotonhniserón꞉ti ne ne iónhnhe aonrí꞉sera tánon ne rón꞉kwe tontáhsawen wahatónhnhete.

Genesis 2:7 ပူးပေါင်းရင်းမြစ်များ

Genesis 1:27

Káti ne Rawenni꞉io waʼhoiatísa rón꞉kwe kwáh tsi nihatkahtsherò꞉ten, kwáh tsi nihaiatò꞉ten ne Rawenni꞉io wahshakoiaʼtísa: rohskenrakéhte tánon tsothonwí꞉sen, wahshakoiatísa.

Genesis 2:6

nok nohné꞉kanos ná꞉kon nonkwá꞉ti nitewéhthakweʼ tsi iohnekanóntenhskwe nonhwéntsa.

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Genesis 3:23

Sók kiʼ ne Roiá꞉ner Rawenni꞉io wahohré꞉kwahte ne kahéhtakon ne Eden, tánon tenhatonhontsá꞉rihte ne tsi nón꞉we nithonwaiaʼténha.

Genesis 7:22

Kwáh tsi nahò꞉ten ne iaonniserá꞉ien ne iaonhwentsatén꞉ke ne tsi teiohnionká꞉ronte nón꞉we nihontónrieʼs tsi wahonníheie.

Job Tánon ne Raoronhiakensera 27:3

Kwáh tsi nikarì꞉wes wakonhniserá꞉ien tánon ne rahonhní꞉sera ne Rawenni꞉io í꞉wa tsi tekenionhká꞉ronhte,

Job Tánon ne Raoronhiakensera 33:4

Ne Rawenni꞉io Roshatstenhserowá꞉nen ratiaʼtí꞉shon, tánon ne raonhní꞉sera ne Roshatstenhserowá꞉nen neh enwatsatanonstháte.

Job Tánon ne Raoronhiakensera 33:6

Satkáto, ne raohénton ne Rawenni꞉io thóh nitiató꞉ten tsi kí ní꞉se ní꞉ioht; Í꞉i ó꞉ni iontiatón꞉ni tsi nitiawé꞉non ionawastakarí꞉io.

Job Tánon ne Raoronhiakensera 4:19

thóh ónhte ní꞉ioht tsi sénha tsi niiá꞉kon ne thóh rathiʼterón꞉ton tsi kanonshó꞉tons nó꞉tara í꞉ken, okenrá꞉ke khók tiʼthotitskwá꞉here, ne thenkonwanaskwáhseron tsi ní꞉ioht ne kokhó꞉wa.

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 103:14

Asèken roteriénhtare tsi nahó꞉ten ionkhiʼiatonhniáton; réhiare tsi okènra nitewaʼhiatóten.

Proverbs 20:27

Roiá꞉ner tehsonkwá꞉wi noʼnikòn꞉ra naionkwaterién꞉tarake nahò꞉ten ne tkariwaié꞉ri nahò꞉ten ó꞉ni ne wahétken; iáh thaʼón꞉ton naetewáhsehte tsi nitewatiéhrha.

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

Ecclesiastes 3:7

tsi nienkáhewe nakarahtiónkwen tánon nienskáhewe nahonsakaníkʼkhonke, tsi ienkáhewe ne sák takénhake tánon tsi ienkáhewe nahonshahiontáti.

Isaiah 2:22

Tonsashewatkaraténi tsi nón꞉we nihón꞉nes nonkweʼó꞉kons, aséken ne ronónha nék khók tsi ronhnonhniseráhien tsi tehatiʼnionhkáronhte, asèken tók néh satehón꞉nas ne ronhnón꞉ha?

Isaiah 64:8

Nek kík sá꞉ka, Ó Saiá꞉ner, í꞉se né onkwaní꞉sera í꞉ken; í꞉i nonawasthaʼkarí꞉io nahakwahiatóten, tánon í꞉se né takwatʼtietónhni; iakwahkwé꞉kon í꞉se shaʼtsanàke hionhkwahiaʼtíson.

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Ezekiel 37:5

Asèken sakoró꞉ris ne Roiá꞉ner Ní꞉io kí꞉kens ostsienshón꞉ʼahs: Ní꞉i kwáh neh enkónhniaʼte nahonnísera nahisewathawehiá꞉ten, tánon nakoniatawehía꞉ten ní꞉se kwáh kíʼ enshón꞉nheke.

Ezekiel 37:6

Kwáh entkónion nohtsinhonhiátons óni oserennátas, tánon kanéhonk entkonrórokste. Kwáh enkonionhniserátha, tánon tentkonháwe naonsasónnheke. Ethóhne ensateriéntarane tsi Í꞉i ne Watiá꞉ner í꞉ken.”

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 27:16

“Saiá꞉ner Sewenní꞉io, íse nahoshatsténsehras akwékon ne iónhnhe, tshiataráko, wakaterénhnaien, ne ronhkwékwe nahakwéni nasakohéntenhse nonhkweshón꞉ʼa

John 20:22

Nok nonen saharihokten, raonnisera iasakorontate nok ȣahenron; seȣaiena ne Ronikonriioston.

Acts 17:25

Iáh ó꞉ni thènen tatehothonwentióni ne thènen nahonthatsíʼtsion tsi ahtsitewahiótense, ne tsi kwáh rahonhatsíwa tatháwas natónnhets ó꞉ni nahonhnísera tánon kwáh tsi nathahiakotonwentioníhake ne tiehiatátʼtion.

Romans 9:20

Nók í꞉se, órie, ne tahonthatsewenʼnáweron ne Rawenni꞉io? Nhotára kátse iáh tehoriwanontónʼni ne rónkwe tsi nikáien róhson, “Nontiéren tsi ehní꞉ioht tsi tatiatíson?”

1 Corinthians 15:45

Asèken wáhton noriwahtokénti, “Ne thontonkwetatierénton, Á꞉ton, né ronwahiatonʼniáton nahrónnheke.” Nók nonahkénkha Á꞉ton né tiówis nahtónnhets nahiónnheke.

1 Corinthians 15:47

Ne thóh tierentákwen Á꞉ton, okénrah ronwahiatonniáton, okenráhke nón nitawénon; ne tekeníhaton Á꞉ton karonhiáke nón nitawénon.

2 Corinthians 4:7

Ne tetsitewatié꞉ren tsi ní꞉ioht ne oʼtá꞉ra katsheʼshón꞉ʼa tsi nón꞉we niwateweién꞉ton ne ahtshokowáhtshera. Ne kwáh kahsatstenhserowà꞉nen Niiò꞉ne nón꞉we nitewé꞉tha, iáh ne ontionhà꞉ke.

2 Corinthians 5:1

Kí꞉ken tewaieròn꞉ke ne teskaierón꞉tare tsi ní꞉ioht ne waʼtohseró꞉ton tsi kén꞉ʼen tewanákere tsi ionhontsá꞉te. Nok kí꞉ken ne aʼtóhsera nó꞉nen enkarihwahtón꞉ton, ionkwaterién꞉tare ne Rawenni꞉io kwáh tsi tewaiáʼtátson ó꞉ia ensehshonkwanákton tsi nón꞉we ientsitiónhnheke. Tho iontientáhkhwa iáh tho tekanonhsò꞉tens tsi shí꞉ken ní꞉ioht ne ónhkak aiakononhsisonʼónhake, nok karonhià꞉ke nón꞉we tkakè꞉ron iáh nen né꞉ʼe nonwén꞉ton thiakarihwén꞉taʼne.

1 Timothy 2:13

Asèken Á꞉ton thoʼtierénton ronwahiatónni ehthóhʼne ónen Eve.

Hebrews 12:9

Tsi nihiótha ne ónhkwe íken ionkwahnísen, ionhkhirewahtáh꞉ses tánon kíʼ ietikweniénsta. Thóh ní꞉ioht tsi sénha wéso akénhake, káti, theʼiotonwentióʼon ahtsitewahwénnarahkwe ne ronhnhehón꞉we kaníhsera ó꞉ni tsi aitiónnheke!