Genesis 19:30 - Ohiatonhseratokénti

³⁰ Shontóhetste kíʼ tsi naʼawènhseron ne Lot iahanontá꞉raʼne tsi tionontáhronnion nón꞉we iaʼthanà꞉tahkwe Zoar nónwe nontá꞉re rónnene ne tekeniiáhse shakoioʼhokón꞉ʼa, asèken róhteronskwe né Zoar nón꞉we nahatiʼterón꞉take; ká꞉ti tsi iotstenhraká꞉ronte nón꞉we nahóntien.

Genesis 19:30 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 14:22

Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 19:17

Tánon nó꞉nen shontahonwatiiaʼtínekenhweʼ, shaiá꞉ta wahén꞉ron, “Sewaté꞉ko! Sewanónhstat tsi tsónhnhe; tóhsa ne ohná꞉ken iaonsesewatkáhtho khéhs ne kakʼnón꞉we nataesewá꞉taʼne naonhráhkwakon; tsi tionontahrónnions niaʼsewatákhe, tóka iáh tésewehre aesewatiaʼtátsha.”

Genesis 19:19

iorihowá꞉nen tsi nahskatié꞉raʼse tsi wahseʼniá꞉kenhte ne tsi kónhnhe; ók só꞉tsi aʼí꞉non í꞉tken ne tsi tionontahrónnionʼs, ne karihwaiesáhtshera entewakeʼrhó꞉roke tánon enkíheie nohén꞉ton neh nón꞉we iá꞉kewe.

Genesis 49:4

Kwáh iáh thaʼtehsató꞉tats tsi ni iáh teiorihwató꞉ken tsi ní꞉ioht nohné꞉ka, iáh kiʼ ní꞉se thahsonkweʼtowá꞉nenke tiorí꞉wa tsi skát꞉ne wetsà꞉rate ne ión꞉kwe ne thaʼteiakeniiáhse Tánon ne wahsónniaʼte ne iaʼníha raó꞉nakte naiohsennáksenʼne!

Isaiah 15:5

Nakwéri tehoséntʼthoʼse Moab; ne rotiʼnathénhawis wahontèko Zoar niaʼhónhne, tánon Eglath Shelishiyah. Asèken tsi tsionontakàrenhre ne Luhith iahatinonhtarane tehonsentos; ne tsi niehiothahínon ne Horonaim wahatiʼtsitakétsko ne atkaronhniátshera;

Jeremiah 48:34

“Nonhkweshón꞉a ne Heshbon ó꞉ni ne Elealeh wahthothihénrehte, tánon tsi tehonséntʼthos iahatiʼwenhnahnihárahne tsi nióre ne Jahazʼne; nonhkweshón꞉a wahakokthóntehʼne nònhne ne Zoar nónhwe, tánon ó꞉ni iahakokthóntehne ne Horonaim nónhwe ó꞉ni ne Eglath Shelishiyah. Shé꞉kon ó꞉ni ne tsi kahionhátahse ne Nimrim iostatʼténʼen.

Deuteronomy 34:3

nenhtiené꞉sons nokwá꞉ti ne Judah; ó꞉ni ne tsi kahenthakwénhrare ne iéwas tsi nió꞉re ne Zoar ó꞉ni ne Jericho, né꞉ne tsi kanatowanèn꞉ke ne ioneratésons ioteronhthón꞉ni.