Genesis 19:24 - Ohiatonhseratokénti

²⁴ Thontaiawénhstsi ne Roiá꞉ner wahakennó꞉rehste ne Sodom tánon ne Gomorrah ó꞉tsire tánon iontenatenʼtáhstha tekaiéhston;

Genesis 19:24 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 13:12

Ne Abram aotonhwentsà꞉ke ne Canaan thóh nón꞉we nahatená꞉taien, nok ne Lot ákta ne tsi kanatowá꞉nens ne aʼonhráhkwákon nónwe iaʼthanatáhkwaʼte ne raoʼtóhsera, kwáh tsi niió꞉re ne Sodom.

Genesis 18:17

Ne Roiá꞉ner wahén꞉ron, “Ahiriʼwahséhten ónhte kenh ne Abraham tsi kiʼnikatierá꞉ne,

Genesis 19:23

Ó꞉nen sitiorahkwinekén꞉en ne tsi ionhwentsá꞉te ne Lot shiahá꞉rawe ne Zoar.

Job Tánon ne Raoronhiakensera 1:16

Tsi ná꞉he shé꞉kon nihó꞉thare, thihá꞉te thóh sará꞉we tánon wahèn꞉ron, “Ne raótsire Rawenni꞉io tonhsénhne karonhiá꞉ke tánon wahakotiataʼtsahá꞉te ne teiotinakaronhtón꞉as tánon ne ratinhá꞉tseras, tánon wahakó꞉thonhte; akonwá꞉ha khók iatonhshonkatátere sakeniá꞉kenhne nahonsakonhró꞉ri.”

Job Tánon ne Raoronhiakensera 18:15

Ne raonatohserá꞉kon iáh othé꞉nnon teská꞉ien; iontenatenhtástha watonreniá꞉ten ne tsi ratiʼterón꞉tons.

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Exodus 9:23

Sók kíʼ ne Mahís wahaʼtenhnitserahkétsko karonhiàke niahaʼiérahte, tánon ne Roiá꞉ner tahaʼténieʼte nakáwehre ó꞉ni nahiowisónhti, tánon wahotesehronhtiésehron nonhwenhtsàke. Né꞉ne Roiá꞉ner tahaʼtéʼnieʼte

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Isaiah 13:19

Tanon ne Ne Babylon, né꞉ne aohiatanerakwáhtshera tsi níkons kanontiʼiotsherakérons: ne ne akorashétsheras ó꞉ni akonaiéseras ne Chaldeans, kwáh kíʼ thóh nenhiá꞉wenhne tsi ní꞉ioht ne Sodom tánon ne Gomorrah!

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Jeremiah 20:16

Aiáwenhs né tahonshaʼhiatiérenhke tsi ní꞉ioht thíken kanatowáhnenhs nètho ne Roiá꞉ner rorihwahtónton kwáh tsi thahóten ne athaniténron. Aiáwenhs nék khók ahothónteʼke ne karonhiakénsehra noronhkéʼne tánon tsi nenhontátisʼte naterihiósehra nénhtie nenhkárahke,

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Jeremiah 49:18

Kwáh ne sháka tsi nenhiohiátawenh ne Edom tsi niʼiawénhʼen ne Sodom tánon ne Gomorrah, ne nónenh nètho tánon ne ákta kanataiéntons skakonwatiriwáhthonʼte. Iáh ónhka shé꞉kon èhtho tahonskahionnáhkerehke. Í꞉i, ne Watiá꞉ner wakatáti.

Jeremiah 50:40

Kwáh enkeriwáhthonʼte tsi ki niwahtiéren tsi wahkeriwahtónton ne Sodom tánon ne Gomorrah tánon ne tehonnathanekʼkhánions, ráton ne Roiá꞉ner. Iáh ónhka shé꞉kon éhtho tahonsahienáhkerehke.

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Hosea 11:8

Onh ní꞉ioht tsi akonhiatsakwaríhsi, Ephraim? Onh ní꞉ioht tsi iakonhiát꞉kawe O Israel? Onh ní꞉ioht tsi thóh nakonhión꞉ni tsi ní꞉ioht ne Admah? Onh ní꞉ioht tsi thóh nakonhiatsérase tsi ní꞉ioht ne Zeboiim? Nakwé꞉ri tehiowishónkwa nakonhà꞉ke; nakenoronhkwáhtshera tsotarí꞉hens tánon ionétskas.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Zephaniah 2:9

É꞉tho ká꞉ti, tsi nikónhnhe, ráton ne Roiá꞉ner ne kwáh è꞉neken tókte ne ratironhiaʼkehró꞉nons, ne Sakoní꞉io Israerʼró꞉nons; ne Moab thóh nenhiohiatáwen tsi nihiohiatawénhon ne Sodom tánon nahonkweʼtashón꞉as ne Ammon thóh nenhotihiatáwen tsi nihioiatawénhon ne Gomorrah, thóh nón꞉we niwatonhniátha ne kahontátsens tánon ne hiosonhwakarónhtons ne tiohió꞉tsis tánon kariwaiesáton né꞉ne tsi nén꞉we enkénhake; ne iatehonathaténhron nakonhkweʼtashón꞉as Judahró꞉nons kwáh enhatinenskwenhá꞉ton, ne nakonkweʼtashón꞉as ensatihiatakwení꞉ioke.

Luke 10:12

Nok ȣakȣarori, neh nonȣe teȣenniserate karo tsi nenhonȣanateseroȣanaten ne Sodomronon tsiniiot netho nonȣe nihatinakere.

Deuteronomy 28:24

Tsi ní꞉ioht nahiokén꞉nore, ne Roiá꞉ner kek ne enhtaténiete nahonkenrakétsko ó꞉ni nakanesaronhkwahkétsko tsi nió꞉re ne kwáh ieniesathón꞉te.

Deuteronomy 29:22

“Ne wahatinekwenhsatátie ne shawá꞉tsires ó꞉ni ne thihononhontsá꞉tes ne ahí꞉non nió꞉re thatinahkerénions kwáh enhontkátho ne kariwaieshá꞉tsheras ó꞉ni ne karonhiakénhseras né꞉tho Roiá꞉ner thó꞉has ne sonhontsà꞉ke.

Deuteronomy 29:23

Ne kahenthakésons kwáh kaiáse enkénhake, ne entsioró꞉ronhke ne iontenatentásta tánon tioiótsis; iáh thahó꞉ten thakaienʼthónke, tánon shé꞉kon ne kahontátsens iáh ki tahonthakánio ne nón꞉we. Ne sonhontsà꞉kes ne tenskaieronhthárake ne tsi kanatowá꞉nens ne Sodom ó꞉ni ne Gomorrah, né꞉ne Admah tánon ne Zeboiim nón꞉we, tsi niká꞉ien ne Roiá꞉ner rorihwénktons nó꞉nen ne kwáh sihotenakwenhráti.

2 Tiér 2:6

Rawenni꞉io sakorewáton ne kanatowánens né꞉ne Sodom tánon ne Gomorrah, ótsire wáhratste tsi wasakótonte, ne kíʼ wáratste nasakoronkáten tsi nenhiakoiátawen nónka iáh tehiakonihioseráien.

Jude 1:7

Seweiáre wáhi ne Sodom tanon ne Gomorrah, tanon náktha kanataienthonkwe, ne rahononkwetasónhas thóh nahathiweienʼnhoten꞉ne tsi niʼioht thí꞉ken ratironhiakerónons ó꞉ni tsiktiahatiʼieránion tsi nokwáh ne kentéhsera ó꞉ni naskanéktsheras; ne wahatiʼiéna ne karewathátshera ne iotekaʼonwe ne kí꞉ken ne kwáh onkweʼtakwé꞉kon tsi iakonronkaténnis.

Revelation 14:10

kwáh ó꞉ni ronón꞉ha enhatinekí꞉ra ne notsí꞉tsa né꞉ne Rawenni꞉io raoterhiatitkhóntshera, tewawéhron kwáh iáh thatekanekaiéston ne kák꞉sakon ne raonakwáhtshera, ne ronón꞉ha kwáh enhon꞉watironhiákente ó꞉tsire enwátston tánon iontenathentásta thóh raotihén꞉ton ne roʼtiiatatokénhtis ratironhiakeró꞉nons tánon raohén꞉ton ne teonakarontónha owí꞉ra.