Genesis 2:17 - Ohiatonhseratokénti

¹⁷ Ne khók thí꞉ken kéhrite ne tiakó꞉wis nattokháhtshera tánon ne ioiánere tánon ne karihwáksen. Tóhsa sahiaʼnihiontá꞉ko neʼthó kéhrite nahsá꞉iake; tókaʼ tho nénhshiere, kwáh ne sahenhní꞉sera ensí꞉heie.”

Genesis 2:17 ပူးပေါင်းရင်းမြစ်များ

Genesis 2:9

Tho nonhwenhtsá꞉ke ne Rawenni꞉io niaʼtekarón꞉take waharontonniánion nahontaká꞉nio ne kwáh iorontaskatsténion ne nón꞉we naʼkontehiá꞉ron ó꞉ni nahontakáhawe ne kwáh wahí꞉ioʼs ne꞉ne kakkhwa akénhake. Ne kwáh shaʼtekahehtí꞉hen tho iorón꞉tote né꞉ne tiakó꞉wis naiakonhnhekeʼónwe, nó꞉ia karón꞉ta né꞉ne tiakó꞉wis nattokhátshera ne ioiánere tánon ne karihwáksen.

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Genesis 3:11

Waʼhén꞉ron, “Ónhka iesahró꞉ri tsi sanéhoskonk thí꞉ken? Wahshá꞉iake kenh tsi niká꞉ien ne konhró꞉ri ne tóhsa ahsá꞉iake?”

Genesis 3:17

Tánon wahawénhahse ne rón꞉kwe, “Ne tsi Wahsheiatahónhsatate ne tisení꞉teron, tánon wahsá꞉iake neʼthó keʼhrhite tsi niká꞉ien ne konhró꞉ri, ‘Ne tóhsa ahshá꞉iake,’ ne tsi tho nahshá꞉tiere, enionhontsáksenʼne i꞉se wahserihón꞉ni; kwáh ioioʼtenhserahní꞉ron ensaioʼténhsheke tsi ní꞉ioht tsi enhsatonhnhihsáksheke tsi nihsónhnes;

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

1 Kings 2:37

Tó꞉ka éhren énhsehte tánon hiasató꞉hetste ne Kidron Kahionhatátse, kwáh kíʼ orihwiʼiohónhwe tsi ensíheʼie—tánon iateshiá꞉ti kíʼ tsi ensaterihwaʼhés꞉then.”

1 Kings 2:42

iahó꞉nonhke tánon wahawénhase, “Kohionhniénhni tsi sarihwaniráton nahosénhnakon ne Roiá꞉ner tsi iáhéhren thá꞉sehte ne Jerusalem. Tánon káti konhthokaténhni tó꞉ka nonhwénhton thóh nénhshiere, kwáh oriwiʼiohónwe tsi enshí꞉heʼie. Iáh kén thóh tèhiot tsi sarihwanonhwéhon tánon í꞉sen tsi kwáh enskewénhnaraʼkwe?

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

Ezekiel 18:13

tánon ratwistaníhas nahatwisthónhniate. Enrónhnheke onhtèken? Iáh, kwáh iáh. Kwáh akwékon eh nihohieráhnion kíʼ ioteriwahtehasónhas, tánon káti kwáh enrénheie. Kwáh rahonhatsíwa enthoteráhse tsi enrénheie.

Ezekiel 18:32

Iáh tatewahkatonhontióhni nónhka ahiaiéheie,” ratónhnions ne Ronhnontí꞉io Roiá꞉ner. “Thonsasewakʼkarahténi tsi nòkwah ne sewahriwanerahákʼtsheras tánon tiónnnhek.”

Ezekiel 18:4

Tsi iakónhnhe ne niatehionkwétakes Í꞉i akáwenk, tsi rononhnhénion ne rothiwirahiéntons ó꞉ni ne owirá꞉a. Nónhkwe nenhieriwáhnerahke akahónʼa enhiahiéheie.

Ezekiel 33:14

Ahónton nakhehiaronhkáten ónhkak ne iakonhkwetahétken tsi enhiaiéheie, ók tó꞉ka enhióntkaʼwe tsi iakoriwahnerenháties tánon né entiakohióten ne tkariwahiéri ó꞉ni ne iohiánereh—

Ezekiel 33:8

Tó꞉ka enhkerihówahnahte ne ionhkwetakʼsénhskwa tsi enhiaiéheʼie ók iáh kíʼ thaʼtiaronhkáten tahatháton tsi nihaweiennhóten né nahónton ahanónhsthaʼte tsi rónhnhe, ethòne enhrénheie, shé꞉kon nihoriwáhneren, tánon kíʼ í꞉se enhkonhnonhtánahke tsi wahrénheie.

Numbers 26:65

Ne Roiá꞉ner ráwenh tsi kwáh ratikwékon enhonhníheie ne karakonhkówa nónhwe, tánon nék khók ne Caleb ne roiénha ne Jephunneh tánon ne Joshua né꞉ne roʼní꞉ha ne Nun.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Romans 6:16

Oriwhihioʼónwe tsi sewahteriéntare nónen ensewahtiakwarísi ne hiatesewaiáti naietʼtsinaskón꞉ni nónkak akóren aietʼtsiwenʼnarákwe, íseh ne kwáh thóʼkenske sewahnáskwa wesewáton tsi watsisewawenʼnahrákwe neh wahtsisewatsiathakwenihiósten—kaknikáien khék ne kariwáneren ensewawénʼnarakwe, neh kíʼne tkáhas ne kenhéion, tòhka ó꞉ni Rawenni꞉io tsisewahwénʼnarak neh꞉ne tkáhas nahonsehsewahiáneren꞉ne neh rahonháke.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

Romans 8:2

Asèken nahoianerénsera nonikónra, neh iontiónnhets tsi teionkwateriwahsóntere neh Kerístos Ié꞉sos, shatsiatotaríshon tsi nòkwa ne ahoianerénsera ne kariwáneren tánon ne kenhéion.

1 Corinthians 15:22

Asèken tsi kwáh onhkwetaʼkwékon iaiehéions ne aoríwah ne tsi nahtehonatheriwahsóntereh ne Á꞉ton, kwáh ne sahoháha onhkwetaʼkwékon entiontkétsko ne aoríwah tsi tehonahteriwahsóntereh ne Kerístos.

1 Corinthians 15:56

Ne kenhéion kariwahnerenhatʼtsherákon nónwe nitewétha nahiakokaréwahthe, tánon ne kariwáhneren ahoshahtsʼténsera kaianerenserákon ne nónwe nitewétha.

Galatians 3:10

Nók tsi niʼiákon neh ieniahésen ne kaianerénsera ahonsahiakokwatákwaʼse tsi natehóntere ne Rawenni꞉io neh sakorewatákwa, asèken tsi niwáton noriwatokénti, “Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.”

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”

Deuteronomy 27:26

“‘Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

Deuteronomy 30:15

“Ón꞉wa wenhniserá꞉te tkwá꞉wis nahisewathaterákwase kak niká꞉ien né꞉ne ioiánere khés ne kariwahétken, kak ki káien né꞉ne iónhne khés ne kenhéion.

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

1 Timothy 5:6

Onk ne ioteréhʼons neh iononwahróri ónenk nèn꞉ne iawenhéion iawerohátsien tsi séhkon nihiónnhe.

Ne꞉ne Sák Rohiaton 1:15

Ehʼthóhʼne tsi hionkwaskanékon ne kariwáksen enwatʼtháwa ó꞉ni enwathónnhete ne kariwáneren, tánon ne kariwáneren, nónen iokowanáhon, né꞉ne ietiahónnhets ne kenhéion.

1 Sawátis 5:16

Tóhkaʼ entsisewáken ne tawetákwen nahariwánerake nók iáh tahóriote, sateriwaiénni nasaterénnaien rahonháke ne Rawenni꞉io, tsi rahónha entháwen nètho rónkwe natónnhets. Neh kíʼ kéntons tsi niʼiákon ne iáh taiakóriohte. Nók káien ne kariwáneren ne iakorióhtha, nók iáh neh tekíʼtons ne naihsewaterennaienthákwen rahonháke ne Ní꞉io nètho aorihónʼniat.

Revelation 2:11

Ánion nónhka ne tehahontaká꞉ronhte ratahónshatat tsi nahó꞉ten ne Ronikonratokénhti sakoró꞉ris ne tsi ionterenhnaientákwas. Ónhka akénhake nahateshénhni kwáh kíʼ iáh tahokarónhniate ne tekéni há꞉ton kenhéiat.

Revelation 20:14

Eʼthó꞉ne ne kenhé꞉ion tánon ne tsi tionhontsá꞉ien ne kenhé꞉ion thóh iahonwatiiatónhti tsi kaniá꞉taro ótsire. Ne kí꞉ken ne tekeníhaton ne kenhé꞉ion, tsi kaniá꞉taro ótsire;

Revelation 20:6

Iakotáskats tánon iotokénti tsi niiá꞉kon nenhiakoiatáheste nenhtewatsérente entiontón꞉nhete. Tsi nòkwah ne ronón꞉ha ne tekeníhaton kenhé꞉ion iáh othé꞉non teiosastenserá꞉ien, ók ronón꞉ha kíʼ ne Ní꞉io raotsihénstatsi enhón꞉ton ó꞉ni ne Kerístos, tánon kwáh enhontkóraste skátne ne raón꞉ha né꞉ne enskatewenhniawehetseráhsen nikarí꞉wes.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Judges 3:2

Nék kíʼ aoríhwa thóh nahá꞉iere né nashakorihónhnien ne niaʼteiewatsirákes ne Israerró꞉nonhke tsi nòkwah nateriʼiosʼseráke, sénha tsi niháti ne iáh arèko nonhweton tehonateriʼiosehronhnónhne.

1 Samuel 14:39

Asé꞉ken tsi nironnheónhwe ne Roiá꞉ner tsi raónha sakonónstats NIsraeró꞉non, iekaní꞉hare tó꞉ka í꞉i riʼien꞉ʼa Jonathan akén꞉hake, raón꞉ha kiʼ kwáh oriwí꞉io ónhwe tsi enrénheʼie!” Ók iáh kiʼ ne tionhkwé꞉ta tsi nihá꞉ti nonkweʼókons tatehonwariwahserakwénhni.

1 Samuel 14:44

Ne Saul wahén꞉ron, “Ne Ní꞉io kwáh thóh nihatiéras tánon kwáh í꞉sinonh; ní꞉se kwáh kiʼ oriwiʼiohónwe tsi ensíheʼie!”

1 Samuel 20:31

Asèken kwáh tsi nikaríwes ne Jesse roʼiénha enrón꞉nheke ne tsi iohontsá꞉te, ó꞉ni ní꞉se khéhs ne sanakerásera tsi iáh takaweiennenhtáʼon. Ó꞉nenh kiʼ iasehiaténiet nahonwenhnónksa tánon tonwahiathénhaf akʼkénton, asèken oriwiʼiohónhwe tsi enrénheʼie.”

1 Samuel 22:16

Ne ronnontí꞉io wahén꞉ron, “Ní꞉se kwáh oriwiʼiohónwe tsi ensí꞉heʼie, Ahimelech, í꞉se tánon ratikwé꞉kon ne ianí꞉ha raonónskon ratíteron.”