Genesis 2:4 - Ohiatonhseratokénti

⁴ Tánon eʼthó ká꞉ti ní꞉ioht ne Rawenni꞉io tsi róhshon tsi ionhwentsá꞉te ó꞉ni ne tsi karonhiá꞉te. Nó꞉nen ne Roiá꞉ner Rawenni꞉io sharonwentsí꞉sa ó꞉ni shaharonhísa,

Genesis 2:4 ပူးပေါင်းရင်းမြစ်များ

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Genesis 1:28

Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 1:3

Eʼthó꞉ne ne Rawenni꞉io wahén꞉ron, “Teioswátheʼn” tánon watiohswátheʼne.

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Genesis 1:4

Tánon ne Rawenni꞉io wahatkáhtho ne tho kahswathéhtshera tsi ioiánere: tánon ne Rawenni꞉io wathakáhshi ne teioswáthe tánon ne tetió꞉karas.

Genesis 10:1

Ne kí tsi wahatiwatsiratátie ne Noah ne raonekenhteronʼtsheraʼshón꞉ʼa, ne ne Shem, Ham, tánon ne Japheth. Ne sontóhetsteʼ tsi iawehnó꞉tonhkweʼ, ratikwé꞉kon wahotinekenhteronʼtsheraientá꞉seron.

Genesis 11:10

Ne kí꞉ken tsi niehotwatsirí꞉non ne Shem. Nó꞉nen ne Shem énska tewenʼniáwe shaʼtehaohseriiá꞉kon, wahonekenhteronʼtseraièn꞉taʼne, né꞉ne Arpachshad ronwá꞉iats, ne꞉ne teiohserá꞉ke sitiotohétston ne iawehnó꞉tonkwe;

Genesis 2:3

Wahaiataté꞉riste ne tsatákhaton nónta ó꞉ni kwáh wahrenhniseratokénh꞉tiste, asèʼkenh thóh nón꞉we niwenhniserá꞉tehkwe ne Rawenni꞉io shokenʼeniónhkwen tsi nahoténshons roiotén꞉ʼen ó꞉ni rohsaʼánion tánon wahrenniseraié꞉rite.

Genesis 25:12

Ne kí꞉ken tsi nontahahwatsiratátie ne Ishmael, ne ne Abraham roienʼkénhen, áonha né Hagar ne Egyptró꞉non naʼkaiatoʼtén꞉ne ne꞉ne Sarah aonhnhaʼtsheraʼkénhen ne ne Abraham rotiwiraientá꞉on,

Genesis 25:19

Ne kí꞉ken tsi rahwatsiratátie NʼIsaac, ne ne Abraham roienʼkénhen:

Genesis 36:1

Ne ki꞉ken tsi wahahwatsiratátie ne Esau (ne ó꞉ni ronwanaʼtónhkhwa Edom).

Genesis 36:9

Ne kí꞉ken ne Esau tsi niahahwatsiratátie, ráonha ronwahsotkénhen né Edomró꞉nonʼs ne ne tsi ionontahrónnionʼs kanakerahserá꞉ien ratinákerehkwe ne Seir nón꞉we.

Genesis 5:1

Ne kí꞉ken ne ratihsennaʼrónnion tsi wahahwatsiratátie ne Á꞉ton. Nó꞉nen ne Rawenni꞉io sahshakoiaʼtón꞉ni nonkweʼshón꞉ʼa, kwáh thó ní꞉ioht tsi shakoiaʼtíson tsi níhát꞉katotseró꞉ten ne raónha.

1 Kings 18:39

Nó꞉nen nonkweshónhas sahontkátho kí꞉ken, ohontsáke wahonthatsatónhti tánon waʼthothihénreʼte, “Ne Roiá꞉ner séh ne Ní꞉io í꞉ken; né꞉ne Roiá꞉ner rahonhatsíwa Ní꞉io í꞉ken!”

2 Chronicles 20:6

tánon iorahkaré꞉ni tsi wahaterénhnaien, “O Saiá꞉ner Sewenní꞉iokwe kénʼne nonhkwasotʼtseraʼokonhkénʼen, í꞉se tiathakweʼní꞉io ne karonhiáke tsewakónhkon nonhkweʼshón꞉as tsi ionhwenhtsáte. Í꞉se ne sheʼshástste ó꞉ni shaʼshastsʼtenserowánen, tánon iáh ónhka tahiekwé꞉ni nahiesahiotátʼtie.

Job Tánon ne Raoronhiakensera 38:28

“Nokenhnoréhsera iohnisén꞉ken, kesʼne ónhka tsakóha tsi nikastárens ne iohawéien?

Job Tánon ne Raoronhiakensera 38:4

“Kaʼnón꞉we ní꞉seskwe nó꞉nen shakisthenrakwéntaro ne tsi kenskwáhere tsi ionwenhtsá꞉te? Tatró꞉ri, tó꞉ka sá꞉ien ne kaʼnikonhraientátshera.

Psalms 18:31

Asèken ónka nènhne ne Ní꞉io í꞉ken, nék khók ne Roiá꞉ner í꞉ken? Tánon ónka nènhne ne osténra í꞉ken, nek ki ne onkwaNí꞉io í꞉ken?—

Psalms 86:10

Asèken í꞉se ne sashaststenhserowánen tánon né sahióthens ne iorihwanerakwahténions; shonháhak khók ne Sewenní꞉io í꞉ken.

Exodus 15:3

Ne Roiá꞉ner raterí꞉ios; né꞉ne Roiá꞉ner raosénhna.

Exodus 6:16

Ne Levi áhsen nenhʼne niháti roʼnekenteronhʼtsheraiéntaʼkwe: né꞉ne Gershon, Kohath, tánon ne Merari; tsi nihoʼthisennhótens ne raotiʼtára né konhwatiʼsenhnawíhon, ne Levi 137 niʼiosehràke ronnhékon.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 11:17

teotirihwákwen, “Tekwanonwerá꞉tons, Saiá꞉ner Ní꞉io Shatstenhserowá꞉nen, í꞉se ne sonhnheón꞉we tánon tokonhónwe són꞉nhekwe, Asè꞉ken í꞉se washé꞉neste ne shatstenhserowanenhkó꞉wa tánon tashá꞉tasawen nasát꞉koraste.

Revelation 16:5

Tánon wahihiathón꞉teʼne ne raronhiakeró꞉non ne tehatnekanónhne wahén꞉ron, “Í꞉se ne tisariwá꞉ieri, O Saiatatokénti, í꞉se nón꞉we í꞉ken, tánon tsi titkénhne, asè꞉ken í꞉se tesaiatoretánion kíʼ nahorihoʼténhsons: