Genesis 19:3 - Ohiatonhseratokénti

³ Ó꞉nen kwáh í꞉ken tsi wahshakoteʼnekarónhkwen; kharé kʼiʼ ó꞉nen sahontenró꞉shen tsi thonónhsote nionsahón꞉ne. Ne Lot wahshakóhnhaʼne ne raohnhaʼtseraʼshón꞉a ne kwáh tkakhwí꞉io ahatikhón꞉ni ne ronwataweiaʼtén꞉ni tahontská꞉hon, tánon nó꞉nen sikaweienentá꞉ʼon waʼthontská꞉hon.

Genesis 19:3 ပူးပေါင်းရင်းမြစ်များ

Genesis 19:2

tánon wahén꞉ron, “Tesenènhshion, kén꞉en í꞉keʼs ne takenirihwáhshnieʼse. Aetsathontátsheke tsi tewakenónsote nontásene. Enwá꞉ton naetsarahsiʼtóhare ó꞉ni tsanòn꞉weʼt. Ohrhonʼkéhstsi tsatkétsko tánon tonsatsatháhak.” Ók waʼthnirihwaʼserá꞉ko, “Iáh ohthé꞉nen teiotié꞉ren tsi kanáthen eniatiahsontí꞉iake.”

Genesis 21:8

Ne raksá꞉ʼa tahatehiá꞉ron, tánon wahonwastarontá꞉ko; tánon ne Abraham kowá꞉nen tsi ní꞉ioht tsi wahakhwá꞉ren shahonwastarontá꞉ko ne Isaac.

Genesis 24:31

Wahén꞉ron, “Káts tsítene. Í꞉se ne són꞉kwe ne Roiá꞉ner iaiaʼtateríston. Nontié꞉ren tsi kén꞉ʼen íhsete? Ó꞉nen wakeweiennentá꞉ʼon ne kanàkta ní꞉se sarihwá꞉ke ne tsi tewakenónhsote, tánon ó꞉ni iotináktaien ne iotiniaʼkwáhere.”

Genesis 26:30

Sók kíʼ wahshakokhwahéhrhahse, tánon waʼthontská꞉hon ó꞉ni wahatihnekí꞉ra.

2 Kings 4:8

Énska nènhneʼe ne Elisha Shunem nónhwe niaháre, thóh nónhwe iokwáhtse tkanákereʼkwe. Wahohónkaron ne tahiáthonhte, tánon thóh thonhthásawen kwáh tsi nihioríhwake ne Shunem nónhwe nienhénre tsi tsononhsóh꞉the nónhwe iathenhaskáhon.

Exodus 12:15

Ne Roiá꞉ner wahénron, “Asèken tsáta nikaríwes tó꞉sa othènnen senátarak ne iontʼtenkwátha tekaiéston tsi kanaʼtarónhni—nék khók senátarak ne iáh thaʼtekaiéston ne ionhtʼtenkwátha. Nʼentewaʼtenhniserahʼtiérenhthe akwékon íseh iasehwáti ne ionhttenkwátha ne sewanonskónhʼsons, asèken tó꞉ka ónhka enhieʼnataràke ne ionhtʼtenkwátha tekaiéston ne tsáta nónhta nikaríwes, né kí enhoʼtenatónkwen iáh Í꞉i tesewakonhkwéta tèsken.

Exodus 12:39

Wahonʼtenahtarónten ne iáh tewatʼthenkwáhton ne iosheʼrhátken né thotíha ne Egypt, asèken sóhtsi thontaʼiahwénhsʼtsi tahonwanahtékwahte ne Egypt iáh tehotinakʼtoʼtáhʼon nahoʼtikwahʼtákwenh ne rahoʼtítkhwa tó꞉ka ó꞉ni nahotiʼkwahtáʼkwenhke nahonaʼtesherhatʼkéntonke.

Luke 11:8

Kȣarori, tsi iah tataontahatkestsko nok aontahaon netsi ronatenro; nok sane tenthatkestsko netsi tehonikonrharani nok enthaon tsinikon tehotonȣentsioni.

Luke 14:23

Tontahenron, ne Raiatakȣeniio! ȣas ohahakesson, atehonraktontie oni, nok tsiniiakon ensheken akȣa ok tasheiatenhaf, akanonsinn tsi ȣakenonsote.

Luke 5:29

Ȣatenniotatseroȣanen ȣahatennioten ne Levi raononskon, kentiokoȣanen ne ratikarotasions ratiiatare oni ne thiiete tsi ȣathonstskaon.

John 12:2

Nok eh nonȣe nahonȣakhonnien nokarasa, Marth ontsteriste natekkȣarane, nok ne Lazar etho oni noneh rotekkȣarakȣe.

1 Corinthians 5:8

Ánion tewahtenikonróhri nonkwáhwenk wahtohʼhesthákwen, tánon, iáh né꞉ne kanátaro ne tekaiéston ne akáʼion iontʼtenkwáhtha kariwáhneren ó꞉ni ne kariwáksens, nók né꞉ne kanátaro ne iáh thènen tathekaiéston ne iontʼtenkwáhtha, né꞉ne kanátaro ne aóskon íken ó꞉ni kariwahkwahrishión꞉tshera.

2 Corinthians 5:14

Neh꞉ne Kerístos raonoronhkhwáhtshera ionkwahá꞉wi. Kwáh seʼ orihwí꞉io iontión꞉ni tóka shaià꞉ta shakawenheiá꞉se nakotiaʼkéhshon, tho káti ní꞉ʼi tewaià꞉tare.

Hebrews 13:2

Sewehiárak naʼietʼtsihónkaron ne kenkʼthitiakawé꞉non ne sonwanonskónsons. Thóh kára niháti ne thóh nihotiʼiéren tánon kwáh iáh thènen tehonateriéntaraʼkwe tsi ratironhiakerónons wahonwahtihónkaron.

Judges 6:19

Káti ne Gideon kanónskon nionsáre tánon kaiatákeras owíra wahoteskónhten tánon skawinó꞉tsera othésehra wárasthe tsi wahatenatharónnhi iáh thatehoiéston ne waʼthenkwáhtha. Athé꞉rakon tahátha nowàron tánon ne iontenonhtaronhniátha káksakon nènhne wahátha, tánon iahohawíthase ne Roiá꞉ner rahoronhiakeró꞉non ne karonhthó꞉kon thénskote, tánon tahá꞉wen.

1 Samuel 28:24

Nón꞉wa ne iónkwe ionaskwaiéntakwe ne iorehsénston tionnónskwaron owí꞉ra naohnónskon. Watsiosteríhen wahowènhtho, tánon iahatéwakwe othé꞉sera, watkasehrakwénhteste, tánon ontenatahrón꞉ten ne iáh tewatʼthenkwáhton kanátahro.