Genesis 2:14 - Ohiatonhseratokénti

¹⁴ Nahsénhaton kaniataratátie né꞉ne Tigris, né꞉ne ná꞉kon nonkwá꞉ti ne Assyria, tánon ne kaieríhaton kaniataratátie ne nen né꞉ne Euphrates.

Genesis 2:14 ပူးပေါင်းရင်းမြစ်များ

Genesis 10:11

Thóh aotonhwentsá꞉ke ne Shinar tontahahtén꞉ti Assyria niahá꞉re, tánon thóh nón꞉we iahatenatonniánion ne Nineveh, Rehoboth-Ir, Calah, tánon ne

Genesis 10:22

Ne raonekenhteronʼtsheraʼshón꞉ʼas ne Shem: ne ne Elam, Asshur, Arpachshad, Lud, tánon ne Aram.

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 2:13

Ne tekeníhaton kaniataratátie né꞉ne Gihon; né꞉ne iateioʼhkwatasé꞉ton tsi tkanakerahserá꞉ien ne Cush.

Genesis 2:15

Eʼthó꞉ne ne Roiá꞉ner Rawenni꞉io kahéhtakon ne Eden nón꞉we nahóʼteron ne rón꞉kwe né꞉ne tahaʼkenhrawénrie ó꞉ni nahatenʼnikón꞉raren.

Genesis 25:18

Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.

Ezekiel 23:23

Kwáh ratikwékonh entekhehiaténhawe ne Babyloniaró꞉nons ó꞉ni ne Chaldeans, ne ronhnónhkwe ne Pekod, Shoa, tánon ne Koa, tánon ratikwékonh ne Assyriaró꞉nons. Kwáh enkhehiataró꞉rohke ratikwékonh thíken ratinekénteronhs nitothihiónsa rathisenhnowáhnenhs tánon ne ronahterihóntons, rathikwékonh ne rathisenhnáhshions ó꞉ni ne thonaʼtshénhnates ne kosáhtens rotisáhtens tsi ronhterí꞉ios rathitsenhnowáhnenhs.

Daniel 10:4

Ne tewáhsen kaieríhaton shiwenhniserakéhaton ne shontontenhniʼtatiérenhte, kaniatarákta iktáhkwe ne Tigris.

Deuteronomy 1:7

Thonshasewanáhtak tánon sesewahténhti. Wás tsi tsionhniarónhnion ne Amorʼró꞉nons rahononhontsà꞉ke niahá꞉sewe tánon akwé꞉kon ne tehiokwahtasèhton ne kanahkerásehras—tsi nió꞉re ne Jordan ahonráhkwakon, ne tsi tionhniarónhnions ó꞉ni ne ahonráhkwakonhs, tsi nió꞉re ne entiè꞉ne kanakerahseraké꞉rons, tánon tsi nió꞉re ne Mediterranean kaniatarakʼtóntie—tsi tiohontsá꞉ien ne Canaan niahásewe tánon iasehwató꞉hets ne tsi ionnonhtaʼrónhnions ne Lebanon kwáh tsi nió꞉re ne tkaniatarowá꞉nen Euphrates.

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Revelation 9:14

wahonwénhase ne iaiákhaton raronhiakeró꞉non ne rahá꞉we iehonrawátsta, “Sheiátkaf ne kaié꞉ri nihá꞉ti ratironhiakeró꞉nons ne ronónha thatiné꞉ren thóh ne kaniatarowanénhne Euphrates.”