Genesis 19:37 - Ohiatonhseratokénti

³⁷ Ne tkakowá꞉nen shakoièn꞉ʼa roskenʼrakéhte waʼowiraién꞉taʼne, ne ne Moab wahoná꞉tonhkwe. Ráonha ne kahsótshera í꞉ken nón꞉wa nikahá꞉wis ne ne Moabites ratinekwenhsatátie.

Genesis 19:37 ပူးပေါင်းရင်းမြစ်များ

Genesis 19:36

Thóh kíʼ ní꞉ioht ne tekenitsá꞉ron ne Lot shakoioʼokón꞉ʼa waʼtiatháwa naiotiwiraién꞉taʼne ne ne ronwaʼníha rorihonní꞉on.

Psalms 83:9

Thóh nasheiéras tsi kíʼ nisheiéraʼse ne Midianró꞉nons, ó꞉ni ne raterihioserakweʼní꞉io Sisera tánon ne ronnontí꞉io Jabin né Wadi Kishon tsik kaniataratátse nón꞉we,

Zephaniah 2:8

Wakathontéhon tsi nihotirihwakathénhen ne Moab, tánon tsi thisakotiiéron ne raonekenteronhtseraʼshón꞉as ne Ammon, thóh nitsawénhnon tsi nasakotiʼnikonhratsáte nakonkweʼtashón꞉as, tánon tsi nihonatatkowanáton ne tsi ronateristhatátie.

Numbers 21:29

Tsi natehiotenonhnianíton níse sewarihwáke, tsiónhkwe ne Moab! Íse ne sewasénhnaiens ne Chemosh wahetsihiónhnien nahisewarihwahiésa! Ne sewaní꞉io wahonwenhnónhnien ne ronhnónhkwe nahotinenhtenhawíson, Tánon ne konhnónh꞉kwe né꞉ne washakotenaskónhniaʼte ne Amorʼró꞉non ronhnonhtí꞉io.

Deuteronomy 2:19

Ethò꞉ne kwáh ákta iensehwè꞉sehke tsi ronatonwenhtsá꞉ien ne Ammonró꞉nons, né꞉ne tsi tahawatsiratátie ne Lot. Tó꞉sa ki ieʼtsiritstón꞉nien tó꞉sa ó꞉ni tasewatáshawen ne ihsewaterí꞉io ne ronónha, tiorí꞉wa tsi kwáh iáh othé꞉nen tahontátion nohóntsa ne thekhehiá꞉wi.’” (

Deuteronomy 2:9

Ne Roiá꞉ner wahakró꞉ri, ‘Tó꞉sa teietsiʼnikónhraren nonhkweʼshón꞉ʼas ne Moab nónhwe, né꞉nenʼne ne Lot raowátsires, tó꞉sa ó꞉ni tasewatáshawen naterióshera ne rononhà꞉ke. Ronónha né tekhehiá꞉wi ne tsi kanatowá꞉nen ne Ar, tánon iáh thahontakwá꞉ion ne thé꞉nen akénhake ne raononhóntsa.’”

Deuteronomy 23:3

“Iáh ónhka ne Ammonró꞉non tó꞉ka ó꞉ni ne Moabite—iáh ó꞉ni tsi wahathiwatsiratátie—iáh thaónton nahatihiaʼtá꞉rake ne Roiá꞉ner raotióhkwakon.

Ruth 4:10

Ne ó꞉ni kí꞉ken Ruth, Moabite naiehwatsirò꞉ten Mahlon ronéhkwe, enionkení꞉niake. Ne káti rawenhé꞉ion raohsén꞉na enkatátie tsi kahéhtaien tánon tsi nén꞉we enkahwatsiratátie enhonwehià꞉rake tsi nón꞉ nihanakeréhkwe. Ón꞉wa wenhniserá꞉te káti í꞉se ensewarihwaʼní꞉rate.”

1 Samuel 14:47

Nó꞉nen ne Saul sahonontí꞉ione NIsraerʼronónke, wahonteriʼióhaton ratikwé꞉kon ne ronwáshons kwáh tatkaiénh꞉thakwe—tsi washakokʼkónten ne Moab, ó꞉ni ne Ammonró꞉nons, ó꞉ni ne Edom, ó꞉ni ne rotinontí꞉ios ne Zobah, ó꞉ni ne Philistines; tsi nón꞉we nienhatiérate tsi washakósere.