Genesis 19:29 - Ohiatonhseratokénti

²⁹ Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Genesis 19:29 ပူးပေါင်းရင်းမြစ်များ

Genesis 11:27

Né kí꞉ken ne Terah tsi niehothwatsirí꞉non, ráonha iesehshakoioʼokón꞉ʼas ne Abram, ó꞉ni ne Nahor, tánon ne Haran. Ne Haran né꞉ne ieshoién꞉ʼa ne Lot,

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 30:22

Eʼthó꞉ne ne Rawenni꞉io sahshakawehiá꞉raʼne ne Rachel, tánon ne Rawenni꞉io sahshakótsenʼte tánon sahahnhotón꞉ko ne tsi iewiraráhkhwah.

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

Nehemiah 13:14

Takwehiá꞉rak, o ake Ní꞉io, kí꞉ken tánon tó꞉sa shaserónko tsi nitewakeriwaié꞉riton natiotenhsera né꞉tho tsi niwakatié꞉ren thóh raonónskon náke Ní꞉io tánon ne raoioténhsera.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Job Tánon ne Raoronhiakensera 35:8

Ne sariwahetkénhseras iakokaronhniátha nakorénhshons tsi ní꞉se ní꞉ioht, ó꞉ni ne saianerétsheras, nakorénshons ónkwe.

Psalms 105:42

Asèken rehiá꞉re ne iotokénti í꞉ken tsi nihorahratsténhni, ne Abraham, né꞉ne raonhátshera í꞉ken.

Psalms 105:8

Tiókonte ne réhiare ne raoterihwaʼseronhniátshera, né nowenhnasónhas ne rótston tsi nisakorahratsténhni ne tewenhniawehetsherásen nío꞉re iatehiotereserá꞉ne,

Psalms 106:4

Takehiá꞉rak, Ó Saiá꞉ner nó꞉nenh ensehiénawaʼse ne shonkwetaʼshón꞉has; thowaʼtiatawénhtet nó꞉nenh ensehsehiatáko;

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

Psalms 145:20

Ne Roiá꞉ner sakonikonhraráhtses ratikwékon ne ronhwanorónhkwa, ók ratikwékon ne ronhnonkwetahétkens tsi ensakótonhte.

Psalms 25:7

Saskenikónhrens nakerihwanerahák꞉tsera ne sitewatiónha ó꞉ni tsi naʼtewakaterientawén꞉rie; né entsoianénhawe ne sáwenk iorihwatóken kanoronhkwáhtsera tsi takehiárak, asèken né tsi nisahiánere aoríhwa, Ó Saiá꞉ner!

Ezekiel 14:16

tánon shé꞉konh ni ó꞉ni ne thí꞉ken áhsenh niháti ronhnónhkwe né éhtho nónhwe nahatináhkerehke—kwáh eh nihiorihwihiohónwe Í꞉i, ne Wakenonhtí꞉io Watiá꞉ner, tsi kwáh konhnhehónwe Wakení꞉io—iáh ó꞉ni tahathikwéni nashakothinónhsthaʼte ne sakothiʼienhokónhas. Kwáh roʼnónhak khók tsi ronhnónhnhe enhathinónhsthathe, tánon ne ohóntsa karáhkon né enwáhton.

Hosea 11:8

Onh ní꞉ioht tsi akonhiatsakwaríhsi, Ephraim? Onh ní꞉ioht tsi iakonhiát꞉kawe O Israel? Onh ní꞉ioht tsi thóh nakonhión꞉ni tsi ní꞉ioht ne Admah? Onh ní꞉ioht tsi thóh nakonhiatsérase tsi ní꞉ioht ne Zeboiim? Nakwé꞉ri tehiowishónkwa nakonhà꞉ke; nakenoronhkwáhtshera tsotarí꞉hens tánon ionétskas.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 9:27

Shehiehiárak ne shaná꞉tsheras, Abraham, Isaac, tánon ne Jacob; tó꞉sa othé꞉nen karí꞉wa sónhniat tsi nihotinonhnistaʼní꞉ron ki onhkweshón꞉a, ó꞉ni tsi nihonhnonkweʼtahétkens, ó꞉ni ne raotiriwaneraháktsheras,

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

2 Tiér 2:7

Wahonónstate ne Lot, tronkwetaiéri, tsi nithonikonrén꞉en ne tsi nihioteriwatéha tsi nihatiweienótens né iáh thènen tehonónni ne kaianerénseras.