Genesis 19:16 - Ohiatonhseratokénti

¹⁶ Ók né Lot wahatiatakenhé꞉iaʼte; ók ne tehnironhiaʼkehró꞉non tahonwaié꞉na ráonha tánon ne ró꞉ne, tánon ne tekeniiáhse raoiaʼtaseʼtsheraʼshón꞉ʼa tahonwatinéntsha, ne Roiá꞉ner kwáh í꞉ken tsi rotanitenrahtsherowá꞉nen tsi nonkwá ne ráonha, tahonwaiatʼínekenhwe tánon thóh wahonwènʼteron nátste naʼkanàtati ne kanatowanén꞉ke.

Genesis 19:16 ပူးပေါင်းရင်းမြစ်များ

Genesis 19:15

Nohrhonʼké꞉ne shontawèn꞉teʼne, ne tehnironhiaʼkehró꞉non wahonwatoktáhkwen ne Lot tahohsteríhen, iatónnions, “Sátkétsko, iaʼsheiaʼténhahf ne tesení꞉teron tánon ne tekeniiáhse saiaʼtaseʼtsheraʼshón꞉ʼa né kén꞉ʼen íkeneʼs, né꞉ne tóhsa ahsatiaʼtátsha nó꞉nen ne kanatowanèn꞉ke enkonwarihwáhtonʼte.”

Genesis 43:10

Tókaʼ iáh tho niió꞉re tsi thaionkwatenʼniskwáhton, ó꞉nen tékeni taionkwákton.”

1 Chronicles 16:34

Ó tetsisewaʼnonweráton ne Roiá꞉ner, asèken thorihwaʼiéri; ne iorihwaʼtóken raonoronhkwáhtshera kwáh tsi nénhwe enkénhake!

Psalms 103:13

Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Psalms 106:1

Tehonwaʼnonweráton ne Roiá꞉ner! Ó tetsisewaʼnonwerá꞉ton ne Roiá꞉ner, asèken ne tsi nithorihwaʼiéri; asèken ne iorihwaʼthó꞉ken raononronhkwáhtshera tsi nénhwe enkátake.

Psalms 106:8

Nek kík sá꞉ka waʼsakonónsthate né꞉ne raosénhna aorihónʼniat, né kíʼ nahóntonh aréneste ne teiotenonhianíton raoshaststénhsera.

Psalms 107:1

Ó tetsisewaʼnonweráton ne Roiá꞉ner né tsi nithoriwaʼiéri; asèken né ioriwaʼtóken raonoronkwáhtshera tsi né nénhwe tsi thenkawisasteke.

Psalms 111:4

Né rahonhniáton ne iorihwanerakwathénions raoiothénseras nahiakehiáraʼke; ne Roiá꞉ner thorihwaʼiéri tánon rotanithenráts꞉kon.

Psalms 118:1

Ó tetsisewaʼnonweráton ne Roiá꞉ner, asèken thorihwaʼiéri; ne iorihwaʼtóken raonoronhkwáhtshera kwáh tsi nénhwe enkénhake!

Psalms 119:60

Kwáh iáh tewakatenhniskwáhton tsi natewasteríhen nakatewénhnarahkwe ne satsiawenhráhseras.

Psalms 136:1

Ó tetsisewanonweráton ne Roiá꞉ner, asèken tsi nitorihwaiéri, asèken ne iorihwatóken raonoronhkwáhtshera tsi nénhwe enkátake.

Psalms 32:10

Ne ionkwetahétʼken onén tsi enhatironhiáken, ók ne iorihwató꞉ken kanoronhkwáhtsera ne tehiakotsatháton tsi nihiákon ne tonhwethákwen ne Roiá꞉ner.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 33:19

Sakohnónstats tsi nòkwah ne kenhéiatne, sakónonste nahonnón꞉nheke nó꞉nen ienhkáhewe natonhkarhiákon.

Psalms 34:12

Ónhka tsi nítion ionská꞉neks nahiakónnheke, tánon ionskáneks karíhwes ahiakotakaríhteke tsi ní꞉ioht tsi ahiakónnheke?

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Exodus 34:7

Kateweiéntons nakararáhtshera né꞉ne niwenhniaweʼhetsheráhsen níkon tewateresehrásere tánon sewakerikónhrens ne kariwahétken ó꞉ni ne kariwáneren; ók iáh kíʼ tahonkeriwanó꞉ron naʼkheréwathe ne ratiksaokónhas ó꞉ni ne ronhwaʼnaterehokónhas né asénhaton tó꞉ka ó꞉ni ne kaieríhaton niatewatereserásere né꞉ne ronwatihiohokónhas raotiriwanerahákʼtsheras ahorihóniat.”

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Lamentations 3:22

Ne Roiá꞉ner tsi iáh tseiotók:te ne rahononronkwátsera óni ne rahotaniténron sékon watátie,

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Luke 18:13

Nok ne rakarotasions otasetonke tontahatonstsoten akȣekon iah teȣatarakestskȣenhatie, nok raton tsi roterennaien: O Niio! Takitenr ȣakeriȣaneren.

John 6:44

Iah onka takakȣeni aonkiatorenne; ne iah Rakeniha ne oni ne thakatorion taontahoiatatirontane, nok nii enshiionnhete nonen onaken teȣenniseronte.

Romans 9:18

Nekáti, tòhka ne Rawenni꞉io enhaskáneke naréneste nónkak asakótenre, ehnihaiéra, tánon tòhka enhaskáneke nónkak aiontenikonrátsate, ehnihaiéra.

2 Corinthians 1:3

Ahonwahsén꞉naien Rawenni꞉io, ne roién꞉ʼa ne Shonkwaiá꞉ner Ié꞉sos Kerístos! Ne Kaʼníhsera kwáh se rotennitenrátskon ne Rawenni꞉io, tsi niká꞉ien tió꞉konte tehshonkwá꞉wis ne kaʼnikonhraʼniráhthsera.

Deuteronomy 4:31

Kwáh í꞉ken tsi rotaʼnitenrátskon Ní꞉io. Iáh thatsisewatiaʼtontakwáhse iáh ó꞉ni thatsisewanonhwarià꞉kon, iáh ó꞉ni tahoʼnikónhren nateriwaʼseronhniá꞉tshera ne shakosenhèn꞉ni ne sewasoʼtsheraokonhkén꞉en.

Deuteronomy 5:15

Sewehiárak tsi sewanáskwa kenʼne ne Egypt nónhwe, tánon Í꞉i ne Watiá꞉ner sewaNí꞉io, shakwahniá꞉kente ne wá꞉katste nakeshatstenserowaná꞉tshera ó꞉ni kaʼshatsténshera. Ne ki tiorí꞉wa tsi kwahró꞉ris iahisewehiá꞉rake ne tsatákhaton nónhta.

Deuteronomy 6:21

Ethò꞉ne ietshiró꞉ri, ‘Shonkwanaskón꞉niskwe ne ronhnonhtí꞉io ne Egypt nón꞉we, tánon ne Roiá꞉ner shasonhkwaniákente ne wà꞉ratste ne raosatstenhserowaná꞉tshera.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Titus 3:5

shashonkwaniákenthe. Iáh ne tehioríwahke ne thènen ne kahiotenserí꞉io ahionkwahiotén꞉en, nók ne aoríwahke, raonháke ne Ronikonrahtokénti, tsi raónha teshonkwáwis náse ahonsetewahnákerate ó꞉ni nonkwahtónnhets enshanóhare.

Joshua 6:22

Ne Joshua washá꞉koró꞉ri ne tenihiáse né iateriwathó꞉rats ronhnathatonhnine, “Wáhs tsi tsononhshó꞉the ne ioriwahiathathonʼon niahasene, tánon tasehnihiatenhaf ó꞉ni ne ahó꞉watsires, kwáh ki tsi nitsarahratstenhni.”

2 Tiér 2:7

Wahonónstate ne Lot, tronkwetaiéri, tsi nithonikonrén꞉en ne tsi nihioteriwatéha tsi nihatiweienótens né iáh thènen tehonónni ne kaianerénseras.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,